ಗಂಟಲು ನೋವುತ್ತಿದೆಯಾ? ಹಾಗಾದರೆ ಹೀಗೆ ಮಾಡಿ

Wellness

oi-Sumalatha N

By Sumalatha N

Published: Thursday, August 25, 2011, 17:37 [IST]

ಮಳೆಗಾಲದಲ್ಲಾಗಲೀ ಯಾವುದೇ ಕಾಲದಲ್ಲಾಗಲಿ, ಗಂಟಲಿನ ಸಮಸ್ಯೆ ಇದ್ದದ್ದೇ. ದೇಹದಲ್ಲಿ ಅತಿ ಉಷ್ಣವಾದರೂ ಅಥವಾ ಅತಿ ಶೀತವಾದರೂ ಮೊದಲು ಪರಿಣಾಮ ಬೀರುವುದು ಗಂಟಲಿನ ಮೇಲೆಯೇ. ಗಂಟಲಲ್ಲಿ ತುರಿಕೆ, ಹುಣ್ಣು ಕಾಣಿಸಿಕೊಂಡು ಕೊಡಬಾರದ ಹಿಂಸೆ ನೀಡುತ್ತದೆ. ಕೊನೆಗೆ ಇದು ಜ್ವರವನ್ನೂ ತಂದೊಡ್ಡಬಹುದು. ಆದ್ದರಿಂದ ಗಂಟಲು ಬೇನೆ ಆರಂಭವಾಗುತ್ತಿದ್ದಂತೆಯೇ ಅದರ ಬಗ್ಗೆ ನಿಗಾವಹಿಸಿ ನಿವಾರಿಸಿಕೊಳ್ಳಬೇಕು.

ಗಂಟಲು ಬೇನೆಯನ್ನು ಹೇಗೆ ನಿವಾರಿಸಿಕೊಳ್ಳಬಹುದು ಎಂಬುದನ್ನು ತಿಳಿದುಕೊಳ್ಳಿ:

1. ಸ್ವಲ್ಪ ಬಿಸಿಯಾದ ಟೀ ಡಿಕಾಕ್ಷನನ್ನು ಗಂಟಲಿಗೆ ಹಾಕಿಕೊಂಡು ಗಂಟಲನ್ನು ಗಲಬರಿಸುವುದರಿಂದ ಕ್ರಮೇಣ ಗಂಟಲು ನೋವು ಗುಣಮುಖವಾಗುತ್ತದೆ. ಟೀ ಯಲ್ಲಿನ ಔಷದೀಯ ಪದಾರ್ಥಗಳು ಗಂಟಲನ್ನು ಶುದ್ಧಗೊಳಿಸಿ ತುರಿಕೆ ಕಡಿಮೆ ಮಾಡುತ್ತದೆ.

2. ಬೆಳಗ್ಗಿನ ಜಾವ ಖಾಲಿ ಹೊಟ್ಟೆಯಲ್ಲಿ ಶುಂಠಿಯನ್ನು ಜೇನು ತುಪ್ಪದೊಂದಿಗೆ ಬೆರೆಸಿ ಒಂದು ಚಮಚ ಸೇವಿಸಿದರೆ ಗಂಟಲು ಸಂಬಂಧಿ ತೊಂದರೆ ನಿವಾರಣೆಯಾಗುತ್ತದೆ.

3. ಬಿಸಿ ನೀರಿನೊಂದಿಗೆ ಸ್ವಲ್ಪ ಕೆಂಪು ಮೆಣಸಿನ ಪುಡಿ ಬೆರೆಸಿ ಗಂಟಲನ್ನು ಮುಕ್ಕಳಿಸಿದರೆ ಹುಣ್ಣು ಮಾಯುತ್ತದೆ.

4. ಮೆಣಸನ್ನು ಜಿಗಿಯುತ್ತಾ ಅದರ ರಸವನ್ನು ಹೀರಿದರೆ ಗಂಟಲು ಬೇನೆ ಕಡಿಮೆಗೊಂಡು ಹುಣ್ಣು ಬೇಗ ವಾಸಿಯಾಗುತ್ತದೆ.

5. ತುಂಬಾ ಬಿಸಿ ನೀರಿನಲ್ಲಿ ಸ್ನಾನ ಮಾಡಿದರೂ ದೇಹ ಹಗುರಗೊಂಡು ಗಂಟಲೂ ರಿಲ್ಯಾಕ್ಸ್ ಆಗುವಂತೆ ಮಾಡುತ್ತದೆ. ಶೀತದಿಂದ ಗಂಟಲು ಬೇನೆ ತಗುಲಿದ್ದರೆ ಈ ಕ್ರಮ ಅನುಸರಿಸುವುದು ಉಪಯೋಗಕಾರಿ.

6. ಶೀತಗಾಳಿ ಹೋಗದಂತೆ ಮತ್ತು ಶೀತದಿಂದ ಉಂಟಾಗುವ ಗಂಟಲು ಬೇನೆ ತಡೆಗಟ್ಟಲು ಕಿವಿಗೆ ಹತ್ತಿಯನ್ನು ಇಟ್ಟುಕೊಳ್ಳಬೇಕು ಮತ್ತು ಬಿಸಿ ನೀರನ್ನು ಕುಡಿಯಬೇಕು.

ಶೀತಕ್ಕಾಗಲಿ, ಉಷ್ಣಕ್ಕಾಗಲಿ, ಗಂಟಲು ನೋವು ಕಾಣಿಸಿಕೊಳ್ಳುವುದು ಸಹಜ. ಆದ್ದರಿಂದ ಈ ಸಲಹೆಗಳು ಎಲ್ಲಾ ಕಾಲಕ್ಕೂ ಉಪಯೋಗಕ್ಕೆ ಬರುವಂತದ್ದು. ಇದು ತುಂಬಾ ಸರಳ ಎನಿಸಿದರೂ ಪರಿಣಾಮ ಮಾತ್ರ ತುಂಬಾ ಪ್ರಭಾವಕಾರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.