ನೀವು ಹಲ್ಲು ಕಚ್ಚಿದರೆ ಮತ್ತೊಬ್ಬರ ನಿದ್ದೆ ಹಾಳು!

ಕೆಲವರಿಗೆ ನಿದ್ರೆಯಲ್ಲಿ ಮಾತನಾಡುವುದು, ನಡೆಯುವುದು, ಗೊರಕೆ ಹೊಡೆಯು ಅಭ್ಯಾಸಯಿದ್ದರೆ ಮತ್ತೆ ಕೆಲವರಿಗೆ ನಿದ್ದೆಯಲ್ಲಿ ಹಲ್ಲು ಕಚ್ಚುವ ಅಭ್ಯಾಸವಿರುತ್ತದೆ. ಈ ರೀತಿಯ ಹಲ್ಲು ಕಚ್ಚುವ ಅಭ್ಯಾಸವಿದ್ದರೆ ಪಕ್ಕದಲ್ಲಿ ಮಲಗಿದವರ ನಿದ್ದೆಗೆ ಭಂಗ ಉಂಟಾಗುವುದು. ಈ ರೀತಿ ಹಲ್ಲು ಕಚ್ಚುವ ಅಭ್ಯಾಸವಿದ್ದರೆ ಸ್ವಲ್ಪ ಸಮಯದ ಬಳಿಕ ಅದು ತನ್ನಿಷ್ಟಕ್ಕೇ ನಿಂತು ಹೋಗುತ್ತದೆ ಎಂದು ಭಾವಿಸುವುದು ತಪ್ಪು. ಹಲ್ಲು ಕಚ್ಚುವ ಅಭ್ಯಾಸವಿರುವವರಿಗೆ ಹಲ್ಲುಗಳಲ್ಲಿ ತೊಂದರೆ ಇರುತ್ತದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಗೆ ಮುಂದೆ ಓದಿ.

ಈ ರೀತಿಯ ಹಲ್ಲು ಕಚ್ಚುವ ಅಭ್ಯಾಸವನ್ನು ಬ್ರೂಕ್ಸಿಸಂ (Bruxism )ಅಂತ ಕರೆಯುತ್ತಾರೆ.

ಮಕ್ಕಳಲ್ಲಿ ಬ್ರೂಕ್ಸಿಸಂ: ಮಗುವಾಗಿದ್ದಾಗ ಹಲ್ಲು ಬರುವ ಸಮಯದಲ್ಲಿ ಮತ್ತು ಮಕ್ಕಳಲ್ಲಿ ಹಾಲು ಹಲ್ಲು ಬಿದ್ದು ಹೋಗಿ ಹೊಸ ಹಲ್ಲುಗಳು ಬರುವ ಸಮಯದಲ್ಲಿ ಈ ರೀತಿ ಕಂಡುಬರುತ್ತದೆ. ಆದರೆ ಈ ರೀತಿ ಹಲ್ಲು ಸಂಪೂರ್ಣ ಬಂದ ನಂತರ ನಿಲ್ಲಿಸಿ ಬಿಡುತ್ತಾರೆ. ಇದರಿಂದ ಯಾವುದೇ ತೊಂದರೆ ಉಂಟಾಗುವುದಿಲ್ಲ. ಆದರೆ ಈ ಅಭ್ಯಾಸವನ್ನು ಹಾಗೇ ಬಿಡದೆ ಮುಂದುವರೆಸಿಕೊಂಡು ಹೋದರೆ ಮಾತ್ರ ಮುಂದೆಕ್ಕೆ ಅದೊಂದು ದೊಡ್ಡ ಸಮಸ್ಯೆಯಾಗಿ ಮಾರ್ಪಡುತ್ತದೆ. ದೊಡ್ಡವರಾದ ಮೇಲೆ ಈ ರೀತಿ ಹಲ್ಲು ಕಚ್ಚಲು ಕಾರಣವೇನು ಎನ್ನುವುದಕ್ಕೆ ಹಲ್ಲುಗಳ ರಚನೆ ಇರಬಹುದಾ ಅಥವಾ ಒತ್ತಡನಾ ಎಂದು ಸ್ಪಷ್ಟ ಉತ್ತರ ಸಿಗುವುದಿಲ್ಲ.

ಈ ರೀತಿ ಬ್ರೂಕ್ಸಿಸಂ ಅಭ್ಯಾಸವಿದ್ದರೆ ಬೆಳಗ್ಗೆ ಎದ್ದಾಗ ದವಡೆಯಲ್ಲಿ ನೋವು ಅಥವಾ ತಲೆ ನೋವು ಬರುವುದು ಗ್ಯಾರಂಟಿ. ಹಲ್ಲುಗಳು ಅಡ್ಡಾದಿಡ್ಡಿ ಬೆಳೆದಿದ್ದರೆ ಈ ರೀತಿ ಹಲ್ಲು ಕಚ್ಚುತ್ತಾರೆ ಎಂದು ಹೇಳಲಾಗುವುದು.

ಈ ರೀತಿಯ ಹಲ್ಲು ಕಚ್ಚುವ ಅಭ್ಯಾಸವಿದ್ದರೆ ಈ ರೀತಿ ಮಾಡಿ.

* ಈ ರೀತಿ ಹಲ್ಲು ಕಚ್ಚುವ ಅಭ್ಯಾಸವಿದ್ದು, ಅದನ್ನು ನಿಮ್ಮ ಮನೆಯವರು ಹೇಳಿದರೆ , ಮೊದಲು ಮಾಡಬೇಕಾದ ಕೆಲಸ ಅಂದರೆ ದಂತ ವೈದ್ಯರನ್ನು ಕಾಣಬೇಕು. ಇಲ್ಲದಿದ್ದರೆ ಈ ಸಮಸ್ಯೆಗೆ ಪರಿಹಾರ ಕಾಣಲು ಸಾಧ್ಯವಿಲ್ಲ.

* ಅಲ್ಲದೆ ಈ ರೀತಿ ಹಲ್ಲು ಕಚ್ಚುವುದಕ್ಕೆ ಒತ್ತಡ ಕೂಡ ಒಂದು ಕಾರಣವಾಗಿರುವುದರಿಂದ ಒತ್ತಡವನ್ನು ಆದಷ್ಟು ಕಡಿಮೆ ಮಾಡಿಕೊಳ್ಳಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.