ನಿಮಗೆ ಬಿಪಿ ಹೆಚ್ಚಾಗಿದ್ಯಾ? ವಿಟಮಿನ್ ಟೆಸ್ಟ್ ಮಾಡಿಸಿ

Wellness

oi-Sumalatha N

By Sumalatha N

Published: Wednesday, August 24, 2011, 11:35 [IST]

ನಿಮಗೆ ಬಿಪಿ ಹೆಚ್ಚಾಗಿದೆಯಾ? ಹಾಗಿದ್ದರೆ ನಿಮ್ಮ ದೇಹದಲ್ಲಿ ವಿಟಮಿನ್ ಡಿ ಕಡಿಮೆ ಆಗಿರಬಹುದು. ವಿಟಮಿನ್ ಡಿ ಕೊರತೆ ರಕ್ತದೊತ್ತಡವನ್ನು ಹೆಚ್ಚು ಮಾಡಲು ನೇರ ಕಾರಣ ಎಂದು ಮಿಚಿಗನ್ ಯೂನಿವರ್ಸಿಟಿ ನಡೆಸಿದ ಇತ್ತೀಚಿನ ಸಂಶೋಧನೆಯಿಂದ ತಿಳಿದುಬಂದಿದೆ. ಅದರಲ್ಲೂ ಮಹಿಳೆಯರಲ್ಲಿ ವಿಟಮಿನ್ ಡಿ ಕೊರತೆ ಉಂಟಾದರೆ ಅದು ಬೇಗನೆ ಪರಿಣಾಮ ಬೀರುತ್ತದೆ ಎಂದು ಸಂಶೋಧನೆ ತಿಳಿಸಿದೆ.

24 ರಿಂದ 44 ವಯೋಮಿತಿಯ ಸುಮಾರು 559 ಮಹಿಳೆಯರ ಮೇಲೆ ನಡೆಸಿದ ಪ್ರಯೋಗದಿಂದ ಈ ಅಂಶ ಬೆಳಕಿಗೆ ಬಂದಿದೆ. ವಿಟಮಿನ್ ಡಿ ಕಡಿಮೆಯಿದ್ದರೆ ಖಂಡಿತ ರಕ್ತದೊತ್ತಡ ಮೇರೆ ಮೀರುತ್ತದೆ ಎಂಬುದನ್ನು ಸಂಶೋಧನೆ ಸಾಬೀತು ಪಡಿಸಿದೆ. ವಿಟಮಿನ್ ಕೊರತೆಯಿಂದ ರಕ್ತದೊತ್ತಡದಂತಹ ಗಂಭೀರ ಸಮಸ್ಯೆಯನ್ನು ಎದುರಿಸಬೇಕಾದ ಸಂದರ್ಭ ಬರುತ್ತದೆ ಎಂದೂ ಎಚ್ಚರಿಕೆ ನೀಡಿದೆ.

ವಿಟಮಿನ್ ಕೊರತೆಗೂ ರಕ್ತದೊತ್ತಡಕ್ಕೂ ಹೇಗೆ ಸಂಬಂಧ?

ವಿಟಮಿನ್ ಡಿ ರೆನಿನ್ ಎಂಬ ಅಣುವನ್ನು ನಿಯಂತ್ರಿಸುವ ಶಕ್ತಿ ಹೊಂದಿರುತ್ತದೆ. ಈ ರೆನಿನ್ ಎಂಬ ಅಣು ರಕ್ತನಾಳಗಳನ್ನು ಸಂಕುಚಿತಗೊಳಿಸಿ, ಹೃದಯದ ಸ್ನಾಯುಗಳನ್ನು ಬಲಗೊಳಿಸುವ ಮತ್ತು ರಕ್ತನಾಳಗಳಿಗೆ ರಕ್ಷಣೆ ನೀಡುವ ಆಂಗಿಯೊಟೆನ್ಸಿನೊಜೆನ್- 2 ಎಂಬ ಮತ್ತೊಂದು ಅಣುವನ್ನು ಉಂಟು ಮಾಡುತ್ತದೆ. ಆದರೆ ವಿಟಮಿನ್ ಡಿ ಕಡಿಮೆಯಾದರೆ ಈ ಎಲ್ಲಾ ಅಂಶಗಳೂ ತಲೆಕೆಳಗಾಗಿ ರಕ್ತದೊತ್ತಡವನ್ನು ಏಕಾಏಕಿ ಹೆಚ್ಚು ಮಾಡುತ್ತದೆ.

ವಿಟಮಿನ್ ಡಿ ಎಲ್ಲವನ್ನು ಸಮತೋಲನದಲ್ಲಿ ನಡೆಯುವಂತೆ ನೋಡಿಕೊಂಡು ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ಆದ್ದರಿಂದ ದೇಹಕ್ಕೆ ವಿಟಮಿನ್ ಡಿ ತುಂಬಾ ಅವಶ್ಯಕ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.