ಸೈನಸ್ ಸಮಸ್ಯೆಯನ್ನು ಸರಳವಾಗಿ ನೀಗಿಸಬಹುದು

Wellness

oi-Sumalatha

By Sumalatha

Published: Saturday, October 15, 2011, 17:19 [IST]

ಇನ್ನೇನು ಚಳಿಗಾಲ ಕಾಲಿಡಲಿದೆ. ಈ ಥಂಡಿ ಸಮಯದಲ್ಲಿ ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳುವುದು ಹೆಚ್ಚು. ಅದರಲ್ಲೂ ಸೈನಸ್ ಸಮಸ್ಯೆ ಇದ್ದವರಿಗಂತೂ ಇದು ಕಷ್ಟಕಾಲ.

ಥಂಡಿಯಿಂದ ಮೂಗು ಕಟ್ಟಿ ಉಸಿರಾಟಕ್ಕೆ ತೊಂದರೆಯಾಗಿ, ತಲೆನೋವುಂಟಾಗಿ ಹಿಂಸೆ ಅನುಭವಿಸಬೇಕಾಗುತ್ತದೆ. ಅಂತಹವರು ಮನೆಯಲ್ಲಿ ಈ ಕೆಳಗಿನ ನೈಸರ್ಗಿಕ ವಿಧಾನ ಅನುಸರಿಸಿದರೆ ಸೈನಸ್ ಸಮಸ್ಯೆಯನ್ನು ಕಡಿಮೆಗೊಳಿಸಬಹುದು.

* ಜೀರಿಗೆ: ಕಪ್ಪು ಜೀರಿಗೆಯನ್ನು ತೆಳುಬಟ್ಟೆಗೆ ಹಾಕಿ ಕಟ್ಟಿ ಅದನ್ನು ಮೂಗಿನ ಬಳಿ ಇಟ್ಟುಕೊಂಡು ಜೋರಾಗಿ ಉಸಿರಾಡಿದರೆ ಉಸಿರಾಟ ಮುಕ್ತವಾಗುತ್ತದೆ.

* ನೀಲಗಿರಿ ತೈಲ: ಬಿಸಿ ನೀರಿಗೆ ಕೆಲವು ಹನಿ ನೀಲಗಿರಿ ತೈಲ ಹಾಕಿ ಅದರ ಆವಿಯನ್ನು ತೆಗೆದುಕೊಂಡರೆ ಸೈನಸ್ ನಿಂದ ರಿಲೀಫ್ ನೀಡುತ್ತೆ.

* ಆಲಿವ್ ಎಣ್ಣೆ: ಮೂಗು ಕಟ್ಟಿದಂತಿದ್ದರೆ ನಿಮ್ಮ ಮೂಗಿನ ಮತ್ತು ಕಣ್ಣಿನ ಸುತ್ತ ಆಲಿವ್ ಎಣ್ಣೆ ಹಚ್ಚಿಕೊಳ್ಳಿ.

* ಈರುಳ್ಳಿ, ಬೆಳ್ಳುಳ್ಳಿ: ಸೈನಸ್ ಸಮಸ್ಯೆಗೆ ಈರುಳ್ಳಿ ಮತ್ತು ಬೆಳ್ಳುಳ್ಳಿ ತುಂಬಾ ಪರಿಣಾಮಕಾರಿ ಎನ್ನಲಾಗಿದೆ. ನಿಮ್ಮ ಆಹಾರದಲ್ಲಿ ಇವುಗಳನ್ನು ಹೆಚ್ಚು ಬಳಸಿದರೆ ಉತ್ತಮ.

* ಕ್ಯಾರೆಟ್: ಕ್ಯಾರೆಟ್ ಜ್ಯೂಸ್ ಸೇವನೆ ಸೈನಸ್ ಕಡಿಮೆಗೊಳಿಸುತ್ತದೆ ಎನ್ನಲಾಗಿದೆ.

* ಮೆಂತ್ಯೆ ಕಾಳು: ಮೆಂತ್ಯೆ ಕಾಳು ಕೂಡ ಸೈನಸ್ ಸಮಸ್ಯೆಗೆ ಪರಿಹಾರ ನೀಡಬಲ್ಲದು. ಒಂದು ಚಮಚ ಮೆಂತ್ಯೆಯನ್ನು 250 ಮಿಲಿ ನೀರಿನೊಂದಿಗೆ ಬೆರೆಸಿ ಅದು ಅರ್ಧವಾಗುವವರೆಗೂ ಕುದಿಸಿ ಸೇವಿಸಿದರೆ ಒಳ್ಳೆಯದು. ಇದು ಸೈನಸ್ ನಿಂದ ತಗುಲುವ ಜ್ವರಕ್ಕೂ ಪರಿಹಾರ ನೀಡಿ, ದೇಹದಿಂದ ವಿಷಕಾರಿ ಅಂಶವನ್ನು ತೊಲಗಿಸುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.