ಹೊಟ್ಟೆ ಉರಿ ಶಮನಕ್ಕೆ ಮನೆ ಮದ್ದು

ಹೊಟ್ಟೆ ಉರಿ ಸಮಸ್ಯೆಗೆ ಚಿಕಿತ್ಸೆ:

1. ಖಾರವಿರುವ ಆಹಾರಗಳನ್ನು ತಿನ್ನಬಾರದು. ಬಿಸಿಯಾದ ಆಹಾರ ತಿನ್ನುವುದಾಗಲಿ ಅಥವಾ ಬಿಸಿಯಾದ ಪಾನೀಯಗಳನ್ನು ಕುಡಿಯುವುದಾಗಲಿ ಮಾಡಬಾರದು.

2. ಬೆಣ್ಣೆ ಹಣ್ಣು, ಎಳನೀರು, ಬಾಳೆ ಹಣ್ಣು, ಬಸಳೆ, ಪಾಲಾಕ್ ಸೊಪ್ಪು ಇವುಗಳಿಂದ ತಯಾರಿಸಿದ ಆಹಾರಗಳನ್ನು ತಿನ್ನುವುದು ಒಳ್ಳೆಯದು.

3. ಕಲೆಸಿದ ಅವಲಕ್ಕಿ, ಹಾಲು , ಮಾವಿನ ಹಣ್ಣು, ಸೌತೆಕಾಯಿ, ಅನಾನಾಸ್ ಈ ಆಹಾರಗಳು ದೇಹಕ್ಕೆ ತಂಪು ನೀಡುವುದರಿಂದ ಹೊಟ್ಟೆ ಉರಿ ಕಡಿಮೆಯಾಗುವುದು.

4. ಅಸಿಡಿಟಿ ಸಮಸ್ಯೆ ನಿವಾರಣೆಗೆ ಹಸಿ ಎಲೆಕೋಸಿನಿಂದ ಜ್ಯೂಸ್ ಮಾಡಿ ಕುಡಿದರೆ ನೋವು ತಕ್ಷಣ ಶಮನವಾಗುತ್ತದೆ.

5. ಕುಚಲಕ್ಕಿ ಅನ್ನ, ಓಟ್ಸ್, ಗ್ರೀನ್ ಟೀ ಹೊಟ್ಟೆ ಉರಿಯನ್ನು ಕಡಿಮೆ ಮಾಡುತ್ತದೆ.

6. ಜ್ಯೂಸ್ ಮತ್ತು ಸೂಪ್ ತಯಾರಿಸಿ ಕುಡಿದರೆ ಒಳ್ಳೆಯದು. ಅದರಲ್ಲಿ ಬಾಳೆ ಹಣ್ಣಿನ ಜ್ಯೂಸ್, ಕಲ್ಲಂಗಡಿ ಜ್ಯೂಸ್, ಜೀರಿಗೆ ನೀರು ಕುಡಿಯುವುದು ಒಳ್ಳೆಯದು.

7. ಉಸಿರಾಟದ ವ್ಯಾಯಾಮ ಹೊಟ್ಟೆ ಉರಿಯನ್ನು ಶಮನ ಮಾಡುವಲ್ಲಿ ಸಹಕಾರಿಯಾಗಿದೆ. ಈ ರೀತಿ ಮಾಡುವುದರಿಂದ ಎದೆ ಉರಿ ಕೂಡ ಕಡಿಮೆಯಾಗುತ್ತದೆ.

8. ಈ ಸಮಯದಲ್ಲಿ ಸುಲಭವಾಗಿ ಜೀರ್ಣವಾಗುವಂತಹ ಆಹಾರಗಳನ್ನು ಮಾತ್ರ ತಿನ್ನಬೇಕು. ಮಜ್ಜಿಗೆಯನ್ನು ಕುಡಿಯುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.