ಅಜಿನೊಮೊಟೊ ಅಡ್ಡಪರಿಣಾಮದ ಬಗ್ಗೆ ಅರಿವಿರಲಿ

Wellness

oi-Sumalatha

By Sumalatha

Published: Thursday, November 10, 2011, 16:28 [IST]

ಮೊನೊಸೋಡಿಯಂ ಗ್ಲುಟಮೇಟ್ ಎಂದು ಕರೆಯಲಾಗುವ ಅಜಿನೊಮೊಟೊವನ್ನು ಹೋಟೆಲ್ ಗಳಲ್ಲಿ ಅಡುಗೆ, ತಿಂಡಿಗಳಿಗೆ ರುಚಿ ನೀಡಲು ಬಳಸಲಾಗುತ್ತೆ. ಅದರಲ್ಲೂ ಚೈನೀಸ್ ಆಹಾರದಲ್ಲಿ ಇದರ ಬಳಕೆ ಹೆಚ್ಚು. ಇತ್ತೀಚೆಗೆ ಮನೆಗಳಲ್ಲೂ ಕೂಡ ಅಡುಗೆಗೆ ಇದರ ಬಳಕೆ ಹೆಚ್ಚಾಗಿದೆ. ಆದರೆ ಅಜಿನೊಮೊಟೊದಲ್ಲಿ ಅನಾರೋಗ್ಯಕರ ಅಂಶಗಳು ಸಾಕಷ್ಟಿವೆ. ಅದೇನೆಂದು ಇಲ್ಲಿ ತಿಳಿಯಿರಿ.

ಅಜಿನೊಮೊಟೊ ಅಡ್ಡ ಪರಿಣಾಮಗಳು ಯಾವುವು?

1. ಅಜಿನೊಮೊಟೊ ದೇಹವನ್ನು ಸೇರುವುದರಿಂದ ತಲೆನೋವು, ಬೆವರು, ತಲೆತಿರುಗುವಿಕೆ ಉಂಟಾಗುತ್ತದೆ. ಇದರ ಹೆಚ್ಚು ಸೇವನೆ ಮೆದುಳಿಗೂ ತೊಂದರೆ.

2. ಅಜಿನೊಮೊಟೊದಿಂದ ದೇಹದಲ್ಲಿ ನಿರ್ಜಲೀಕರಣ ಉಂಟಾಗುವುದಲ್ಲದೆ ಮುಖ, ಕಣ್ಣು ಊದಿಕೊಳ್ಳುತ್ತದೆ.

3. ಇದರ ನಿರಂತರ ಸೇವನೆಯಿಂದ ಎದೆ ನೋವು, ಉಸಿರಾಟದ ಸಮಸ್ಯೆ ಮತ್ತು ಸೋಮಾರಿತನ ಬರುತ್ತದೆ. ಶೀತ, ನೆಗಡಿ, ಸೀಗು ಮತ್ತು ತೂಕಡಿಕೆಯೂ ಕಂಡುಬರುತ್ತದೆ.

4. ಅಜಿನೊಮೊಟೊದಲ್ಲಿರುವ ಆಸಿಡಿಕ್ ಅಂಶ ಹೊಟ್ಟೆ ಮತ್ತು ಗಂಟಲು ಉರಿಯನ್ನು ಉಂಟುಮಾಡುತ್ತದೆ.

5. ನಿರಂತರವಾಗಿ ಮೂತ್ರ ಹೋಗುವುದು, ಗುಪ್ತಾಂಗದಲ್ಲಿ ಊತ ಇನ್ನೂ ಅನೇಕ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.

6. ಇದರ ಸೇವನೆಯಿಂದ ಕೆಳಹೊಟ್ಟೆಯ ನೋವು, ವಾಂತಿ, ಭೇದಿಯೊಂದಿಗೆ ಎಲುಬು ಮತ್ತು ಕೀಲಿನ ನೋವು ಬರುತ್ತದೆ. ಇದು ದೇಹದಲ್ಲಿ ಕ್ಯಾಲ್ಸಿಯಂ ಮಟ್ಟವನ್ನೂ ಕಡಿಮೆಮಾಡಿ ಮೂಳೆಗಳು ಸವೆಯಲು ಕಾರಣವಾಗುತ್ತದೆ.

7. ಅಜಿನೊಮೊಟೊ ಸೇವನೆ ರಕ್ತದೊತ್ತಡವನ್ನು ಏರು ಪೇರು ಮಾಡುವುದಲ್ಲದೆ ಅತಿ ಅಪಾಯಕಾರಿ ತಲೆನೋವು ಎನ್ನಲಾದ ಮೈಗ್ರೇನ್ ಗೆ ಕಾರಣವಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.