ಪಾಪ್ ಕಾರ್ನ್ ತಿಂದರೆ ಆರೋಗ್ಯ ಕೆಡುವುದೆ?

Wellness

oi-Reena

By Hema S

Published: Monday, January 2, 2012, 15:14 [IST]

ಶಾಪಿಂಗ್ ಮಾಲ್ ಗಳಿಗೆ ಹೋದಾಗ, ಸಿನಿಮಾಕ್ಕೆ ಹೋದಾಗ ಪಾಪ್ ಕಾರ್ನ್ ತಿನ್ನವುದನ್ನು ಇಷ್ಟಪಡುವುದರ ಜೊತೆಗೆ ಪಾಪ್ ಕಾರ್ನ್ ತಿನ್ನುತ್ತಾ ಸಿನಿಮಾ ನೋಡವುದು, ಹರಟೆ ಹೊಡೆಯುವುದು ಒಂದು ಫ್ಯಾಷನ್ ಕೂಡ ಆಗಿದೆ. ಆದರೆ ಅಧಿಕ ಪಾಪ್ ಕಾರ್ನ್ ಸೇವನೆ ದೇಹದ ಮೇಲೆ ಅನೇಕ ಅಡ್ಡ ಪರಿಣಾಮವನ್ನು ಕೂಡ ಉಂಟು ಮಾಡುತ್ತದೆ. ಆರೋಗ್ಯದ ಮೇಲೆ ಪಾಪ್ ಕಾರ್ನ್ ಅಡ್ಡ ಪರಿಣಾಮದ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಮಾಲ್ ಗಳಲ್ಲಿ ಪಾಪ್ ಕಾರ್ನ್ ಗಳಿಗೆ ಗರಿಗರಿಯಾಗಿ ಮತ್ತು ತಾಜಾವಾಗಿ ಇಡಲು ಅಧಿಕ ಉಪ್ಪನ್ನು ಹಾಕಲಾಗಿರುತ್ತದೆ. ಅದೊಂದೆ ಕಾರಣಕಷ್ಟೆ ಅಲ್ಲ ಉಪ್ಪು ತಿಂದರೆ ಬಾಯಾರಿಕೆಯಾಗುತ್ತದೆ, ಆಗ ಅಲ್ಲಿಯೆ ಇರುವ ಮಿನರಲ್ ವಾಟರ್, ತಂಪು ಪಾನೀಯಗಳನ್ನು ಕುಡಿಯುತ್ತಾರೆ. ಹೀಗೆ ವ್ಯಾಪಾರ ಬುದ್ಧಿಯಿಂದ ಈ ರೀತಿ ಮಾಡಲಾಗುವುದು.

2. ಅತಿ ಹೆಚ್ಚು ಉಪ್ಪು ದೇಹಕ್ಕೆ ಸೇರಿದರೆ ಅದು ದೇಹದಲ್ಲಿ ನೀರಿನ ಪ್ರಮಾಣವನ್ನು ಕಡಿಮೆ ಮಾಡುವಂತೆ ಮಾಡುತ್ತದೆ.

3. ಸಿನಿಮಾ ನೋಡುತ್ತಾ ಅಥವಾ ಹರಟೆ ಹೊಡೆಯುತ್ತಾ ತುಂಬಾ ಹೊತ್ತು ಕುಳಿತಲ್ಲಿಯೆ ಕುಳಿತು ಪಾಪ್ ಕಾರ್ನ್ ಗಳನ್ನು ತಿನ್ನುವುದರಿಂದ ದಪ್ಪಗಾಗುವುದು.

4. ಬೆಣ್ಣೆ ಮತ್ತು ಉಪ್ಪು ಹಾಕಿ ಕೊಡುವ ಪಾಪ್ ಕಾರ್ನ್ ಗಳನ್ನು ಅಧಿಕ ಸೇವಿಸುವುದರಿಂದ ದೇಹದಲ್ಲಿ ರಕ್ತದೊತ್ತಡ ಹೆಚ್ಚು ಕಡಿಮೆಯಾಗುತ್ತದೆ. ಅಧಿಕ ಉಪ್ಪಿನಂಶ ಸೇವಿಸಿದರೆ ದೇಹದಲ್ಲಿ ರಕ್ತದೊತ್ತಡ ಹೆಚ್ಚಾಗಿ ಹೃದಯಾಘಾತ ಮತ್ತು ಪಾರ್ಶ್ವವಾಯು ಮುಂತಾದ ಕಾಯಿಲೆಗಳು ಕೂಡ ಬರುವ ಸಾಧ್ಯತೆ ಹೆಚ್ಚು.

5. ಪಾಪ್ ಕಾರ್ನ್ ಗಳನ್ನು ತುಂಬಾ ಹೊತ್ತು ಅಗೆಯುತ್ತಾ ಇರುವುದರಿಂದ ಕೆಮ್ಮು ಕೂಡ ಬರಬಹುದು. 1-3 ವರ್ಷದ ಮಕ್ಕಳಿಗೆ ಈ ಪಾಪ್ ಕಾರ್ನ್ ಕೊಡುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ರಾಷ್ಟ್ರೀಯ ಆರೋಗ್ಯ ಸಂಸ್ಥೆ ಹೇಳಿದೆ.

ಪಾಪ್ ಕಾರ್ನ್ ನಿಂದ ಆಗುವ ಸಮಸ್ಯೆಗಳನ್ನು ಈ ರೀತಿ ಮಾಡಿ ಪರಿಹರಿಸಬಹುದು.

1. ಪಾಪ್ ಕಾರ್ನ್ ತಿಂದ ನಂತರ ಸೋಡಾ ಕುಡಿಯಬೇಕು. ತಂಪು ಪಾನಿಯಗಳನ್ನು ಸೇವಿಸುವ ಬದಲು ನಿಂಬೆ ಶರಬತ್ತು ಅಥವಾ ಸೋಡಾ ಕುಡಿಯುವುದು ಒಳ್ಳೆಯದು.

2. ಪಾಪ್ ಕಾರ್ನ್ ತಿಂದ ನಂತರ ವೇಗವಾಗಿ ಒಂದು 5 ನಿಮಿಷ ನಡೆಯುವುದು ಅಥವಾ ಮನೆ ಕೆಲಸ ಮಾಡಿ ಅದನ್ನು ಕರಗಿಸಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.