ನಿದ್ರಾಹೀನತೆ ಸಮಸ್ಯೆ ನಿವಾರಿಸುವ ಮನೆಮದ್ದು!

ವಯಸ್ಸಾದಂತೆ ಅಥವಾ ಮಾನಸಿಕ ಒತ್ತಡ, ಅನಾರೋಗ್ಯ ಈ ಎಲ್ಲಾ ಕಾರಣಗಳಿಂದ ನಿದ್ರಾ ಹೀನತೆ ಸಮಸ್ಯೆ ಉಂಟಾಗುವುದು. ಈ ರೀತಿ ಉಂಟಾದರೆ ದೇಹದ ಆರೋಗ್ಯ ಮತ್ತಷ್ಟು ಹದಗೆಡುವುದು, ಸುಸ್ತು, ಮರೆವು ಕಾಣಿಸಿಕೊಳ್ಳುವುದು. ಈ ರೀತಿ ನಿದ್ದೆ ಸಮಸ್ಯೆ ಕಾಣಿಸಿಕೊಂಡಾಗ ನಿದ್ದೆ ಮಾತ್ರೆ ನುಂಗಿದರೆ ಅದು ಆರೋಗ್ಯಕ್ಕೆ ಮತ್ತಷ್ಟು ಅಪಾಯ! ಆದ್ದರಿಂದ ಈ ರೀತಿಯ ನಿದ್ರಾಹೀನತೆ ಸಮಸ್ಯೆಯನ್ನು ಈ ಕೆಳಗಿನ ಮನೆ ಮದ್ದಿನ ಮುಖಾಂತರ ಪರಿಹರಿಸಿಕೊಳ್ಳುವುದು ಒಳ್ಳೆಯದು.

1. ಅಶ್ವಗಂಧ: ಈ ಗಿಡಮೂಲಿಕೆ ದೇಹದಲ್ಲಿ ಉತ್ತಮ ರೀತಿಯಲ್ಲಿ ಪರಿಣಾಮ ಬೀರುತ್ತದೆ. ದೇಹಕ್ಕೆ ಬಲ ನೀಡುವುದರ ಜೊತೆಗೆ ಸುಸ್ತನ್ನು ನಿವಾರಿಸುತ್ತದೆ. ಅಲ್ಲದೆ ನಿದ್ದೆ ಸರಿಯಾಗಿ ಬರುವಂತೆ ಮಾಡುತ್ತದೆ.

2.ಲ್ಯಾವೆಂಡರ್: ಮಲಗುವ ಮೊದಲು, ಹದ ಬಿಸಿ ನೀರಿಗೆ ಸ್ವಲ್ಪ ಲ್ಯಾವೆಂಡರ್ ಎಣ್ಣೆ ಹಾಕಿ ಸ್ನಾನ ಮಾಡಬೇಕು. ಲ್ಯಾವೆಂಡರ್ ಎಣ್ಣೆ ನರಗಳಿಗೆ ಶಕ್ತಿ ತುಂಬುವ ಟಾನಿಕ್‌ನಂತೆ ವರ್ತಿಸುತ್ತದೆ. ಈ ಎಣ್ಣೆಯಿಂದ ಮಸಾಜ್ ಮಾಡಿದರೆ ದೇಹ ಮತ್ತು ಮನಸ್ಸಿಗೆ ಆರಾಮದಾಯಕವಾಗಿರುತ್ತದೆ.

3. ಬಿಸಿ ಎಣ್ಣೆಯಿಂದ ಮಸಾಜ್ : ಹದ ಬಿಸಿ ಎಣ್ಣೆಯಿಂದ ತಲೆಗೆ ಮತ್ತು ಪಾದಗಳಿಗೆ ಮಸಾಜ್ ಮಡಿದರೆ ಬೇಗನೆ ನಿದ್ದೆ ಬರುತ್ತದೆ. ಈ ರೀತಿ ಮಸಾಜ್ ಮಾಡಲು ಸಾಸಿವೆ ಎಣ್ಣೆ, ಜಾಸ್ಮಿನ್ ಎಣ್ಣೆ, ಬ್ರಾಹ್ಮಿ ಎಣ್ಣೆ ಅಥವಾ ತುಪ್ಪ ಬಳಸುವುದು ಒಳ್ಳೆಯದು.

4. ವ್ಯಾಯಾಮ: ನಿದ್ದೆ ಸರಿಯಾಗಿ ಬರದಿದ್ದರೆ ಈ ಕೆಳಗಿನಂತೆ ಮಾಡಿದರೆ ಸಾಕು ನಿದ್ದೆ ನಿಮ್ಮನ್ನು ಆವರಿಸಿಕೊಳ್ಳುತ್ತದೆ.

* ಬೆಡ್ ಮೇಲೆ ಸರಿಯಾಗಿ ಕೂತುಕೊಂಡು ನಮ್ಮ ಗಮನವನ್ನು ಹುಬ್ಬುಗಳ ನಡುವೆ ಇರುವ ಜಾಗದ ಮೇಲೆ ಕೇಂದ್ರೀಕರಿಸಬೇಕು.

* ನಂತರ ಉಸಿರಾಟದ ಮೇಲೆ ಗಮನ ಹರಿಸಬೇಕು.ಉಸಿರನ್ನು ಜೋರಾಗಿ ಎಳದು ನಂತರ ಬಿಡಬೇಕು.

* ನಂತರ ಅಂಗಾತ ಮಲಗಿ ಜೋರಾಗಿ ಉಸಿರು ಎಳೆದು-ಬಿಡುವ ವ್ಯಾಯಾಮ ಮಾಡಬೇಕು.

* 'ಈಗ ನಾನು ಸರಿಯಾಗಿ ನಿದ್ದೆ ಮಾಡುತ್ತೇನೆ' ಅಂತ ಮನಸ್ಸಿಗೆ ಮಂತ್ರದ ರೀತಿ ಹೇಳುತ್ತಿರಬೇಕು. ಈ ರೀತಿ ವ್ಯಾಯಾಮ ಮಾಡಿದರೆ ಸುಖವಾಗಿ ನಿದ್ದೆ ಮಾಡಲು ಸಹಕಾರಿಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.