ಹಸಿ ಮಳೆಯಲ್ಲಿ ಬಿಸಿ ಕಾರ್ನ್ ಜೊತೆಗಿರಲಿ

Wellness

oi-Staff

By Super

Updated: Thursday, March 14, 2013, 12:10 [IST]

ಚಳಿಗಾಲಕ್ಕೆ ಜೋಳದ ಸೇವನೆ ಆರೋಗ್ಯಕರ ಸಲಹೆ. ಸಂಜೆ ಸಮಯ ಜೋಳ ತಿನ್ನುತ್ತಿದ್ದರೆ ಬಾಯಿಗೆ ಹಿತ, ಮನಸ್ಸಿಗೆ ಖುಷಿ. ಜೋಳ ಕೇವಲ ಬಾಯಿ ರುಚಿಗೆ ಮಾತ್ರ ತಿನ್ನುವಂತದ್ದಲ್ಲ. ಇದು ಆರೋಗ್ಯಕ್ಕೂ ತುಂಬಾ ಒಳ್ಳೆಯದು.

ಮಳೆಯಲ್ಲಿ ರುಚಿಯೊಂದಿಗೆ ಆರೋಗ್ಯವನ್ನೂ ಪಡೆಯಬಹುದಾದಂತಹ ಜೋಳದ ವಿಶೇಷ ಗುಣಗಳನ್ನು ಇಲ್ಲಿ ತಿಳಿಯೋಣ:

1. ಜೋಳದ ಸೇವನೆಯಿಂದ ರಕ್ತದಲ್ಲಿ ಕೊಬ್ಬಿನಂಶ ಸೇರಿಕೊಳ್ಳುವುದನ್ನು ತಡೆಯಬಹುದು. ಹಾಗೆಯೇ ದೇಹದಲ್ಲಿ ಸೇರಿಕೊಂಡಿರುವ ಕೊಲೆಸ್ಟ್ರಾಲ್ ಸಹ ಕಡಿಮೆ ಮಾಡಬಹುದು.

2. ಡಯಾಬಿಟಿಸ್ ಮತ್ತು ಅಧಿಕವಾದ ಒತ್ತಡವನ್ನು ಜೋಳ ಸೇವನೆಯಿಂದ ಕಡಿಮೆಗೊಳಿಸಬಹುದು. ಜೋಳದಲ್ಲಿರುವ ಫೆನಾಲಿಕ್ ಫೋಟೊ ಕೆಮಿಕಲ್ ಅಂಶ ಹೆಚ್ಚಿನ ಒತ್ತಡವನ್ನು ನಿವಾರಿಸುತ್ತದೆ.

3. ಸಂಶೋಧನಾಕಾರರ ಪ್ರಕಾರ ಜೋಳದ ಎಣ್ಣೆಯಲ್ಲಿರುವ ಕೊಲೆಸ್ಟ್ರಾಲ್ ಕಡಿಮೆ ಮಾಡುವ ಗುಣ ಹೃದಯಕ್ಕೆ ಸಂಬಂಧಿಸಿದ ಕಾಯಿಲೆಗಳನ್ನೂ ತಡೆಯಲು ಸಹಾಯ ಮಾಡುತ್ತದೆ.

4. ಜೋಳದಲ್ಲಿ ಹೆಚ್ಚಿರುವ ನಾರಿನ ಅಂಶ ಕರುಳಿನ ಕ್ಯಾನ್ಸರನ್ನು ದೂರವಿರುಸುವುದಲ್ಲದೆ ಇದು ರಕ್ತದಲ್ಲಿರುವ ಸಕ್ಕರೆ ಅಂಶವನ್ನು ಕಡಿಮೆಗೊಳಿಸುವ ಮೂಲಕ ಮಧುಮೇಹಿಗಳಿಗೆ ಸಹಾಯಕವಾಗಿದೆ.

5. ವಿಟಮಿನ್ ಬಿ ಜೋಳದಲ್ಲಿ ಹೆಚ್ಚಿರುವ ಕಾರಣ ಇದು ನರಮಂಡಲವನ್ನು ಆರೋಗ್ಯಕರವಾಗಿಡುತ್ತದೆ.

6. ಜೋಳವನ್ನು ಕಾಸ್ಮೆಟಿಕ್ ಗಳಲ್ಲೂ ಹೆಚ್ಚು ಬಳಕೆ ಮಾಡುತ್ತಾರೆ. ಇದು ಚರ್ಮದಲ್ಲಿ ತುರಿಕೆ ಮತ್ತು ಕಲೆಗಳನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ.

7. ಕಣ್ಣುಗಳ ತೀಕ್ಷ್ಣತೆ ಹೆಚ್ಚಿಸಿಕೊಳ್ಳಲು ಮತ್ತು ಮೃದುವಾದ ತ್ವಚೆ ಹೊಂದಲು ಅವಶ್ಯವಿರುವ ವಿಟಮಿನ್ ಎ ಹಳದಿ ಜೋಳದಲ್ಲಿ ಹೆಚ್ಚಿರುತ್ತದೆ.

ಈ ಮಳೆಗಾಲಕ್ಕೆ ಹೇಳಿ ಮಾಡಿಸಿದಂತಿರುವ ಜೋಳವನ್ನು ತಿಂದು ರುಚಿಯೊಂದಿಗೆ ಉತ್ತಮ ಆರೋಗ್ಯವನ್ನೂ ಪಡೆದುಕೊಳ್ಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.