ಸಾಮಾಜಿಕ ತಾಣ ಜೊತೆ ನಿಕಟ ಸ್ನೇಹ ಅಪಾಯ!

Wellness

oi-Reena

By Hema S

Published: Thursday, May 10, 2012, 17:36 [IST]

'ನನ್ನ ತಮ್ಮ ಬೆಳಗ್ಗೆ ಎದ್ದು ದೇವರ ಮುಖ ನೋಡವ ಮುನ್ನ ಫೇಸ್ ಬುಕ್ ಓಪನ್ ಮಾಡಿ ಕೂತಿರುತ್ತಾನೆ, ನಾವು ಬಯ್ದರೂ ಕೇಳುವುದಿಲ್ಲ' ಅಂತ ನನ್ನ ಸ್ನೇಹಿತೆ ಹೇಳುತ್ತಿರುತ್ತಾಳೆ. ಹೌದು ಈಗೀನ ಪೀಳಿಗೆಯವರಿಗೆ ಸಾಮಾಜಿಕ ತಾಣಗಳಾದ ಫೇಸ್ ಬುಕ್, ಗೂಗಲ್ +, ಟ್ವಿಟರ್ ಇವೇ ಜಗತ್ತು ಆಗಿ ಬಿಟ್ಟಿದೆ. ಇನ್ನು ಕಂಪನಿಗಳಲ್ಲಿ ಅನೇಕ ಕೆಲಸ ಕಾರ್ಯಗಳು ಸಾಮಾಜಿಕ ತಾಣದ ಮುಖಾಂತರವೇ ನಡೆಯುತ್ತದೆ.

ಆದರೆ ಇದನ್ನು ಮಿತಿ ಮೀರಿ ಬಳಸಿದರೆ ಶಾರೀರಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಅಪಾಯ! ಈ ಸಾಮಾಜಿನ ತಾಣಗಳು ಮಾನಸಿಕ ಒತ್ತಡವನ್ನು ತರುತ್ತದೆ. ಸಾಮಾಜಿಕ ತಾಣದ ಜೊತೆ ಹೆಚ್ಚು ಹೊತ್ತು ಕಳೆಯುವ ಜನರು ತಮ್ಮ ಮನೆಯವರ ಜೊತೆ, ಗೆಳೆಯರ ಜೊತೆ ಕಡಿಮೆ ಸಮಯವನ್ನು ಕಳೆಯುವಂತಹ ಪರಿಸ್ಥಿತಿ ಬಂದಿದೆ.

ಸಾಮಾಜಿಕ ತಾಣವನ್ನು ಉಪಯೋಗಿಸುವವರು ಈ ಕೆಳಗಿನ ಅಂಶಗಳನ್ನು ಮನದಲ್ಲಿಟ್ಟುಕೊಂಡರೆ ಮಾನಸಿಕ ಮತ್ತು ದೈಹಿಕ ಆರೋಗ್ಯ ಕಾಪಾಡಬಹುದು ಅಲ್ಲದೆ ಮನೆಯವರ ಮತ್ತು ಸ್ನೇಹಿತರ ಜೊತೆ ಬಾಂಧವ್ಯ ಹೆಚ್ಚಾಗುವುದು.

ಸಂಬಂಧ: ಫೇಸ್ ಬುಕ್ ನಲ್ಲಿ ಗಂಟೆಗಟ್ಟಲೆ ಗೆಳಯರೊಡನೆ ಹರಡುವುದಕ್ಕಿಂತ ನಿಮ್ಮ ಜೊತೆಗೆ ಇರುವ ಸ್ನೇಹಿತರ ಜೊತೆ ಹರಟೆ ಹೊಡೆಯಿರಿ, ಕೆಲ ವಿಷಯಗಳನ್ನು ಚರ್ಚಿಸಿ ಇವೆಲ್ಲವೂ ನಿಮ್ಮ ಸ್ನೇಹವನ್ನು ಗಟ್ಟಿ ಮಾಡುತ್ತದೆ. ಇದರಿಂದ ನಿಮ್ಮ ಮನಸ್ಸಿಗೂ ಸಂತೋಷ ಸಿಗುತ್ತದೆ.

ಬಿಡುವು: ಆಫೀಸ್‌ನಲ್ಲಿ ಎಷ್ಟೇ ಕೆಲಸವಿರಲಿ, ಸ್ವಲ್ಪ ಹೊತ್ತು ಬಿಡುವು ತೆಗೆದುಕೊಳ್ಳಬೇಕು. ವಿಶ್ರಾಂತಿ ತೆಗೆದುಕೊಂಡು ಮಾಡಿದರೆ ಮನಸ್ಸು ಸ್ವಲ್ಪನಿರಾಳವಾಗಿ ಕೆಲಸ ಮಾಡಲು ಮತ್ತಷ್ಟು ಶಕ್ತಿ ದೊರೆಯುತ್ತದೆ.

ಕಂಪ್ಯೂಟರ್ ಮುಂದೆ ಕೂತು ತಿನ್ನಬೇಡಿ: ಎಷ್ಟೇ ಕೆಲಸವಿರಲಿ ಕಂಪ್ಯೂಟರ್ ಮುಂದೆ ಕೂತು ತಿನ್ನುವ ಅಭ್ಯಾಸ ಬೇಡ. ಊಟವನ್ನು ಸಮಧಾನವಾಗಿ ಒಂದು ಕಡೆ ಕೂತು ತಿನ್ನಿ. ಹೆಚ್ಚು ಒತ್ತಡ ತೆಗೆದುಕೊಂಡು ಕೆಲಸ ಮಾಡಿದರೆ ಆರೋಗ್ಯ ಹಾಳಾಗುವುದಲ್ಲದೆ ಮತ್ತೇನು ಪ್ರಯೋಜನವಿಲ್ಲ. ಕಂಪ್ಯೂಟರ್‌ನಲ್ಲಿ ಕೆಲಸ ಮಾಡುತ್ತಾ ಕುರುಕಲು ತಿಂಡಿ ತಿನ್ನುವ ಅಭ್ಯಾಸ ಬೇಡ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.