ತೂಕದ ಚಿಂತೆ ಬಿಡಿ, ಹಸಿವು ನೀಗಿಸಿ

Wellness

oi-Reena

By Hema S

Published: Thursday, December 1, 2011, 12:57 [IST]

ಹೊಟ್ಟೆ ತುಂಬಾ ಊಟ ಮಾಡಿದ 2-3 ಗಂಟೆಗಳಲ್ಲಿಯೆ ಹಸಿವು ಪ್ರಾರಂಭವಾಗುತ್ತದೆ. ಹಾಗಂತ ಪುನಃ ಊಟ ಮಾಡಿದರೆ ಅಥವಾ ಕುರುಕುಲು ತಿಂಡಿಗಳನ್ನು ತಿಂದರೆ ದೇಹದ ತೂಕ ಹೆಚ್ಚಾಗುತ್ತದೆ ಎಂಬ ಭಯ. ಅಲ್ಲದೆ ಕುರುಕುಲು ತಿಂಡಿಗಳು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಹಾಗಂತ ಹಸಿದುಕೊಂಡು ಕೂರಬೇಕಾಗಿಲ್ಲ. ದೇಹದ ತೂಕವನ್ನು ಹೆಚ್ಚಿಸಿಕೊಳ್ಳದಂತೆ ಹಸಿವನ್ನು ಇಂಗಿಸಲು ಈ ಕೆಳಗಿನ ಹಣ್ಣುಗಳನ್ನು ತಿನ್ನುವುದು ಸೂಕ್ತ.

1. ಸೇಬು: ಸೇಬಿನಲ್ಲಿ ಅಧಿಕ ನಾರಿನಂಶವಿರುವುದರಿಂದ ದೇಹದ ಆರೋಗ್ಯಕ್ಕೂ ಒಳ್ಳೆಯದು, ಹಸಿವನ್ನು ಕೂಡ ನೀಗಿಸುತ್ತದೆ. ಸೇಬಿನಲ್ಲಿರುವ anti-inflammatory ಅಂಶ ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ.

2. ತರಕಾರಿಗಳು: ಹೊಟ್ಟೆ ಹಸಿದಾಗ ಎಲೆಕೋಸು, ಪಾಲಾಕ್, ಬ್ರೊಕೋಲಿಗಳ ಸೂಪ್ ಮಾಡಿ ಕುಡಿಯುವುದರಿಂದ ಆರೋಗ್ಯಕ್ಕೆ ಒಳ್ಳೆಯದು. ದೇಹದ ತೂಕವನ್ನು ಸಹ ಹೆಚ್ಚಿಸುವುದಿಲ್ಲ.

3. ಬಾಳೆಹಣ್ಣು: ಹೊಟ್ಟೆ ಹಸಿವು ಆದಾಗ 1-2 ಬಾಳೆ ಹಣ್ಣು ತಿನ್ನಬಹುದಾಗಿದ್ದು, ಅದಕ್ಕಿಂತ ಹೆಚ್ಚು ತಿಂದರೆ ದೇಹದ ತೂಕವನ್ನು ಹೆಚ್ಚಿಸುತ್ತದೆ.

4. ಸೀಗಡಿ: ಸೀಗಡಿಯಲ್ಲಿ ಕ್ಯಾಲೋರಿ ಅಂಶ ಕಡಿಮೆ ಇರುವುದರಿಂದ ಸೀಗಡಿಯನ್ನು ಬೇಯಿಸಿ ತಿಂದರೆ ಹಸಿವನ್ನು ಇಂಗಿಸಿ ದೇಹದ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

5. ನಟ್ಸ್: ಬಾದಾಮಿಯಲ್ಲಿ ಅಧಿಕ ಪ್ರೊಟೀನ್ ಮತ್ತು ನಾರಿನಂಶವಿರುತ್ತದೆ. ಇದು ದೇಹದಲ್ಲಿರುವ CCK ಮತ್ತು GLP1 ಹಾರ್ಮೋನ್ ಗಳನ್ನು ಸಮತೋಲದಲ್ಲಿಡಲು ಸಹಾಯ ಮಾಡುತ್ತದೆ. ಇವುಗಳ ಸೇವನೆಯಿಂದ ತೂಕ ಹೆಚ್ಚುವುದಿಲ್ಲ, ಕ್ಷಣಿಕದ ಹಸಿವು ಕೂಡ ಮಾಯವಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.