ಕುರುಕುಲು ತಿಂಡಿ ತಿಂದು ಮೆಂಟಲ್ ಆಗುವಿರಿ ಜೋಕೆ!

Wellness

oi-Reena

By Hema S

Published: Wednesday, April 4, 2012, 11:32 [IST]

ಜಂಕ್ ಫುಡ್ (ಕುರಕಲು ತಿಂಡಿಗಳ) ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ ಅಂತ ಗೊತ್ತಿದ್ದರೂ ಅದನ್ನು ತಿನ್ನುವುದು ಫ್ಯಾಷನ್ ಆಗಿದೆ. ಕುರುಕಲು ತಿಂಡಿಗಳು ತಿಂದರೆ ಕೊಲೆಸ್ಟ್ರಾಲ್ ಹೆಚ್ಚಾಗುತ್ತದೆ ಅದ್ದರಿಂದ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎನ್ನುವುದು ಗೊತ್ತಿರುವ ವಿಷಯ.

ಆದರೆ ಈ ಫುಡ್ಸ್ ಕೊಲೆಸ್ಟ್ರಾಲ್ ಹೆಚ್ಚಿಸುವುದರ ಜೊತೆಗೆ ಮಾನಸಿಕ ಅಸ್ವಸ್ಥತೆ ಉಂಟಾಗುವುದು ಎಂಬ ಅಘಾತಕಾರಿ ವಿಷಯ ಬೆಳಕಿಗೆ ಬಂದಿದೆ. ಈ ವಿಷಯದ ಕುರಿತು ಟಿವಿಗಳಲ್ಲಿ, ಪೇಪರ್ ಗಳಲ್ಲಿ ಸಾಕಷ್ಟು ಚರ್ಚೆ ಆಗಿದ್ದನ್ನು ನೀವು ನೋಡಿರಬಹುದು.

ಜಂಕ್ ಫುಡ್ಸ್ (ಕುರುಕಲು ತಿಂಡಿ) ತಿಂದರೆ ಹೇಗೆ ಮಾನಸಿಕ ಅಸ್ವಸ್ಥತೆ ಉಂಟಾಗುತ್ತದೆ ಎಂದು ತಿಳಿಯಲು ಮುಂದೆ ಓದಿ.

1.ಮಾನಸಿಕ ಅಸ್ವಸ್ಥತೆಗೆ ಕಾರಣ:

* ಈ ರೀತಿಯ ಆಹಾರದಲ್ಲಿ ಬೇಡದ ಕೊಬ್ಬಿನಂಶ ಅಧಿಕವಿದೆ. ಇದು ಮೆದುಳಿನ ನ್ಯೂರೊಟ್ರಾನ್ಸ್ ಮೀಟರ್ ಮೇಲೆ ಪರಿಣಾಮ ಬೀರುತ್ತದೆ.

* ಈ ರೀತಿ ಅಧಿಕ ಕೊಬ್ಬಿನಂಶವನ್ನು ತಿನ್ನುವ ಜನರು ಖಿನ್ನತೆ ಮತ್ತು ಅಲ್ಜೈಮರ್ಸ್ ಕಾಯಿಲೆಯಿಂದ ಬಳಲುತ್ತಾರೆ. ಏಕೆಂದರೆ ಈ ಆಹಾರದಲ್ಲಿ ದೇಹಕ್ಕೆ ಅಗತ್ಯವಾದ ಪ್ರೊಟೀನ್ ಅಥವಾ ಇತರ ಪೋಷಕಾಂಶಗಳು ದೊರೆಯುವುದಿಲ್ಲ.

* ಈ ಆಹಾರದಿಂದ ಹಾರ್ಮೋನ್‌ನಲ್ಲಿ ವ್ಯತ್ಯಾಸ ಉಂಟಾಗಿ ಮೆದುಳಿಗೆ ರಕ್ತ ಸಂಚಲನವಾಗುವ ಕ್ರಿಯೆಗೆ ಅಡಚಣೆ ಉಂಟಾಗುತ್ತದೆ. ಇದರಿಂದ ಮೆದುಳಿಗೆ ಹಾನಿ ಉಂಟಾಗಿ ಮಾನಸಿಕ ಅಸ್ವಸ್ಥತೆ ಉಂಟಾಗುವುದು.

2. ಒತ್ತಡ: ಈ ರೀತಿಯ ಕುರುಕಲು ತಿಂಡಿಗಳಲ್ಲಿ ಕಾರ್ಬೋಹೈಡ್ರೇಟ್ ಅಂಶ ಅಧಿಕವಿರುವುದರಿಂದ ದೇಹದಲ್ಲಿ ಸಕ್ಕರೆ ಅಂಶ ಹೆಚ್ಚಾಗುತ್ತದೆ. ದೇಹದಲ್ಲಿ ಬೇಡದ ಕೊಬ್ಬಿನಂಶ ಅಧಿಕವಾದಷ್ಟು ಒತ್ತಡ ಮತ್ತು ಖಿನ್ನತೆ ಹೆಚ್ಚಾಗುವುದು.

* ಜಂಕ್ ಫುಡ್ಸ್ ಹಾಳಾಗದಂತೆ ಸೋಡಿಯಂ ಬೆಂಜೋಯೇಟ್ ಹಾಕುವುದರಿಂದ ಹೈಪರ್ ಆಕ್ಟಿವಿಟಿ ಬರುತ್ತದೆ.

* ಈ ತಿಂಡಿಗಳಲ್ಲಿ ಬಳಸುವ ಕೃತಕ ಬಣ್ಣದಿಂದ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾಗಿ ಮಾನಸಿಕ ಅಸ್ವಸ್ಥತೆ ಉಂಟಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.