30 ದಾಟಿದ ಮಹಿಳೆಯರಿಗೆ ಆರೋಗ್ಯಕರ ಡಯಟ್

Wellness

oi-Reena

By Hema S

Published: Saturday, April 14, 2012, 11:43 [IST]

ವಯಸ್ಸು 30 ದಾಟಿದ ಮಹಿಳೆಯರಿಗೆ ಸೊಂಟನೋವು, ಬೆನ್ನುನೋವು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಇದಕ್ಕೆ ಕಾರಣ ದೇಹದಲ್ಲಿ ಕ್ಯಾಲ್ಸಿಯಂ ಅಂಶ ಕಡಿಮೆಯಾಗುವುದು. ಆದ್ದರಿಂದ ಮಹಿಳೆಯರು ತಮ್ಮ ಆಹಾರಕ್ರಮದಿಂದ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸಬೇಕು. ಉತ್ತಮವಾದ ಆಹಾರಕ್ರಮ ಆರೋಗ್ಯವನ್ನು ವೃದ್ಧಿ ಮಾಡುತ್ತದೆ.

30 ನಂತರ ಆಹಾರಕ್ರಮ ಹೀಗಿರಲಿ:

1. ಕಬ್ಬಿಣದಂಶವಿರುವ ಆಹಾರ: ಪ್ರತಿತಿಂಗಳು ಮುಟ್ಟಿನ ಸಮಯದಲ್ಲಿ ಸಾಕಷ್ಟು ಕಬ್ಬಿಣದಂಶ ನಷ್ಟವಾಗುತ್ತದೆ. ಕಬ್ಬಿಣದಂಶ ಕಡಿಮೆಯಾದರೆ ನಿಶ್ಯಕ್ತಿ ಉಂಟಾಗುತ್ತದೆ. ಅಲ್ಲದೆ ಕೂದಲು ಉದುರುವುದು, ತಲೆನೋವು ಮುಂತಾದ ಸಮಸ್ಯೆಗಳು ಉಂಟಾಗುತ್ತದೆ. ಆದ್ದರಿಂದ ಪಾಲಾಕ್ ಸೊಪ್ಪು, ಇತರ ಸೊಪ್ಪುಗಳು, ಬೀನ್ಸ್ ಮತ್ತು ಮೀನು ಆಹಾರದಲ್ಲಿ ಸೇರಿಸಿದರೆ ದೇಹದಲ್ಲಿ ಕಬ್ಬಿಣದಂಶವನ್ನು ಸಮತೋಲನದಲ್ಲಿಡಬಹುದು.

2. ಹಣ್ಣುಗಳು: ಪಪ್ಪಾಯಿ, ಸ್ಟ್ರಾಬರಿ, ಕಿತ್ತಳೆ ಮತ್ತು ಇತರ ತಾಜಾ ಹಣ್ಣುಗಳನ್ನು ಹೆಚ್ಚಾಗಿ ತಿನ್ನಬೇಕು.

3. ಕ್ಯಾಲ್ಸಿಯಂ:30ರ ನಂತರ ಕ್ಯಾಲ್ಸಿಯಂ ಅಂಶವಿರುವ ಆಹಾರವನ್ನು ಹೆಚ್ಚಾಗಿ ತಿನ್ನಬೇಕು. ಮೊಟ್ಟೆ, ಗಟ್ಟಿ ಹಾಲು, ದವಸ ಧಾನ್ಯಗಳನ್ನು ಆಹಾರಕ್ರಮದಲ್ಲಿ ಸೇರಿಸಬೇಕು. ನಟ್ಸ್ ಮತ್ತು ಸಸ್ಯಗಳಿಂದ ದೊರೆಯುವ ಪ್ರೊಟೀನ್ ಅಂಶವನ್ನು ಹೆಚ್ಚಾಗಿ ಸೇವಿಸಬೇಕು.

4. ಕೊಬ್ಬಿನಂಶ: 30 ನಂತರ ದೇಹದಲ್ಲಿ ಕೊಲೆಸ್ಟ್ರಾಲ್ ಹೆಚ್ಚಾಗುವುದನ್ನು ತಡೆಯಲು ಉತ್ತಮ ಕೊಬ್ಬಿನಂಶವಿರುವ ಆಹಾರವನ್ನು ತಿನ್ನಬೇಕು. ಬಾದಮಿ, ಗೋಡಂಬಿ, ಓಟ್ ಮೀಲ್ಸ್, ಗೋಧಿ ಬ್ರೆಡ್, ವಾಲ್ ನೆಟ್, ಕುಂಬಳಕಾಯಿ ಬೀಜ, ಸಾಲಾಮೋನ್ ಮೀನು ಇವುಗಳಲ್ಲಿ ಉತ್ತಮ ಕೊಬ್ಬಿನಂಶ ಜಾಸ್ತಿ ಇರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.