ವಯಸ್ಸು ಮೂವತ್ತಾಯಿತೇ? ಸ್ತನ ಕ್ಯಾನ್ಸರ್ ಬಗ್ಗೆ ಎಚ್ಚರ!

1. ವ್ಯಾಯಾಮ

ಮಹಿಳೆಯರು ಪ್ರತಿನಿತ್ಯ ತಪ್ಪದೆ ವ್ಯಾಯಾಮ ಮಾಡುವುದು ಒಳ್ಳೆಯದು. ದೈಹಿಕ ಶ್ರಮ ಪಡುವವರಿಗೆ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ತುಂಬಾ ಕಡಿಮೆ ಎಂದು ಸಂಶೋಧನೆಯಿಂದ ತಿಳಿದು ಬಂದಿದೆ.

2. ದೇಹದ ತೂಕ

ತೂಕವನ್ನು ಮಿತಿಯಲ್ಲಿ ಇಟ್ಟುಕೊಳ್ಳುವುದು ಆರೋಗ್ಯದ ದೃಷ್ಟಿಯಲ್ಲಿ ತುಂಬಾ ಒಳ್ಳೆಯದು. ಮೆನೋಪಸ್ ನಂತರ ದೇಹದ ತೂಕ ಹೆಚ್ಚಾಗದಂತೆ ನೋಡಿಕೊಳ್ಳಿ. ಏಕೆಂದರೆ 40 ವರ್ಷ ದಾಟಿದ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಹೆಚ್ಚಾಗಿ ಕಂಡು ಬರುತ್ತದೆ.

3. ಕೊಬ್ಬಿನಂಶವಿರುವ ಆಹಾರಗಳಿಂದ ದೂರವಿಡಿ

ಅಧಿಕ ಕೊಬ್ಬಿನಂಶವಿರುವ ಆಹಾರ ತಿನ್ನುವುದಕ್ಕೂ ಸ್ತನ ಕ್ಯಾನ್ಸರಿಗೂ ಒಂದಕ್ಕೊಂದು ಸಂಬಂಧವಿದೆ. ಅಧಿಕ ಕ್ಯಾಲೋರಿ ಇರುವ ಆಹಾರಗಳನ್ನು ತಿಂದಷ್ಟು ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚು.

4. ಹಣ್ಣು-ತರಕಾರಿಗಳು

ಮಹಿಳೆಯರು ಯಾರು ಕ್ಯಾರೋಟಿನ್ ಇರುವ ಪದಾರ್ಥಗಳನ್ನು ಕಡಿಮೆ ತಿಂದರೆ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚು. ತರಕಾರಿ ಹಾಗೂ ಹಣ್ಣುಗಳಲ್ಲಿ ಕ್ಯಾರೋಟಿನ್ ಅಂಶ ಅಧಿಕವಿದೆ.

5. ಸೋಯಾ

ಸೋಯಾವನ್ನು ಅಡುಗೆಯಲ್ಲಿ ಬಳಸುವುದು ಒಳ್ಳೆಯದು. ಸೋಯಾ ತಿಂದಷ್ಟು ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಕಡಿಮೆ.

6. ಎದೆ ಹಾಲು ಕೊಡದಿರುವುದು

ಅಬಾರ್ಷನ್ ಮಾಡಿಸಿದರೆ, ಮಗುವಿಗೆ ಎದೆ ಹಾಲು ಕೊಡದಿದ್ದರೆ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚು. ಮಕ್ಕಳಿಗೆ ಎದೆ ಹಾಲನ್ನು 1- 2 ವರ್ಷದವರೆಗೆ ಕೊಟ್ಟರೆ ಮಗುವಿಗೆ ಹಾಗೂ ತಾಯಿಗೂ ಒಳ್ಳೆಯದು.

7. ಧೂಮಪಾನ

ಮಾಡರ್ನ್ ಲೈಫ್ ಸ್ಟೈಲ್ ಪಾಲಿಸಿ ಕೆಲ ಮಹಿಳೆಯರು ಧೂಮಪಾನ ಮಾಡುತ್ತಾರೆ. ಫ್ಯಾಷನ್ ಗಾಗಿ ಪ್ರಾರಂಭಿಸಿದ ಧೂಮಪಾನ ಬಂಜೆತನ, ಸ್ತನ ಕ್ಯಾನ್ಸರ್ ಈ ರೀತಿಯ ಅನೇಕ ತೊಂದರೆಗಳನ್ನು ತರಬಹುದು.