ಗಾಯ ಬೇಗನೆ ಗುಣವಾಗಲು ಈ ಆಹಾರ ಸೇವಿಸಿ

Wellness

oi-Reena

By Hema S

Published: Thursday, February 23, 2012, 15:46 [IST]

ಆಕಸ್ಮಿಕ ಕಾಲುಜಾರಿ ಬಿದ್ದಾಗ, ಅಪಘಾತ, ತರಕಾರಿ ಅಥವಾ ಹಣ್ಣುಗಳನ್ನು ಕತ್ತರಿಸುವಾಗ ಗಾಯಗಳಾಗುವುದು ಸಾಮಾನ್ಯ. ಗಾಯ ದೊಡ್ಡದಾಗಿರಲಿ ಅಥವಾ ಚಿಕ್ಕದಾಗಿರಲಿ ಚಿಕಿತ್ಸೆಯನ್ನು ತೆಗೆದುಕೊಳ್ಳಬೇಕು. ಅದರ ಜೊತೆಗೆ ಕೆಲವೊಂದು ಆಹಾರಗಳನ್ನು ಸೇವಿಸಿದರೆ ಗಾಯ ಬೇಗನೆ ಗುಣವಾಗುತ್ತದೆ.

1. ಅರಿಶಿಣ: ಅರಿಶಿಣ ನಂಜನ್ನು ಹೀರುವುದರಿಂದ ಗಾಯ ಬೇಗನೆ ಗುಣವಾಗಲು ಸಹಾಯ ಮಾಡುತ್ತದೆ. ಹಳ್ಳಿ ಕಡೆ ಚಿಕ್ಕ-ಪುಟ್ಟ ಗಾಯಗಳಾಗಿದ್ದರೆ ಆಸ್ಪತ್ರೆ ಹೋಗುವುದಿಲ್ಲ. ಅರಿಶಿಣದಿಂದಲೆ ಗುಣಪಡಿಸಲಾಗುವುದು.

2. ಸಿಹಿ ಗೆಣಸು: ಸಿಹಿಗೆಣಸಿನಲ್ಲಿ ವಿಟಮಿನ್ ಎ, ಬಿ ಮತ್ತು ಸಿ ಇದ್ದು antioxidant ಅಧಿಕ ಪ್ರಮಾಣದಲ್ಲಿ ಇರುವುದರಿಂದ ಗಾಯವನ್ನು ಬೇಗನೆ ಗುಣಪಡಿಸುವುದು.

3. ಜೇನು: ಜೇನಿನಲ್ಲಿ ಅಧಿಕ ವಿಟಮಿನ್ ಗಳು ಮತ್ತು ಅಮೈನೊ ಆಮ್ಲ ಇದೆ. ಆದ್ದರಿಂದ ಗಾಯಗಳಾದಾಗ ಆ ಭಾಗಕ್ಕೆ ಜೇನು ಹಚ್ಚಿಕೊಂಡರೆ ಬೇಗನೆ ಗುಣಮುಖವಾಗುವುದು.

4. ಹಾಲಿನ ಉತ್ಪನ್ನಗಳು: ಹಾಲು, ಮೊಸರು ಇವುಗಳಲ್ಲಿ ಅಧಿಕ ಸತುವಿನಂಶವಿದೆ. ಆದ್ದರಿಂದ ಗಾಯಾವಾದಾಗ ಇವುಗಳನ್ನು ಸೇವಿಸಿದರೆ ಗಾಯಬೇಗನೆ ಗುಣಮುಖವಾಗುವುದು.

5. ಮಾಂಸ: ಗಾಯಾಗಳಾದಾಗ ಮಾಂಸಾಹಾರವನ್ನು ಸೇವಿಸುವುದು ಒಳ್ಳೆಯದು. ಏಕೆಂದರೆ ಇದರಲ್ಲಿ ಪ್ರೊಟೀನ್ ಮತ್ತು ಸತುವಿನ ಅಂಶ ಅಧಿಕವಾಗಿರುವುದರಿಂದ ಗಾಯ ಬೇಗನೆ ಗುಣಮುಖವಾಗುವುದು.

6. ತುಪ್ಪ: ತುಪ್ಪವನ್ನು ಆರ್ಯುವೇದದಲ್ಲಿ ಕೂಡ ಗಾಯಗಳನ್ನು ಒಣಗಿಸುವ ಔಷಧಿಯಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ತುಪ್ಪಕ್ಕೆ ಗಾಯವನ್ನು ಬೇಗನೆ ಗುಣಪಪಡಿಸುವ ಸಾಮರ್ಥ್ಯ ಇದೆ ಎಂದು ವೈಜ್ಞಾನಿಕವಾಗಿ ಸಾಬೀತಾಗಿದೆ.

7. ವಿಟಮಿನ್ ಸಿ: ವಿಟಮಿನ್ ಸಿ ಇರುವ ಆಹಾರಗಳಾದ ನೆಲ್ಲಿಕಾಯಿ, ಸೀಬೆಕಾಯಿ, ನಿಂಬೆಹಣ್ಣು, ಕಿತ್ತಳೆ, ಸ್ಟ್ರಾಬರಿ, ಪೈನಾಪಲ್, ಕಿವಿ ಹಣ್ಣು, ಬ್ರೊಕೋಲಿ, ಹೂಕೋಸು, ಪಾಲಾಕ್, ಎಲೆಕೋಸುಗಳನ್ನು ಹೆಚ್ಚಾಗಿ ಸೇವಿಸಿ.

8. ಕಬ್ಬಿಣದಂಶ: ಹಸಿರು ಸೊಪ್ಪುಗಳಲ್ಲಿ ಕಬ್ಬಿಣದಂಶ ಹೆಚ್ಚಾಗಿ ಇರುವುದರಿಂದ ಗಾಯ ಗುಣಮುಖವಾಗುವುದು ಮತ್ತು ರಕ್ತ ಕಣಗಳು ಕೂಡ ಹೆಚ್ಚಾಗುವುದು.

9. ಶುದ್ಧ ನೀರನ್ನು ಹೆಚ್ಚಾಗಿ ಸೇವಿಸಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.