ಒತ್ತಡ ಕಡಿಮೆ ಮಾಡಲು ಮೂರೇ ವಿಧಾನ ಸಾಕು!

Wellness

oi-Reena

By Hema S

Published: Monday, September 3, 2012, 16:10 [IST]

ದಿನ ಬೆಳಗಾದರೆ ಸಾಕು ಒಂದೆಲ್ಲಾ ಒಂದು ವಿದ್ಯಾರ್ಥಿಗಳಾದರೆ ಓದಬೇಕು, ಹೋಂ ವರ್ಕ್ ಮಾಡಬೇಕೆಂದು, ಹೌಸ್ ವೈಫ್ ಗೆ ಮಕ್ಕಳಿಗೆ ಮತ್ತು ಗಂಡನಿಗೆ ತಿಂಡಿ ಮಾಡಬೇಕು, ಮನೆ ಕೆಲಸ ಮಾಡಬೇಕು, ಇನ್ನು ಹೊರಗಡೆ ದುಡಿಯುವವರೆಗೆ ಸರಿಯಾದ ಸಮಯಕ್ಕೆ ಆಫೀಸ್ ಗೆ ತಲುಪಬೇಕು, ಹೀಗೆ ಬೆಳಗ್ಗೆ ಎದ್ದು ರಾತ್ರಿ ಮಲಗುವವರಗೆ ಒತ್ತಡ ಇದ್ದೇ ಇರುತ್ತದೆ.

ಒತ್ತಡವಿಲ್ಲದೆ ಬದುಕು ಇರುವುದಿಲ್ಲ. ಆದರೆ ಸ್ವಲ್ಪ ಮನಸ್ಸು ಮಾಡಿದರೆ ಹೀಗೆ ಒತ್ತಡ ಮಾಡಿಕೊಳ್ಳುವ ಪ್ರಮಾಣವನ್ನು ಸ್ವಲ್ಪ ತಗ್ಗಿಸಬಹುದು. ಅದು ಹೇಗೆ ಎಂದು ತಿಳಿಯಲು ಮುಂದೆ ಓದಿ:

1. ಸಮಯ ಪಾಲನೆ :
ಜೀವನದಲ್ಲಿ ಸಮಯ ಪಾಲನೆ ಮುಖ್ಯ. 10 ಗಂಟೆಗೆ ಆಫೀಸ್ ಇದ್ದರೆ 9 ಗಂಟೆಗೆ ಎದ್ದು ಕಷ್ಟ ಪಡುವ ಬದಲು ಸ್ವಲ್ಪ ಬೇಗನೆ ಏಳಬೇಕು. ಬೇಗ ಎದ್ದರೆ ಆರಾಮವಾಗಿ ರೆಡಿಯಾಗಿ ಆಫೀಸ್ ಗೆ ಹೋಗಬಹುದು. ಸ್ವಲ್ಪ ಗಮನಿಸಿ ನೋಡಿ ನಿಮ್ಮ ದಿನನಿತ್ಯದ ಒತ್ತಡಕ್ಕೆ ಸಮಯ ಪ್ರಜ್ಞೆ ಇಲ್ಲದಿರುವುದು ಕೂಡ ಒಂದು ಕಾರಣವಾಗಿರುತ್ತದೆ. ಯಾವ ಸಮಯದಲ್ಲಿ ಏನು ಮಾಡಬೇಕು ಎಂಬ ಐಡಿಯಾ ಇದ್ದರೆ ಅರ್ಧ ಟೆನ್ಷನ್ ಕಡಿಮೆಯಾಗುತ್ತದೆ.

2. ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ಮತ್ತು ನಿದ್ದೆ ಸರಿಯಾಗಿ ಇಲ್ಲದಿದ್ದರೆ:
ಮನುಷ್ಯನಿಗೆ ನಿದ್ದೆ ಅವಶ್ಯಕ. ಅತೀ ನಿದ್ದೆಯೂ ಒಳ್ಳೆಯದಲ್ಲ, ಅತೀ ಕಡಿಮೆ ನಿದ್ದೆಯೂ ಒಳ್ಳೆಯದಲ್ಲ. ದಿನದಲ್ಲಿ 7-8 ಗಂಟೆ ನೆಮ್ಮದಿಯಿಂದ ನಿದ್ದೆ ಮಾಡಬೇಕು. ಸಾಕಷ್ಟು ನೀರು ಕುಡಿಯಬೇಕು. ನಿದ್ದೆ, ದೇಹದಲ್ಲಿ ನೀರಿನಂಶ ಮತ್ತು ಆಹಾರ ಸರಿಯಾಗಿ ಇದ್ದರೆ ಸಾಕಷ್ಟು ಒತ್ತಡವನ್ನು ಕಡಿಮೆ ಮಾಡುತ್ತದೆ.

3. ಕೆಲಸ ಮತ್ತು ವಿಶ್ರಾಂತಿ:
ತುಂಬಾ ಕೆಲಸ-ಕೆಲಸ ಅಂತ ಒದ್ದಾಡುವ ಬದಲು ಕೆಲಸದ ಮಧ್ಯ 10 ನಿಮಿಷ ಬಿಡುವು ತೆಗೆದುಕೊಂಡು ವಿಶ್ರಾಂತಿ ತೆಗೆದುಕೊಂಡು ನಂತರ ಕೆಲಸ ಮುಂದುವರೆಸಿ. ಒತ್ತಡದಲ್ಲಿ ಕೆಲಸ ಮಾಡಿದರೆ ಏನೂ ನಡೆಯುವವುದಿಲ್ಲ. ಸ್ವಲ್ಪ ವಿಶ್ರಾಂತಿ ತೆಗೆದುಕೊಂಡು ಮಾಡಿದರೆ ಮನಸ್ಸನ್ನು ಹೆಚ್ಚು ಕೇಂದ್ರೀಕರಿಸಬಹುದು. ಇದರಿಂದಾಗಿ ಕೆಲಸವೂ ಬೇಗನೆ ಮುಗಿಸಬಹುದು. ದಿನಾ ಸ್ವಲ್ಪ ಹೊತ್ತು ಪ್ರಾಣಾಯಾಮ ಮಾಡುವುದು ಒಳ್ಳೆಯದು.
ಈ ಮೂರು ಅಂಶಗಳನ್ನು ಪಾಲಿಸಿ ನೋಡಿ ವಿಶ್ರಾಂತಿ ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.