ಹಗಲು ನಿದ್ದೆಯ ಸಂಗ ಆರೋಗ್ಯಕ್ಕೆ ಭಂಗ

Wellness

oi-Sumalatha N

By Sumalatha N

Published: Tuesday, August 23, 2011, 16:44 [IST]

ನಿಮಗೆ ಹಗಲು ಹೊತ್ತಿನಲ್ಲಿ ಹೆಚ್ಚು ನಿದ್ದೆ ಬರುತ್ತಾ? ಹಾಗಾದರೆ ಇದು ನಿಮ್ಮ ಜೀವನ ಗುಣ ಮಟ್ಟ ಕುಸಿಯುತ್ತಿರುವುದನ್ನು ರುಜುವಾತು ಪಡಿಸಿದಂತೆ. ನಿದ್ದೆಯನ್ನು ನಿಭಾಯಿಸುವಲ್ಲಿ ಕಷ್ಟ ಪಡುತ್ತಿದ್ದೀರಿ ಎಂದಾದರೆ ನಿಮ್ಮಲ್ಲಿ ಮಾನಸಿಕ ಸ್ಥೈರ್ಯ ಕುಂದುತ್ತಿದೆ ಎಂಬುದರ ಸಂಕೇತ ಎಂದು ಸಂಶೋಧನೆಯೊಂದು ತಿಳಿಸಿಕೊಟ್ಟಿದೆ.

ಆರಿಜೋನ್ ವಿಶ್ವವಿದ್ಯಾಲಯ ನಡೆಸಿದ ಈ ಅಧ್ಯಯನದಿಂದ ನಿದ್ದೆ ನಮ್ಮ ಜೀವನ ಗುಣಮಟ್ಟವನ್ನು ನಿರ್ಧರಿಸುತ್ತದೆ ಎಂಬ ಅಂಶ ತಿಳಿದುಬಂದಿದೆ.ಸುಮಾರು ಐದು ವರ್ಷಗಳ ಅವಧಿ ಹಗಲು ಹೊತ್ತಿನ ನಿದ್ದೆ ನಿಮ್ಮನ್ನು ಹೆಚ್ಚು ಕಾಡುತ್ತಿದೆ ಎಂದಾದರೆ ಅದು ದೈಹಿಕ ಮತ್ತು ಮಾನಸಿಕವಾಗಿ ನೀವು ದುರ್ಬಲಗೊಳ್ಳುತ್ತಿರುವುದರ ಸಂಕೇತ.

ನಿದ್ದೆಗೂ ಮ್ತತು ಜೀವನದ ಗುಣಮಟ್ಟಕ್ಕೂ ಒಂದಕ್ಕೊಂದು ಅವಿನಾಭಾವ ಸಂಬಂಧವಿದೆ. ನಿದ್ದೆಗೆ ಸಂಬಂಧಿಸಿದಂತೆ ನೀವು ತೊಂದರೆಗೆ ಒಳಪಟ್ಟು ಹಗಲು ಹೊತ್ತಿನಲ್ಲಿ ತೂಕಡಿಸಿದರೆ ನಿಮ್ಮ ಜೀವನಮಟ್ಟವೂ ಕಳಪೆಗೊಳ್ಳುತ್ತಾ ಸಾಗುತ್ತದೆ ಎಂದು ಸಂಶೋಧನೆ ತಿಳಿಸಿದೆ.

ನಿದ್ದೆ ಸಮಪ್ರಮಾಣದಲ್ಲಿರದಿದ್ದರೆ ಪುರುಷರಲ್ಲಿ ಹೃದಯ ರಕ್ತನಾಳಕ್ಕೆ ಸಂಬಂಧಿಸಿದ ತೊಂದರೆ ಮತ್ತು ಮಹಿಳೆಯರಲ್ಲಿ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುತ್ತದೆ. ನಿದ್ರಾಹೀನತೆಯಿಂದ ಬರುವ ಸ್ಥೂಲ ಕಾಯತೆ, ಹೃದಯ ರಕ್ತನಾಳ ತೊಂದರೆ ಹಾಗೂ ಉಸಿರಾಟದ ತೊಂದರೆ ಜೀವನದ ಗುಣಮಟ್ಟದಲ್ಲಿ ಒಡಕನ್ನು ಉಂಟುಮಾಡುತ್ತದೆ. ಆದ್ದರಿಂದ ನಿದ್ದೆಗೆ ಸಂಬಂಧಿಸಿದಂತೆ ಸಮಸ್ಯೆಗಳನ್ನು ಬಗೆಹರಿಸಿಕೊಂಡರೆ ನಮ್ಮ ಜೀವನ ಗುಣಮಟ್ಟವೂ ಉತ್ತಮಗೊಳ್ಳುತ್ತದೆ ಎಂದು ಸಂಶೋಧನೆ ವರದಿ ಮಾಡಿದೆ.

ಸುಮಾರು 3,078 ರೋಗಿಗಳ ಮೇಲೆ ನಡೆಸಿದ ಸಂಶೋಧನೆಯಲ್ಲಿ ನಿದ್ದೆ ಹೇಗೆ ಆರೋಗ್ಯದ ಶೈಲಿಯ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ತಿಳಿದುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.