ಮರೆವು ರೋಗಿಗಳಿಗೆ ಬೇಕಿರುವುದು ಪ್ರೀತಿ, ಕಾಳಜಿ

ಆದರೆ ಮರೆವಿನ ರೋಗಕ್ಕೆ ಒಳಗಾಗುವ ರೋಗಿಗಳಿಗೆ ಕೇವಲ ಚಿಕಿತ್ಸೆ ಮಾತ್ರ ಸಾಲದು, ಕುಟುಂಬದ ಪ್ರೀತಿ, ಆರೈಕೆಯೂ ಅಷ್ಟೇ ಮುಖ್ಯ. ನಿಮ್ಮೊಂದಿಗೆ ನಾವಿದ್ದೇವೆ ಎಂಬ ಸಣ್ಣದೊಂದು ಭರವಸೆಯ ಮಾತು ಅವರ ಮನಕ್ಕೆ ಸಂತೃಪ್ತಿ ತುಂಬಬಹುದು.

2010 ರಲ್ಲಿ ಇಡೀ ವಿಶ್ವದಲ್ಲಿ ಸುಮಾರು 3.7 ಬಿಲಿಯನ್ ಜನರು ಈ ಡೆಮೆಂಶಿಯಾ (ಮರೆವು ರೋಗ, ಮಾನಸಿಕ ಅಸ್ವಸ್ಥತೆ) ದಿಂದ ಬಳಲುತ್ತಿದ್ದು, 2020 ರಷ್ಟಕ್ಕೆ ಈ ಕಾಯಿಲೆಯಿಂದ ಬಳಲುವವರ ಸಂಖ್ಯೆ ದುಪ್ಪಟ್ಟಾಗುತ್ತದೆ ಎಂದು 2010ರ ಡೆಮೆಂಶಿಯಾ ವರದಿ ತಿಳಿದಿದೆ.

ವಯಸ್ಸು ಕಳೆದಂತೆ ಸುಮಾರು 60ರ ನಂತರ ಕಾಣಿಸಿಕೊಳ್ಳುವ ಈ ಕಾಯಿಲೆ ಮೊದಲು ಮರೆಗುಳಿತನ ತಂದು ನಂತರ ಮೆದುಳಿನ ಕೆಲಸವನ್ನು ದುರ್ಬಲಗೊಳಿಸುತ್ತಾ ಸಾಗುತ್ತದೆ. ಅತಿಯಾದ ಮರೆವು, ತಮ್ಮ ಕೆಲಸಗಳನ್ನೂ ಮಾಡಿಕೊಳ್ಳಲು ಅಸಹಾಯಕರಾಗುವುದು, ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ವಿಫಲರಾಗುವುದು ಈ ರೀತಿ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.

ಆದರೆ ಈ ಸಮಯದಲ್ಲಿ ಚಿಕಿತ್ಸೆಯೊಂದಿಗೆ ಮನೆಯವರ ಪ್ರೀತಿ, ವಾತ್ಸಲ್ಯ ರೋಗಿಗಳಿಗೆ ಹೆಚ್ಚಿನ ಅವಶ್ಯಕತೆಯಾಗಿರುತ್ತದೆ, ಅವರಗೆ ಒಂಟಿ ಎನ್ನುವ ಭಾವನೆ ಕಾಡದಂತೆ, ಅವರು ಅವಲಂಬಿತರೆನ್ನುವಂತೆ ನೋಡದೆ ಮಕ್ಕಳಂತೆ ಪ್ರೀತಿ ತೋರಿಸಿದರೆ ಅವರ ಖಿನ್ನತೆ, ಒತ್ತಡವನ್ನು ಕಡಿಮೆ ಮಾಡಬಹುದು.

ವಯಸ್ಸಾಗುತ್ತಿದ್ದಂತೆ ರಕ್ತದೊತ್ತಡ, ಮಧುಮೇಹ, ಮಾನಸಿಕ ಒತ್ತಡ ಮತ್ತು ಇನ್ನಿತರ ಆರೋಗ್ಯ ಸಂಬಂಧಿ ತೊಂದರೆಗಳ ಬಗ್ಗೆ ಮೊದಲೇ ಜಾಗೃತಿ ವಹಿಸಿದರೆ ಒಳ್ಳೆಯದು.

ಆಹಾರದಲ್ಲಿ ಅರಿಶಿನದ ಬಳಕೆ, ಸಲಾಡ್ ಗಳು, ಹಣ್ಣುಗಳ ಸೇವನೆ ವಯಸ್ಸಾದ ಮೇಲೆ ಆರೋಗ್ಯವನ್ನು ಕಾಪಾಡುವಲ್ಲಿ ಸಹಕಾರಿ ಎಂದು ವೈದ್ಯರು ತಿಳಿಸಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.