ರೊಟ್ಟಿ ಡಯಟ್ ನಿಂದ ಆರೋಗ್ಯಕ್ಕೆ 7 ಲಾಭ

Wellness

oi-Reena

By Hema S

Updated: Thursday, October 4, 2012, 11:09 [IST]

ರೊಟ್ಟಿ ಉತ್ತರ ಭಾರತದಲ್ಲಿ ಮಾತ್ರವಲ್ಲ, ದಕ್ಷಿಣ ಭಾರತದ ಪ್ರಮುಖ ಅಡುಗೆಗಳಲ್ಲಿ ಒಂದಾಗಿದೆ. ಕರ್ನಾಟಕದಲ್ಲಿ ಉತ್ತರ ಕರ್ನಾಟಕ, ದಕ್ಷಿಣ ಕರ್ನಾಟಕದಲ್ಲಿ ಉಳಿದ ಪ್ರದೇಶಗಳಿಗಿಂತ ಕೊಡಗಿನಲ್ಲಿ ಇತರ ಬ್ರೇಕ್ ಪಾಸ್ಟ್ ಅಡುಗೆಗಳಿಗಿಂತ ರೊಟ್ಟಿಯನ್ನು ಅಧಿಕವಾಗಿ ತಯಾರಿಸಲಾಗುವುದು. ರೊಟ್ಟಿಯಲ್ಲಿ ಅಕ್ಕಿ ರೊಟ್ಟಿ, ಜೋಳದ ರೊಟ್ಟಿ, ರಾಗಿ ರೊಟ್ಟಿ ಹೀಗೆ ಅನೇಕ ಬಗೆಯ ರೊಟ್ಟಿ ತಯಾರಿಸಲಾಗುವುದು.

ಪ್ರತಿದಿನ ಆಹಾರಕ್ರಮದಲ್ಲಿ ರೊಟ್ಟಿಯನ್ನು ತಿಂದರೆ 7 ಪ್ರಮುಖ ಗುಣಗಳನ್ನು ಪಡೆಯಬಹುದು. ಆ ಗುಣಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ:

1. ರೊಟ್ಟಿಯನ್ನು ರಾಗಿ, ಜೋಳ, ಅಕ್ಕಿ ಇವುಗಳಿಂದ ತಯಾರಿಸುವುದರಿಂದ ಇದರಲ್ಲಿರುವ ಪೋಷಕಾಂಶಗಳು ದೇಹಕ್ಕೆ ಶಕ್ತಿಯನ್ನು ನೀಡುತ್ತದೆ.

2. ರೊಟ್ಟಿ ಹೊಟ್ಟೆ ತುಂಬುವುದರ ಜೊತೆಗೆ ನಿಧಾನಕ್ಕೆ ಜೀರ್ಣವಾಗುವುದರಿಂದ ದೇಹದಲ್ಲಿ ಸಕ್ಕರೆಯಂಶವನ್ನು ನಿಯಂತ್ರಣದಲ್ಲಿಡಲು ಸಹಕಾರಿಯಾಗಿದೆ.

3. ಇದರಲ್ಲಿ ನಾರಿನಂಶ ಅಧಿಕವಿರುವುದರಿಂದ ಮಲಬದ್ಧತೆಯನ್ನು ಹೋಗಲಾಡಿಸುತ್ತದೆ. ಅದರಲ್ಲೂ ಗೋಧಿಯಿಂದ ತಯಾರಿಸುವ ರೊಟ್ಟಿ ಒಳ್ಳೆಯದು.

4. ರೊಟ್ಟಿಯಲ್ಲಿ ಕಡಿಮೆ ಕ್ಯಾಲೋರಿ ಇರುವುದರಿಂದ ಹೃದಯದ ಆರೋಗ್ಯಕ್ಕೆ ಒಳ್ಳೆಯದು.

5. ಸಮತೂಕವನ್ನು ಬಯಸುವವರು ಪ್ರತಿನಿತ್ಯ ರೊಟ್ಟಿ ತಿನ್ನುವುದು ಒಳ್ಳೆಯದು.

6. ಆರ್ಯುವೇದ ವೈದ್ಯರ ಪ್ರಕಾರ ಇದು ದೇಹದಲ್ಲಿ ವಾತ ಮತ್ತು ಪಿತ್ತವನ್ನು ನಿಯಂತ್ರಣದಲ್ಲಿಡುತ್ತದೆ. ವಾತ ಉಸಿರಾಟ, ಜೀರ್ಣಕ್ರಿಯೆ, ಮೆದುಳಿನ ಆರೋಗ್ಯ ಕಾಪಾಡುತ್ತದೆ. ಪಿತ್ತ ದೇಹದಲ್ಲಿ ಜೀರ್ಣಕ್ರಿಯೆ ಸರಿಯಾಗಿ ನಡೆಯುವಂತೆ ಮಾಡಿ ದೇಹಕ್ಕೆ ಶಕ್ತಿಯನ್ನು ತುಂಬುತ್ತದೆ.

7. ರೊಟ್ಟಿಯಲ್ಲಿ ವಿಟಮಿನ್ ಬಿ1, ಬಿ2, ಬಿ3, ಬಿ6, ಬಿ9, ಕಬ್ಬಿಣದಂಶ,ಮ್ಯಾಗ್ನಿಷಿಯಂ, ಪೊಟಾಶಿಯಂ ಅಂಶವಿರುವುದರಿಂದ ದೇಹಕ್ಕೆ ಅಗತ್ಯವಾದ ಪೋಷಕಾಂಶ ದೊರೆಯುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.