ಈ ವಿಧಾನ ಪಾಲಿಸಿದರೆ ಕರಗುತ್ತೆ ಹೊಟ್ಟೆಯ ಬೊಜ್ಜು

Wellness

oi-Reena

By Hema S

Updated: Monday, August 5, 2013, 16:40 [IST]

ಆಫೀಸ್‌ನಲ್ಲಿ ಹೆಚ್ಚು ಹೊತ್ತು ಒಂದು ಕಡೆ ಕೂತು ಕೆಲಸ ಮಾಡುತ್ತಿರುವವರಿಗೆ ಬೊಜ್ಜು ಹೊಟ್ಟೆ ಬೇಗನೆ ಬರುತ್ತದೆ. ಈ ರೀತಿ ಬೊಜ್ಜು ಹೊಟ್ಟೆ ಬಂದರೆ ದೇಹ ಆಕರ್ಷಕ ಮೈಕಟ್ಟನ್ನು ಕಳೆದುಕೊಳ್ಳುತ್ತದೆ. ಈ ರೀತಿ ಉಂಟಾದಾಗ ಹೊಟ್ಟೆ ಬೊಜ್ಜು ಕರಗಿಸುವಂತಹ ಆಹಾರವನ್ನು ತಿನ್ನಬೇಕು. ಊಟ ಬಿಡುವುದು, ಆರೋಗ್ಯಕರವಲ್ಲದ ಡಯಟ್ ಪಾಲಿಸುವುದು ಈ ರೀತಿಯೆಲ್ಲಾ ಮಾಡಿ ಆರೋಗ್ಯ ಕೆಡಿಸಿಕೊಳ್ಳದೆ, ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿದರೆ ಸಾಕು ಹೊಟ್ಟೆಯ ಬೊಜ್ಜು ಕರಗುವುದು.

1. ಆಕರ್ಷಕ ಮೈಕಟ್ಟಿಗಾಗಿ ದಿನದಲ್ಲಿ ಎರಡು ಬಾರಿ ಅಂದರೆ ಬೆಳಗ್ಗೆ ಮತ್ತು ಸಾಯಾಂಕಾಲ 30 ನಿಮಿಷ ಕಾಲ ವ್ಯಾಯಾಮ ಮಾಡಬೇಕು. ಅದರ ಜೊತೆ ದೇಹದ ಬೊಜ್ಜನ್ನು ಕರಗಿಸುವ ಆಹಾರಗಳನ್ನು ತಿನ್ನಬೇಕು. ಈ ರೀತಿ ಮಾಡಿದರೆ ದೇಹದ ಕೊಬ್ಬು ಬೇಗನೆ ಕರಗುತ್ತದೆ.

2. ಸೈಕಲ್ ತುಳಿಯುವುದು ತುಂಬಾ ಒಳ್ಳೆಯ ವ್ಯಾಯಾಮವಾಗಿದ್ದು ಇದರಿಂದ ಅನೇಕ ಪ್ರಯೋಜನಗಳನ್ನು ಪಡೆಯಬಹುದು. ದಿನಾ ಅರ್ಧ ಗಂಟೆ ಸೈಕಲ್ ತುಳಿದರೆ ದೇಹದ ತೂಕ ಕಡಿಮೆಯಾಗುವುದಲ್ಲದೆ, ಸ್ನಾಯುಗಳು ಬಲವಾಗುತ್ತದೆ, ಹೃದಯದ ಸ್ವಾಸ್ಥ್ಯಕ್ಕೂ ಒಳ್ಳೆಯದು.

3. ಬೇಗನೆ ಹೊಟ್ಟೆ ಕರಗಿಸಬೇಕೆಂದು ಬಯಸುವವರು ಸಿಟ್ ಅಪ್ ಅಂದರೆ ಕೂತು ಏಳುವ ವ್ಯಾಯಾಮ ಮಾಡಿದರೆ ಒಳ್ಳೆಯದು.
ಇದನ್ನು ಮಾಡಲು ಮೆಷಿನ್‌ಗಳನ್ನು (ಯಂತ್ರಗಳನ್ನು) ಕೊಳ್ಳಬಹುದು, ಈ ರೀತಿ ಕೊಳ್ಳುವಾಗ ಆ ಮೆಷಿನ್ ನಿಮಗೆ ವ್ಯಾಯಾಮ ಮಾಡಲು ಆರಾಮದಾಯವಾಗಿದೆಯೆ (ಕಂಪಫರ್ಟ್ ಆಗಿದೆಯೆ) ಎಂದು ನೋಡಿ ಕೊಳ್ಳಬೇಕು.

4. ಸಾಕಷ್ಟು ನೀರು ಕುಡಿಯಬೇಕು. ಇದು ದೇಹದಲ್ಲಿ ತೇವಾಂಶವನ್ನು ಕಾಪಾಡಿ ದೇಹದಲ್ಲಿರುವ ಕಷ್ಮಲಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ.

5. ವ್ಯಾಯಾಮವನ್ನು ಮುಂಜಾನೆ ಮಾಡುವುದು ತುಂಬಾ ಒಳ್ಳೆಯದು. ವ್ಯಾಯಾಮ ಮಾಡಲು ಇಂತಿಷ್ಟು ಸಮಯ ಅಂತ ನಿಗದಿ ಪಡಿಸಿಕೊಳ್ಳಿ ಅದರಂತೆ ಪ್ರತಿದಿನ ಅಭ್ಯಾಸ ಮಾಡಿದರೆ ಪರಿಣಾಮಕಾರಿಯಾದ ಫಲಿತಾಂಶವನ್ನು ನೀವು ಕಾಣುವಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.