ಒತ್ತಡ ಕಡಿಮೆ ಮಾಡುವ ಈ ಟೀ ಯಾವುದು?

Wellness

oi-Sumalatha

By Sumalatha

Published: Tuesday, November 1, 2011, 16:15 [IST]

ಗ್ರೀನ್ ಟೀ ಕುಡಿಯುವುದರಿಂದ ಆರೋಗ್ಯಕ್ಕೆ ಹೆಚ್ಚಿನ ಉಪಯೋಗವಿದೆ. ಇದು ದೈಹಿಕ ಆರೋಗ್ಯವನ್ನಷ್ಟೇ ಕಾಪಾಡುವುದಿಲ್ಲ, ಮಾನಸಿಕ ಸ್ಥಿತಿಯನ್ನೂ ಸುಧಾರಿಸುತ್ತದೆ.

ಹಾದು. ಹೆಚ್ಚು ಗ್ರೀನ್ ಟೀ ಸೇವಿಸುವವರು ಬಹು ಬೇಗನೆ ಯಾವುದೇ ಒತ್ತಡಕ್ಕೆ ಒಳಗಾಗುವುದಿಲ್ಲ ಎಂದು ನೂತನ ಸಂಶೋಧನೆಯೊಂದು ತಿಳಿಸಿಕೊಟ್ಟಿದೆ. ಗ್ರೀನ್ ಟೀನಲ್ಲಿರುವ ಒತ್ತಡ ಕಡಿಮೆ ಮಾಡುವ ಅಂಶವೇ ಇದಕ್ಕೆ ಕಾರಣ ಎಂದು ಜಪಾನಿ ಸಂಶೋಧಕರು ತಿಳಿಸಿದ್ದಾರೆ.

ಗ್ರೀನ್ ಟೀ ಕುಡಿಯುವುದರಿಂದ ಮಾನಸಿಕ ಸಮಸ್ಯೆಗಳು ಕಡಿಮೆಯಾಗುತ್ತವೆ ಎಂದು ಕೆಲ ವೈದ್ಯರೂ ಹೇಳಿದ್ದಾರೆ. ಅದರಲ್ಲೂ 70 ವಯೋಮಿತಿಯ ಪುರುಷ ಮತ್ತು ಮಹಿಳೆಯರು ದಿನಕ್ಕೆ 4ಕಪ್ ಗಿಂತ ಹೆಚ್ಚು ಗ್ರೀನ್ ಟೀ ಕುಡಿಯುವುದರಿಂದ ಅವರ ಮಾನಸಿಕ ಸ್ಥೈರ್ಯ ಹೆಚ್ಚುತ್ತದೆ ಎಂದು ತಿಳಿಸಿದ್ದಾರೆ.

ಗ್ರೀನ್ ಟೀ ಕುಡಿಯದವರಿಗೆ ಹೋಲಿಸಿದರೆ ಸೇವಿಸುವವರಲ್ಲಿ ಒತ್ತಡ ಬರುವ ಸಾಧ್ಯತೆ ಶೇ44 ರಷ್ಟು ಕಡಿಮೆ ಇರುತ್ತದೆ ಎನ್ನಲಾಗಿದೆ.

ಗ್ರೀನ್ ಟೀನಲ್ಲಿರುವ ಅಮಿನೊ ಆಸಿಡ್ ಥಿಯನೈನ್ ಅಂಶ ಮೆದುಳಿನ ಮೇಲೆ ಪರಿಣಾಮ ಬೀರಿ ಒತ್ತಡವನ್ನು ಹೋಗಲಾಡಿಸುತ್ತದೆ ಎಂದು ಸಂಶೋಧನೆ ತಿಳಿಸಿದೆ.
ಆದರೆ ಗ್ರೀನ್ ಟೀನಲ್ಲಿರುವ ಒತ್ತಡ ನಿವಾರಣಾ ಅಂಶದ ಕುರಿತು ಇನ್ನಷ್ಟು ಅಧ್ಯಯನಗಳು ನಡೆಯಬೇಕಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.