ಆರೋಗ್ಯ, ಸೌಂದರ್ಯ, ಪರಿಸರ ರಕ್ಷಣೆಗೆ ಸೈಕ್ಲಿಂಗ್

Wellness

oi-Reena

By Hema S

Published: Saturday, March 10, 2012, 13:23 [IST]

ಆಕರ್ಷಕ ಮೈಕಟ್ಟು ಹೊಂದಲು ಮತ್ತು ಆರೋಗ್ಯಕರವಾಗಿರಲು ಸೈಕ್ಲಿಂಗ್ ಒಳ್ಳೆಯದು. ಸೈಕ್ಲಿಂಗ್ ಮಾಡುವುದರಿಂದ ಸಿಗುವ ಪ್ರಯೋಜನಗಳು ಅನೇಕ. ಅವುಗಳ ಪಟ್ಟಿ ಇಲ್ಲಿದೆ ನೋಡಿ.

1.ರೋಗ ನಿರೋಧಕ ಶಕ್ತಿ ಹೆಚ್ಚುವುದು: ಸೈಕಲ್ ತುಳಿಯುವುದರಿಂದ ರೋಗ ನಿರೋಧಕ ಶಕ್ತಿಯ ಸಾಮರ್ಥ್ಯ ಹೆಚ್ಚಾಗುತ್ತದೆ. ಇದರಿಂದ ಆರೋಗ್ಯ ವೃದ್ಧಿಸುತ್ತದೆ. ಸೈಕಲ್ ತುಳಿಯುವುದರಿಂದ ಹೊಟ್ಟೆಯಲ್ಲಿ ರೋಗಕಾರಕ ಗೆಡ್ಡೆಗಳು ಉಂಟಾಗುವುದನ್ನು ತಡೆಯಬಹುದೆಂದು ಸಂಶೋಧನೆಯಿಂದ ಸಾಬೀತಾಗಿದೆ.

2.ಸ್ನಾಯುಗಳು ಬಲವಾಗುತ್ತವೆ: ಸೈಕಲ್ ತುಳಿಯುವುದರಿಂದ ದೇಹದಲ್ಲಿ ಸ್ನಾಯುಗಳು ಚಟುವಟಿಕೆಯಿಂದ ಕೂಡಿರುತ್ತದೆ. ಹೊಟ್ಟೆ ಮತ್ತು ಕಾಲುಳ ಸ್ನಾಯುಗಳು ಬಲವಾಗುತ್ತವೆ. ಸ್ನಾಯುಗಳು ಸಡಿಲವಾದರೆ ದೇಹ ದಪ್ಪವಾಗುವುದು. ಸ್ನಾಯುಗಳು ಬಲವಾಗಿದ್ದರೆ ದೇಹದ ತೂಕ ಸಮತೋಲನದಲ್ಲಿರುತ್ತದೆ.

3.ಮೂಳೆಗಳು ಬಲವಾಗುತ್ತವೆ: ಸೈಕಲ್ ತುಳಿದರೆ ಕಾಲು ಮತ್ತು ಸೊಂಟದ ಮೂಳೆಗಳು ಬಲವಾಗುತ್ತವೆ. ಇದರಿಂದಾಗಿ ಸೊಂಟ ಮತ್ತು ಮಂಡಿ ನೋವು ಕಡಿಮೆಯಾಗುವುದು. ಅಲ್ಲದೆ ಬೆನ್ನು ನೋವಿನ ಸಮಸ್ಯೆ ನಿವಾರಣೆ ಮಾಡುವಲ್ಲಿ ಸೈಕಲ್ ತುಳಿಯುವ ವ್ಯಾಯಾಮ ತುಂಬಾ ಪ್ರಯೋಜನಕಾರಿಯಾಗಿದೆ.

4.ಮಾನಸಿಕ ಸ್ವಾಸ್ಥ್ಯ: ಸೈಕಲ್ ತುಳಿಯುವುದರಿಂದ ದೈಹಿಕ ಆರೋಗ್ಯ ಮಾತ್ರವಲ್ಲ ಮಾನಸಿಕ ಆರೋಗ್ಯವನ್ನು ಪಡೆಯಬಹುದು. ಇದು ದೇಹದಲ್ಲಿ ಹಾರ್ಮೋನ್ ಗಳನ್ನು ಸಮತೋಲನದಲ್ಲಿಡುವುದರಿಂದ ಖಿನ್ನತೆ, ಒತ್ತಡ, ಉದ್ವೇಗ ಮುಂತಾದ ಮಾನಸಿಕ ಸಮಸ್ಯೆಗಳ ನಿವಾರಣೆಗೆ ಸಹಕಾರಿಯಾಗಿದೆ.

5.ರಕ್ತ ಸಂಚಲನ: ದಿನವೂ ಸೈಕಲ್ ತುಳಿಯುವ ವ್ಯಾಯಾಮ ಮಾಡಿದರೆ ದೇಹದಲ್ಲಿ ರಕ್ತ ಸಂಚಲನ ಸರಿಯಾದ ರೀತಿಯಲ್ಲಿ ನಡೆಯುವುದು. ಇದರಿಂದ ಆರೋಗ್ಯ ಹೆಚ್ಚುತ್ತದೆ. ಅಧಿಕ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ.

6.ಹೃದಯದ ಸ್ವಾಸ್ಥ್ಯ ಕಾಪಾಡುತ್ತದೆ: ಸೈಕಲ್ ತುಳಿದರೆ ಮಾನಸಿಕ ಒತ್ತಡ ಕಡಿಮೆಯಾಗುವುದು. ದಿನವೂ ಸೈಕ್ಲಿಂಗ್ ಮಾಡುವವರಿಗೆ ಹೃದಯಾಘಾತವಾಗುವ ಸಾಧ್ಯತೆ ತುಂಬಾ ಕಡಿಮೆ.

7.ಕ್ಯಾನ್ಸರ್ ತಡೆಗಟ್ಟುತ್ತದೆ: ದಿನವೂ ಸೈಕಲ್ ತುಳಿದರೆ ಕರುಳಿನ ಕ್ಯಾನ್ಸರ್, ಸ್ತನ ಕ್ಯಾನ್ಸರ್, ಶ್ವಾಸಕೋಶದ ಕ್ಯಾನ್ಸರ್ ಕಾಣಿಸಿಕೊಳ್ಳುವ ಸಾಧ್ಯತೆ ತುಂಬಾ ಕಡಿಮೆ.

8.ಸೌಂದರ್ಯ ಹೆಚ್ಚುವುದು: ಗಟ್ಟಿಮುಟ್ಟಾದ ಮೈಕಟ್ಟಿನಿಂದ ಸೌಂದರ್ಯ ಹೆಚ್ಚುವುದು. ಸೈಕಲ್ ತುಳಿದರೆ ದೇಹದಲ್ಲಿರುವ ಅಧಿಕ ಕೊಬ್ಬು ಕರಗುತ್ತದೆ. ಒಬೆಸಿಟಿ ಸಮಸ್ಯೆ ಉಂಟಾಗುವುದಿಲ್ಲ. ಆಕರ್ಷಕವಾದ ಮೈಕಟ್ಟು ಪಡೆಯಬಹುದು.

9. ಪರಿಸರ ರಕ್ಷಣೆ: ಈ ವ್ಯಾಯಾಮದಿಂದ ಆರೋಗ್ಯ ಅಷ್ಟೆ ಅಲ್ಲ ಪರಿಸರವನ್ನು ಕೂಡ ಕಾಪಾಡಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.