ನುಗ್ಗೆಕಾಯಿ ಮಹಿಮೆಗೆ ನುಗ್ಗೆಕಾಯಿಯೇ ಸಾಟಿ

ಶೀತ, ಜ್ವರದ ವಿರುದ್ಧ ಹೋರಾಡುತ್ತದೆ

ಇದರಲ್ಲಿ ವಿಟಮಿನ್ ಸಿ ಅಧಿಕವಿದೆ. ಶೀತ, ಜ್ವರ, ಗಂಟಲು ಕೆರತ ಉಂಟಾದಾಗ ನುಗ್ಗೆ ಕಾಯಿ ಸೂಪ್ ಕುಡಿದರೆ ಸಾಕು ಕಡಿಮೆಯಾಗುವುದು.

ಉಸಿರಾಟದ ತೊಂದರೆ

ಅಸ್ತಮಾ, ಉಸಿರಾಟದಲ್ಲಿ ತೊಂದರೆ ಈ ರೀತಿಯ ಸಮಸ್ಯೆ ಇರುವವರಿಗೆ ನುಗ್ಗೆಕಾಯಿ ಒಳ್ಳೆಯ ಮದ್ದು. ಇದರ ಬೀಜವನ್ನು ತಿನ್ನುವುದು ಕೂಡ ತುಂಬಾ ಒಳ್ಳೆಯದು.

ಮೂಳೆಗಳನ್ನು ಬಲಪಡಿಸುತ್ತದೆ

ಇದರಲ್ಲಿ ಕಬ್ಬಿಣದಂಶ, ಕ್ಯಾಲ್ಸಿಯಂ ಅಧಿಕವಿದ್ದು ಮೂಳೆಗಳನ್ನು ಬಲ ಪಡಿಸುತ್ತದೆ.

ರಕ್ತವನ್ನು ಶುದ್ಧೀಕರಿಸುತ್ತದೆ

ನುಗ್ಗೆಕಾಯಿ ಸೊಪ್ಪನ್ನು ಪೇಸ್ಟ್ ರೀತಿ ಮಾಡಿ ಹಾಲಿನಲ್ಲಿ ಹಾಕಿ ಕುಡಿದರೆ ರಕ್ತ ಶುದ್ಧವಾಗುತ್ತದೆ.

ಗರ್ಭಿಣಿಯರಿಗೆ ಒಳ್ಳೆಯದು

ಗರ್ಭಿಣಿಯರು ಇದನ್ನು ತಿನ್ನುವುದು ಒಳ್ಳೆಯದು. ಗರ್ಭಿಣಿಯಾಗಿದ್ದಾಗ ಕಂಡು ಬರುವ ಸುಸ್ತು, ತಲೆ ಸುತ್ತು ಈ ರೀತಿಯ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ. ಭ್ರೂಣದ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಇದರ ಸೊಪ್ಪನ್ನು ತಿಂದರೆ ಎದೆ ಹಾಲು ಹೆಚ್ಚಾಗುವುದು. ಹಳ್ಳಿ ಕಡೆ ಇದನ್ನು ಎದೆ ಹಾಲನ್ನು ಉತ್ಪಾದಿಸುವ ಮನೆ ಮದ್ದಾಗಿ ಉಪಯೋಗಿಸುತ್ತಾರೆ.

ಸೋಂಕು ಹರಡದಂತೆ ತಡೆಯುತ್ತದೆ

ಇದು ಸೋಂಕಾಣುಗಳ ವಿರುದ್ಧ ಹೋರಾಡುತ್ತದೆ. ಇದರ ಹೂವನ್ನು ಸ್ನಾನ ಮಾಡುವ ನೀರಿಗೆ ಹಾಕಿದರೆ ತ್ವಚೆ ಅಲರ್ಜಿಯನ್ನು ಕಡಿಮೆ ಮಾಡಬಹುದು. ಕಜ್ಜಿಯನ್ನು ( fungal skin infections) ಅನ್ನು ಈ ಮದ್ದಿನಿಂದ ಗುಣ ಪಡಿಸಬಹುದು.

ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆ

ನುಗ್ಗೆ ಕಾಯಿ ಸೊಪ್ಪಿನ ರಸ ಹಿಂಡಿ ಅದನ್ನು ಜೇನಿನ ಜೊತೆ ಮಿಶ್ರ ಮಾಡಿ ಕುಡಿದು ನಂತರ ಎಳನೀರು ಕುಡಿದರೆ , ಅರಿಶಿಣ ಕಾಮಲೆ, ಕಾಲರಾ( ವಾಂತಿ-ಬೇಧಿ) ಈ ರೀತಿಯ ಕಾಯಿಲೆಗಳು ತಕ್ಷಣ ಗುಣ ಮುಖವಾಗುತ್ತದೆ.

ಲೈಂಗಿಕ ಸಾಮರ್ಥ್ಯ

ಲೈಂಗಿಕ ಸಮಸ್ಯೆಯಿಂದ ಬಳಲುವವರಿಗೂ ಇದು ಉತ್ತಮ ಮನೆ ಮದ್ದಾಗಿದೆ. ನುಗ್ಗೆ ಕಾಯಿಯನ್ನು ತಿಂದರೆ ಲೈಂಗಿಕ ಶಕ್ತಿ ಹೆಚ್ಚುವುದು.