ತುಂಬಾ ಬೇಜಾರಾದಾಗ ಏನನ್ನ ತಿನ್ನಬೇಕು?

Updated: Friday, October 19, 2012, 17:16 [IST]

ಸಾಮಾನ್ಯವಾಗಿ ಮನಸ್ಸಿನಲ್ಲಿ ಏನಾದರೂ ಚಿಂತೆ ಇದ್ದಾಗ, ಬೇಸರದಲ್ಲಿದ್ದಾಗ ಖಿನ್ನತೆ ಕಾಣಿಸಿ ಕೊಳ್ಳುತ್ತದೆ. ಆದರೆ ಆ ರೀತಿಯ ಖಿನ್ನತೆ ಸ್ವಲ್ಪ ಹೊತ್ತಿನ ಬಳಿಕ ಹೆಚ್ಚೆಂದರೆ 2-3 ದಿನದ ಬಳಿಕ ಕಡಿಮೆಯಾಗುವುದು. ಅದೇ ಖಿನ್ನತೆ ತುಂಬಾ ದಿನ ಇದ್ದರೆ ಮಾನಸಿಕ ಅಸ್ವಸ್ಥರಾಗುತ್ತಾರೆ. ಆದ್ದರಿಂದ ಮನೆಯಲ್ಲಿ ಖಿನ್ನತೆ ಕಾಯಿಲೆ ಕಾಣಿಸಿಕೊಂಡರೆ ತುಂಬಾ ಎಚ್ಚರದಿಂದ ಇರಬೇಕು. ಖಿನ್ನತೆಯಲ್ಲಿರುವವರಿಗೆ ಕೌನ್ಸಿಲಿಂಗ್ ಕೊಡಿಸಬೇಕು, ಚಿಕಿತ್ಸೆ ನೀಡಬೇಕು, ಅದರಲ್ಲೂ ಕೆಲವೊಂದು ಆಹಾರಗಳಿವೆ ಅವುಗಳನ್ನು ಅವರ ಆಹಾರಕ್ರಮದಲ್ಲಿ ಸೇರಿಸಬೇಕು. ಆಗ ಖಿನ್ನತೆ ಕಡಿಮೆಯಾಗುವುದು.

ಮನಸ್ಸಿಗೆ ತುಂಬಾ ಬೇಜಾರು ಅನಿಸಿದಾಗ ಅದೇ ವಿಷಯದ ಬಗ್ಗೆ ಯೋಚಿಸುತ್ತಾ ಕೂತರೆ ಮನಸ್ಸಿಗೆ ಮತ್ತಷ್ಟು ಬೇಜಾರಾಗುತ್ತದೆ. ಆ ಸಮಯದಲ್ಲಿ ಮನಸ್ಸಿಗೆ ಸಮಧಾನ ಸಿಗಲು ಸಂಗೀತ ಕೇಳುವುದು, ಪ್ರಕೃತಿಯ ಸೌಂದರ್ಯವನ್ನು ನೋಡಲು ಹೋಗಿ ಬಿಡಬೇಕು. ಕೆಲವೊಮ್ಮೆ ವಿನಾಕಾರಣ ಮನಸ್ಸಿಗೆ ಬೇಜಾರಾಗುತ್ತಿರುತ್ತದೆ. ಈ ರೀತಿ ಬೇಜಾರಾಗಲು ಹಾರ್ಮೋನ್ ಗಳ ವ್ಯತ್ಯಾಸ ಕಾರಣವಾಗಿದೆ.

ಮನಸ್ಸಿಗೆ ಬೇಜಾರಾದಾಗ ಈ ಆಹಾರಗಳನ್ನು ತಿನ್ನಿ, ಸ್ವಲ್ಪ ಹೊತ್ತಿನಲ್ಲಿಯೇ ನಿಮ್ಮ ಮೂಡ್ ಸರಿಯಾಗಿ ಮಾಮೂಲಿ ಸ್ಥಿತಿಗೆ ಬರುತ್ತದೆ. So, stay cool!

1. ಡಾರ್ಕ್ ಚಾಕಲೇಟ್:

ಇದರಲ್ಲಿರುವ ಕೋಕಾದಲ್ಲಿ ಖಿನ್ನತೆಯನ್ನು ಹೋಗಲಾಡಿಸುವ ಔಷಧೀಯ ಗುಣವಿದೆ. ಇದರಲ್ಲಿರುವ ವಿಟಮಿನ್ ಬಿ ಮೆದುಳಿನ ಆರೋಗ್ಯಕ್ಕೆ ಸಹಕಾರಿಯಾಗಿದೆ. ಈ ಚಾಕಲೇಟ್ ನಲ್ಲಿ ಸೆರಾಟಿನ್, ಡೊಪೈನ್, ಪೀನಲ್ ಈಥೇಲ್ ಮೈನ್ ಎಂಬ ಅಂಶಗಳಿದ್ದು ಖಿನ್ನತೆಯನ್ನು ಹೋಗಲಾಡಿಸಲು ಸಹಕಾರಿಯಾಗದೆ.

2. ಕಾರ್ಬೋಹೈಡ್ರೇಟ್:

ಡಯಟ್ ನ ಹೆಸರಿನಲ್ಲಿ ಕಾರ್ಬೋಹೈಡ್ರೇಟ್ ಇರುವ ಆಹಾರವನ್ನು ತಿನ್ನದಿರುವುದು ಒಳ್ಳೆಯದಲ್ಲ. ಪ್ರತಿದಿನ ದೇಹಕ್ಕೆ ಇತರ ಪೋಷಕಾಂಶಗಳ ಜೊತೆ ಕಾರ್ಬೋಹೈಡ್ರೇಟ್ ಆಹಾರ ಕೂಡ ಅವಶ್ಯಕ. ಆ ಆಹಾರಗಳಿಗೆ ಖಿನ್ನತೆಯನ್ನು ಕಡಿಮೆ ಮಾಡುವ ಸಾಮರ್ಥ್ಯ ಇದೆ.