ಹೀಗೆ ಮಾಡಿದರೆ ಬೆರಳುಗಳ ನೋವು ನಿವಾರಣೆಯಾಗುವುದು

Wellness

oi-Reena

By Hema S

Updated: Thursday, April 4, 2013, 9:35 [IST]

ಹೆಚ್ಚಿನ ಎಲ್ಲಾ ಕೆಲಸ ಕಾರ್ಯಗಳು ಕಂಪ್ಯೂಟರ್ ಮುಖಾಂತರ ನಡೆಯುತ್ತದೆ. ಅತೀ ಹೆಚ್ಚು ಕಂಪ್ಯೂಟರ್ ಬಳಕೆ ಮಾಡುವವರಿಗೆ ಕೈ ಬೆರಳುಗಳಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಈ ರೀತಿ ಕೈ ನೋವು ಅಥವಾ ಸೆಳೆತ ಕಾಣಿಸಿಕೊಂಡರೆ ಈ ಕೆಳಗಿನ ಸರಳ ವ್ಯಾಯಾಮ ಮಾಡಿದರೆ ಸಾಕು ನೋವು ಕಡಿಮೆಯಾಗುವುದು.

* ಕೈ ಬೆರಳುಗಳನ್ನು ಮೆಲ್ಲನೆ ಎಳೆಯಬೇಕು. ಈ ರೀತಿ ಮಾಡುವಾಗ ಕೈ ಬೆರಳುಗಳನ್ನು ನೇರವಾಗಿ ನಿಮಿರಿಕೊಂಡು ಅದನ್ನು ಮುಂದೆಕ್ಕೆ ಮತ್ತು ಹಿಂದೆಕ್ಕೆ ಸ್ವಲ್ಪ ಭಾಗಿಸಿ ನಂತರ ನೇರ ಮಾಡಿ ಎಳೆಯಬೇಕು.

* ಆಗಾಗ ನೋವು ಕಾಣಿಸಿಕೊಳ್ಳುತ್ತಿದ್ದರೆ ಮಣಿಕಟ್ಟುಗಳನ್ನು ತಿರುಗಿಸಬೇಕು. ಮುಷ್ಠಿ ಹಿಡಿದು ಮಣಿಕಟ್ಟುಗಳನ್ನು ಒಮ್ಮೆ ಬಲಕ್ಕೆ, ಮತ್ತೊಮ್ಮೆ ಎಡಕ್ಕೆ ತಿರುಗಿಸಬೇಕು. ಈ ರೀತಿ ಯಾವ ಸಮಯದಲ್ಲೂ ಬೇಕಾದರೂ ಮಾಡಬಹುದು. ಈ ವ್ಯಾಯಾಮ ಮಾಡುತ್ತಿದ್ದರೆ ನೋವು ಸ್ವಲ್ಪ ಕಡಿಮೆಯಾಗುತ್ತದೆ.

* ಬೆರಳುಗಳನ್ನು ಕುಣಿಸುವುದು ಅಂದರೆ ಬೆರಳುಗಳನ್ನು ಅತ್ತ-ಇತ್ತ ಆಡಿಸುವುದು, ಏಣಿ ಹತ್ತಿದ್ದನ್ನು ಹೇಳುವಾಗ ಕೈ ಬೆರಳಗಳನ್ನು ತೋರಿಸಿ ಹೇಳುವ ಹಾಗೆ ಬೆರಳುಗಳು ಚಲಿಸುವಂತೆ ಮಾಡುವುದು, ಈ ರೀತಿ ಮಾಡಿದರೆ ಬೆರಳಿಗೆ ಉತ್ತಮ ವ್ಯಾಯಾಮ ದೊರಕುವುದು.

* ಎರಡು ಕೈಯ ಕೈ ಬೆರಳುಗಳನ್ನುಸೇರಿಸಿ ನೆಟ್ಟಿಗೆ ಮುರಿಯುವಂತೆ ಮಾಡುವುದು, ಕೈ ಬೆರಳುಗಳಿಗೆ ಮಸಾಜ್ ಮಾಡುವುದು ಇವುಗಳಿಂದ ನೋವು ಕಡಿಮೆಯಾಗುವುದು. ಬಿಸಿ ನೀರಿನಲ್ಲಿ ಸ್ವಲ್ಪ ಉಪ್ಪು ಹಾಕಿ ಅದರಲ್ಲಿ ಕೈ ಬೆರಳುಗಳನ್ನು ಸ್ವಲ್ಪ ಇಟ್ಟರೆ ನೋವು ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.