ದ್ರಾಕ್ಷಿ ಬೀಜದಲ್ಲಿದೆ ಕ್ಯಾನ್ಸರ್ ತಡೆಗೆ ಮದ್ದು

Wellness

oi-Reena

By Hema S

Published: Monday, January 30, 2012, 17:09 [IST]

ದ್ರಾಕ್ಷಿ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು. ದ್ರಾಕ್ಷಿ ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ. ಇಷ್ಟೇ ಅಲ್ಲ, ದ್ರಾಕ್ಷಿ ಬೀಜವು ಕ್ಯಾನ್ಸರನ್ನು ತಡೆಗಟ್ಟುವ ಸಾಮರ್ಥ್ಯ ಹೊಂದಿದೆ!

ಕ್ಯಾನ್ಸರ್ ಮಾರಾಣಾಂತಿಕ ಕಾಯಿಲೆ. ಚಿಕಿತ್ಸೆಯೂ ದುಬಾರಿ. ಮೊದಲ ಹಂತದಲ್ಲಿ ಕ್ಯಾನ್ಸರ್ ರೋಗವಿರುವುದು ತಿಳಿದರೆ ಚಿಕಿತ್ಸೆ ಸುಲಭ. ಕ್ಯಾನ್ಸರ್ ಕೊನೆಯ ಹಂತದಲ್ಲಿರುವಾಗ ಚಿಕಿತ್ಸೆ, ಶಸ್ತ್ರ ಕ್ರಿಯೆ ಮಾಡಿದರೂ ವ್ಯಕ್ತಿ ಬದುಕುವ ಆಶಾವಾದ ತೀರಾ ಕಡಿಮೆ.

ಕ್ಯಾನ್ಸರ್ ಕಣಗಳು ದೇಹದಲ್ಲಿ ಅತಿ ಬೇಗನೆ ಹಬ್ಬುತ್ತದೆ. ಆದರೆ ದ್ರಾಕ್ಷಿ ಬೀಜವು ಕ್ಯಾನ್ಸರ್ ಕಣಗಳನ್ನು ಹರಡದಂತೆ ತಡೆಯುವ ಸಾಮರ್ಥ್ಯ ಹೊಂದಿದೆ. ಅಲ್ಲದೆ ಇದು ದೇಹದಲ್ಲಿರುವ ಇತರ ಕಣಗಳಿಗೆ ಯಾವುದೇ ರೀತಿಯ ಹಾನಿ ಉಂಟು ಮಾಡದೆ ಕೇವಲ ಕ್ಯಾನ್ಸರ್ ಕಣಗಳನ್ನು ನಿರ್ನಾಮ ಮಾಡುವುದು ಎಂಬ ಅಂಶ ವಾಷಿಂಗ್ಟನ್ ನಲ್ಲಿರುವ ಕ್ಯಾನ್ಸರ್ ಸೆಂಟರ್ ನಲ್ಲಿ ನಡೆಸಿರುವ ಅಧ್ಯಯನದಿಂದ ತಿಳಿದು ಬಂದಿದೆ.

ಸೇಬು, ಟೊಮೆಟೊ, ಬ್ರೊಕೋಲಿ, ಸೋಯಾ, ಎಲೆಕೋಸು ಮುಂತಾದ ಪದಾರ್ಗಳ ಸೇವನೆಯು ಆರೋಗ್ಯಕ್ಕೆ ಅಷ್ಟೇ ಅಲ್ಲ ಕ್ಯಾನ್ಸರ್ ತಡೆಗಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ದ್ರಾಕ್ಷಿ ಬೀಜದಲ್ಲಿ ಕ್ಯಾನ್ಸರ್ ಕಣಗಳನ್ನು ನಾಶಪಡಿಸುವ ಸಾಮರ್ಥ್ಯವಿರುವುದರಿಂದ ದ್ರಾಕ್ಷಿ ತಿನ್ನುವಾಗ ಅದರ ಬೀಜ ಬಿಸಾಡುವ ಬದಲು ಯೋಚಿಸಿ.

ಇನ್ನು ಮುಂದೆ ದ್ರಾಕ್ಷಿ ತಿಂದಾಗ ಬೀಜ ಸಿಕ್ಕರೆ ಉಗುಳದೆ ತಿಂದು ಬಿಡಿ ಎನ್ನುವುದು ನಮ್ಮ ಸಲಹೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.