ಬೇವಿನ ಜ್ಯೂಸ್ ಕುಡಿಯುವುದು ಹೇಗೆ?

Wellness

oi-Staff

By Super

Updated: Thursday, March 14, 2013, 12:28 [IST]

ಬೇವಿನ ಜ್ಯೂಸ್ ತುಂಬಾ ಕಹಿಯಿರುವುದರಿಂದ ಅದನ್ನು ಕುಡಿಯುವುದು ತುಂಬಾ ಕಷ್ಟ. ಆದರೆ ಬೇವಿನಲ್ಲಿರುವ ಆರೋಗ್ಯಕರ ಉಪಯೋಗಗಳನ್ನು ನೀವು ಪಡೆಯಲು ಇಚ್ಛಿಸುವುದಾದರೆ ಕುಡಿಯಲೇ ಬೇಕಾಗುತ್ತದೆ. ಬೇವಿನ ಜ್ಯೂಸ್ ಕುಡಿಯುವ ವಿಧಾನವನ್ನು ಇಲ್ಲಿ ತಿಳಿದುಕೊಳ್ಳಿ.

1. ಬೇವಿನ ಜ್ಯೂಸನ್ನು ಸ್ವಲ್ಪ ರುಚಿಕರವಾಗಿ ಕುಡಿಯಬೇಕೆಂದರೆ ಅದಕ್ಕೆ ಕೆಲವು ಮಸಾಲೆ ಪದಾರ್ಥಗಳನ್ನು ಹಾಕಬಹುದು. ಬೇವಿನ ರಸದೊಂದಿಗೆ ನೀರನ್ನು ಸೇರಿಸಿ ಅದಕ್ಕೆ ಉಪ್ಪು ಮತ್ತು ಮೆಣಸಿನ ಪುಡಿಯನ್ನು ಬೆರೆಸಿ ಕುಡಿದರೆ ಕಹಿ ಸ್ವಲ್ಪ ಕಡಿಮೆಯೆನಿಸುತ್ತದೆ.

2. ಬೇವಿನ ವಾಸನೆಯನ್ನು ಅನೇಕ ಜನರು ಇಷ್ಟಪಡುವುದಿಲ್ಲ. ಅಂತಹವರು ಈ ರಸವನ್ನು 15-20 ನಿಮಿಷ ಫ್ರಿಡ್ಜ್ ನಲ್ಲಿಡಬಹುದು ಅಥವಾ ಐಸ್ ಕ್ಯೂಬ್ ಗಳನ್ನು ಇದಕ್ಕೆ ಬೆರೆಸಿ ಕುಡಿಯಬಹುದು. ಬೇವಿನ ರಸವನ್ನು ತಯಾರಿಸಿದ ನಂತರವೇ ಸೇವಿಸಿದರೆ ಒಳ್ಳೆಯದು. ಅರ್ಧಗಂಟೆಗಿಂತ ಹೆಚ್ಚು ಇಟ್ಟರೆ ಕಹಿ ಹೆಚ್ಚಾಗುತ್ತದೆ.

3. ಬೇವು ಕಹಿಯಿದ್ದರೂ ಸಹ ಬಾಯಿಯಲ್ಲಿ ಕಹಿ ರುಚಿ ಹಾಗೇ ಉಳಿದುಬಿಡುವುದಿಲ್ಲ. ಸ್ವಲ್ಪ ಹೊತ್ತು ಕಳೆಯುತ್ತಿದ್ದಂತೆ ಬಾಯಿ ಸಿಹಿಯೆನಿಸುತ್ತದೆ.

4. ಬೇವಿನ ಜ್ಯೂಸನ್ನು ಕುಡಿಯುವಾಗ ಮೂಗನ್ನು ಮುಚ್ಚಿಕೊಂಡು ಕುಡಿದುಬಿಡಿ. ಆಗ ಅದರ ಕಹಿ ಅಷ್ಟು ಅನುಭವಕ್ಕೆ ಬರುವುದಿಲ್ಲ.

5. ಬೇವಿನ ಸಂಪೂರ್ಣ ಉಪಯೋಗವನ್ನು ನೀವು ಹೊಂದಬೇಕಾದರೆ ಅದಕ್ಕೆ ಸಕ್ಕರೆ ಬೆರೆಸಬಾರದು.

6. ಬೆಳಗ್ಗಿನ ಜಾವವೇ ಖಾಲಿ ಹೊಟ್ಟೆಯಲ್ಲಿ ಬೇವಿನ ಜ್ಯೂಸ್ ಸೇವಿಸಬೇಕು. ಆಗ ಹೆಚ್ಚು ಉಪಯೋಗವನ್ನು ಪಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.