ಪ್ಲಾಸ್ಟಿಕ್ ಚೀಲದಲ್ಲಿ ತಂದ ಆಹಾರ ತಿಂದರೆ ಅಂಧತ್ವ!!

ಪ್ಲಾಸ್ಟಿಕ್ ಚೀಲ ಇರುವಾಗ ಚಿಂತೆ ಏಕೆ? ಆಹಾರವನ್ನು ತಿಂದು ಚೀಲವನ್ನು ಎಸೆದರೆ ಆಯಿತು, ಅದಕ್ಕಾಗಿ ಸ್ಟೀಲ್ ಡಬ್ಬಗಳನ್ನು ತೊಳೆಯುವ ತಾಪತ್ರಯ ಏಕೆ? ನೀವು ಈ ರೀತಿ ಯೋಚಿಸುತ್ತಿದ್ದರೆ ನಿಮ್ಮ ಆಲೋಚನೆಯನ್ನು ಬದಲಾಯಿಸಬೇಕಾಗುತ್ತದೆ.

ಏಕೆಂದರೆ ಬಿಸಿ ಆಹಾರವನ್ನು ಪ್ಲಾಸ್ಟಿಕ್ ನಲ್ಲಿ ಹಾಕಿ ಸೇವಿಸಿದರೆ ಕುರುಡತನ ಬರುವುದು ಎಂಬುದಾಗಿ ಅಧ್ಯಯನದಿಂದ ಸಾಬೀತಾಗಿದೆ. ಅಮೆರಿಕದಲ್ಲಿ
ಹೆಚ್ಚುತ್ತಿರುವ ಕುರುಡತನಕ್ಕೆ ಇದು ಸಹ ಒಂದು ಕಾರಣ ಎಂಬುದಾಗಿ ಅಧ್ಯಯನದಿಂದ ತಿಳಿದು ಬಂದಿದೆ. ಮನೆಗಳಿಗೆ, ಅಥವಾ ಹಾಸ್ಟೆಲ್ ಗಳಿಗೆ ಆಹಾರವನ್ನು ಮಾಡಿ ತಲುಪಿಸುವಾಗ ಬಿಸಿ ಆಹಾರವನ್ನು ಹೆಚ್ಚಾಗಿ ಪ್ಲಾಸ್ಟಿಕ್ ನಲ್ಲಿ ಹಾಕಿ ಕೊಡುತ್ತಾರೆ.

ಆಹಾರದ ಬಿಸಿ ಪ್ಲಾಸ್ಟಿಕ್ ಕರುಗುವಂತೆ ಮಾಡಿ ಪ್ಲಾಸ್ಟಿಸೈಸರ್ ಎಂಬ ಅಂಶವನ್ನು ಬಿಡುಗಡೆ ಮಾಡುತ್ತದೆ. ಇದು ನಮ್ಮ ದೇಹವನ್ನು ಸ್ವಲ್ಪ-ಸ್ವಲ್ಪ ಸೇರಿ ಕಣ್ಣಿನಲ್ಲಿರುವ ರಕ್ತ ನಾಳದಲ್ಲಿ ಸಂಗ್ರಹವಾಗುವುದು.

ಇದರಿಂದ ಮಾಕ್ಯುಲರ್ ಡಿಜನರೇಷನ್ ಅಂದರೆ ಕಣ್ಣಿನ ಅಕ್ಷಿ ಪಟಲದ ಮೇಲೆ ಕೆಟ್ಟ ಪರಿಣಾಮ ಬೀರಿ ಕುರುಡುತನವನ್ನು ಉಂಟು ಮಾಡುತ್ತದೆ. ಈ ರೀತಿಯ ಕುರುಡುತನ ಚಿಕ್ಕ ವಯಸ್ಸಿನಲ್ಲಿಯೆ ಕಾಣಿಸಿಕೊಳ್ಳಬಹುದು.

ಅನೇಕ ಮೆಡಿಕಲ್ ಜರ್ನಲ್ ಇದರ ಬಗ್ಗೆ ಸಾಕಷ್ಟು ವರದಿಯನ್ನು ಕೂಡ ಸಲ್ಲಿಸಿದ್ದು, ಪ್ಲಾಸ್ಟಿಕ್ ಕೈಗಾರಿಕೆಗಳ ಒತ್ತಡದಿಂದಾಗಿ ಈ ಬರಹಗಳು ಕಣ್ಮರೆಯಾದ ನಿದರ್ಶನಗಳು ಅಮೆರಿಕದಲ್ಲಿ ಆಗಿವೆ.

ಈ ಸಮಸ್ಯೆಗೆ ಇರುವ ಪರಿಹಾರವೆಂದರೆ ಪ್ಲಾಸ್ಟಿಕ್ ಬಳಸುವುದರ ಬದಲು ಸ್ಟೀಲ್ ಡಬ್ಬಗಳನ್ನು ಬಳಸಿ. ಇದರಿಂದ ಆರೋಗ್ಯ ಮತ್ತು ಪರಿಸರದ ರಕ್ಷಣೆಗೆ ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.