ಬದನೆಕಾಯಿಯಲ್ಲಿದೆ ವಿವಿಧ ಔಷಧೀಯ ಗುಣಗಳು!

Updated: Tuesday, July 31, 2012, 13:18 [IST]

ಬದನೆಕಾಯಿ ಬಳಸಿ ವಾರಕ್ಕೆ ಕಡಿಮೆಯೆಂದರೂ 1-2 ಅಡುಗೆ ಮಾಡಿ ತಿನ್ನುತ್ತಿರುತ್ತೇವೆ. ಆದರೆ ಇದರ ಆರೋಗ್ಯಕರ ಗುಣಗಳ ಬಗ್ಗೆ ನಾವು ಯೋಚಿಸಲು ಹೋಗುವುದಿಲ್ಲ. ಬದನೆಕಾಯಿಯ ಗುಣದ ಬಗ್ಗೆ ಹೇಳುವಾಗ ಇದು ನಂಜು, ಆದ್ದರಿಂದ ಗಾಯವಿದ್ದಾಗ ತಿನ್ನುವುದು ಒಳ್ಳೆಯದಲ್ಲ ಅನ್ನುತ್ತೇವೆ, ಆದರೆ ಈ ಬದನೆಕಾಯಿಯಲ್ಲಿ ಕೆಲವು ಔಷಧೀಯ ಗುಣಗಳಿದ್ದು ಇದು ದೇಹದ ಆರೋಗ್ಯ ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.

ಬದನೆಕಾಯಿ ಕ್ಯಾನ್ಸರ್ ಕಣಗಳ ನಿಯಂತ್ರಿಸುವಲ್ಲಿ ಸಹಕಾರಿಯಾಗಿದೆ. ಬದನೆಕಾಯಿ ತಿಂದರೆ ಲೈಂಗಿಕ ತೊಂದರೆ ನಿವಾರಿಸಲು ಸಹಕಾರಿಯಾಗಿದೆ. ಹೆಚ್ಚಿನವರಿಗೆ ಭಯದ ಸಮಸ್ಯೆ ಇರುತ್ತದೆ. ಈ ಭಯದ ಕಾಯಿಲೆಯನ್ನು ಹೋಗಲಾಡಿಸಲು ನೀಡುವ ಔಷಧಿಯಲ್ಲಿ ಬದನೆಕಾಯಿಯನ್ನು ಬಳಸಲಾಗುವುದು. ಭಯದ ಕಾಯಿಲೆಗೆ ಸೂಕ್ತವಾದ ಮನೆಮದ್ದಾಗಿದೆ.

ಕೊರಿಯಾದಲ್ಲಿ ಬದನೆಕಾಯಿಯನ್ನು ಒಣಗಿಸಿ ಇದನ್ನು ಗ್ಯಾಸ್ಟ್ರಿಕ್ , ಸೊಂಟ ನೋವು, ಮೈಕೈ ನೋವು, ಚಿಕನ್ ಪಾಕ್ಸ್ ಕಾಯಿಲೆಗಳನ್ನು ಗುಣಪಡಿಸಲು ಮನೆಮದ್ದಾಗಿ ಉಪಯೋಗಿಸುತ್ತಾರೆ. ಮದ್ಯಪಾನ ಚಟ ಬಿಡಿಸುವಲ್ಲಿ ಇದು ತುಂಬಾ ಪರಿಣಾಮಕಾರಿಯಾಗಿದೆ.

ದೇಹದಲ್ಲಿರುವ ಜೀವಕಣಗಳಿಗೆ ಹಾನಿ ಉಂಟಾದರೆ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚುವುದು. ಬದನೆಕಾಯಿ ದೇಹದಲ್ಲಿ ಹಾಳಾದ ಜೀವ ಕಣಗಳನ್ನು ಸರಿಪಡಿಸಲು ಸಹಕಾರಿಯಾಗಿದೆ. ಇದರಿಂದ ಕ್ಯಾನ್ಸರ್ ಉಂಟಾಗುವ ಸಾಧ್ಯತೆಯನ್ನು ತಡೆಗಟ್ಟಬಹುದು.

ಇದು ಮೂಳೆಗಳು ಹಾನಿಯುಂಟಾಗುವುದನ್ನು ತಡೆಗಟ್ಟುತ್ತದೆ. atherosclerosis ಎಂಬ ಮೂಳೆ ಸಂಬಂಧಿ ಕಾಯಿಲೆಯು ರಕ್ತ ಕಣದಲ್ಲಿ ಅಧಿಕ ಕೊಬ್ಬಿನಂಶ ಮತ್ತು ಕೊಲೆಸ್ಟ್ರಾಲ್ ಅಂಶಗಳಿಂದಾಗಿ ಉಂಟಾಗುತ್ತದೆ. ಇದರಿಂದ ಹೃದಯ ಸಂಬಂಧಿ ಕಾಯಿಲೆಗಳು ಕೂಡ ಉಂಟಾಗುವುದು, ಈ ರೀತಿ ರಕ್ತ ನಾಳಗಳಲ್ಲಿ ಕಂಡು ಬರುವ ಸಮಸ್ಯೆಯನ್ನು ಬದನೆಕಾಯಿಯಿಂದ ಗುಣಪಡಿಸಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.