ಲೆನ್ಸ್ ಬಳಸುವವರು ತಿಳಿದಿರಲೇಬೇಕಾದ 8 ಅಂಶಗಳು

Wellness

oi-Reena

By Hema S

Published: Friday, April 20, 2012, 12:30 [IST]

ಕಣ್ಣಿನ ಸಮಸ್ಯೆ ನಿವಾರಣೆಗೆ ಕನ್ನಡಕ ಧರಿಸಬಹುದು. ಆದರೆ ಸೋಡಾ ಗ್ಲಾಸ್ ಹಾಕಿದರೆ ಚೆಂದ ಕಾಣುವುಲ್ಲ ಎಂದು ಹೆಚ್ಚಿನವರು ಸೋಡಾ ಗ್ಲಾಸ್ ಧರಿಸಲು ಇಷ್ಟಪಡುವುದಿಲ್ಲ . ಕೆಲವರಿಗೆ ಕನ್ನಡಕ ಹಾಕಲು ಇಷ್ಟವಿರುವುದಿಲ್ಲ. ಅಂತಹವರಿಗೆ ವರದಾನ ಇಲ್ಲದಿದ್ದರೆ ಇದರಿಂದ ತುರಿಕೆ, ಕಣ್ಣು ಕೆಂಪಾಗುವುದು ಮುಂತಾದ ಸಮಸ್ಯೆಗಳು ಉಂಟಾಗುತ್ತದೆ.

ಕಣ್ಣಿನ ಆರೋಗ್ಯಕ್ಕಾಗಿ ಕೆಲ ಸಲಹೆಗಳು:

1. ಕಾಂಟ್ಯಾಕ್ಟ್ ಲೆನ್ಸ್ ಧರಿಸುವ ಮೊದಲು ಕೈಗಳನ್ನು ಶುಚಿಯಾಗಿ ತೊಳೆದು ಟವಲ್‌ನಿಂದ ಚೆನ್ನಾಗಿ ಒರೆಸಬೇಕು.

2. ಲೆನ್ಸ್ ಧರಿಸುವ ಮೊದಲು ಅದರ ಕವರ್‌ನಲ್ಲಿ ನೀಡಿರುವ ಸೂಚನೆಗಳನ್ನು ಓದಿ ಅದರಂತೆ ಪಾಲಿಸಬೇಕು. ಈ ರೀತಿ ಮಾಡುವುದರಿಂದ ಲೆನ್ಸ್ ಬೇಗನೆ ಹಾಳಾಗದಂತೆ ಸಂರಕ್ಷಿಸಬಹುದು.

3. ಲೆನ್ಸ್ ಧರಿಸುವ ಮೊದಲು ಮತ್ತು ಧರಿಸಿದ ನಂತರ ಅದನ್ನು ಸಲ್ಯೂಷನ್ (ದ್ರಾವಣ)ದಲ್ಲಿ ಶುಚಿಗೊಳಿಸಬೇಕು.

4. ಲೆನ್ಸ್ ಕವರ್ ಅಥವಾ ಸ್ಟೋರ್ ಬಾಕ್ಸ್ ಅನ್ನು 3 ತಿಂಗಳಿಗೊಮ್ಮೆ ಬದಲಾಯಿಸಬೇಕು. ಪ್ರತಿ ಬಾರಿ ಉಪಯೋಗಿಸಿದ ನಂತರ ಲೆನ್ಸ್ ಬಾಕ್ಸ್ ಅನ್ನು ಶುಚಿಗೊಳಿಸಬೇಕು. ಲೆನ್ಸ್ ಬಾಕ್ಸ್ ಶುಚಿಗೊಳಿಸಿ ಅದನ್ನು ಒಣಗಿಸಿಡಬೇಕು.

5. ಕಾಲಾವಧಿ ಮುಗಿದ ಲೆನ್ಸ್ ಸಲ್ಯೂಷನ್ ಬಳಸಬಾರದು. ಇಂತಹ ಸಲ್ಯೂಷನ್ ಬಳಸಿದರೆ ಲೆನ್ಸ್ ಹಾಳಾಗುವುದು ಮಾತ್ರವಲ್ಲಿ ಕಣ್ಣಿಗೆ ಹಾನಿಯಾಗುತ್ತದೆ. ಕಣ್ಣು ಸೂಕ್ಷ್ಮವಾದ ಅಂಗವಾಗಿರುವುದರಿಂದ ಬಹಳ ಎಚ್ಚರಿಕೆವಹಿಸಬೇಕು.

6. ನೀರಿನಲ್ಲಿ ಆಡುವಾಗ, ಹೆಚ್ಚು ದೂಳಿರುವ ಕಡೆ ಕಣ್ಣಿನ ಲೆನ್ಸ್ ಧರಿಸದಿರುವುದು ಒಳ್ಳೆಯದು. ಅದರಲ್ಲೂ ಗಾಡಿಯಲ್ಲಿ ಹೋಗುವಾಗ ಕಣ್ಣಿನ ಲೆನ್ಸ್ ಹಾಕುವ ಬದಲು ಕನ್ನಡಕ ಧರಿಸುವುದು ಉತ್ತಮ.

7. ಕಣ್ಣಿನ ಮೇಕಪ್ ಮಾಡುವುದಾದರೆ ಮೊದಲು ಮೇಕಪ್ ಮಾಡಿ ನಂತರ ಲೆನ್ಸ್ ಹಾಕಬೇಕು.

8. ಬಿಸಿಲಿನಲ್ಲಿ ಹೋಗುವಾಗ ಕಾಂಟ್ಯಾಕ್ಟ್ ಲೆನ್ಸ್ ಹಾಕಿದರೆ ಸನ್ ಗ್ಲಾಸ್ ಧರಿಸಬೇಕು. ಅಥವಾ ಬಿಸಿಲನ್ನು ತಡೆಯಲು ಟೋಪಿ ಧರಿಸಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.