ಮುಂಬೈನಲ್ಲಿ ಕಳಪೆ ಗಾಳಿ: ವಾಕಿಂಗ್ ಹೋಗುವ ಮುನ್ನ ಈ ಎಚ್ಚರಿಕೆ ಮರೆಯದಿರಿ, ಇಲ್ಲದಿದ್ದರೆ ಅಪಾಯ!

ಮುಂಬೈನ ವಿವಿಧ ಭಾಗಗಳಲ್ಲಿ ನಿನ್ನೆಯಿಂದಲೇ ವಾಯು ಗುಣಮಟ್ಟ ಸೂಚಿ (AQI) ಏರುಪೇರಾಗುತ್ತಿದ್ದು, ಇಂದು (ಅಕ್ಟೋಬರ್ 13) ಬೆಳಿಗ್ಗೆಯಿಂದ ಗಾಳಿಯ ಗುಣಮಟ್ಟ ತೀರ ಹದಗೆಟ್ಟಿದೆ. ವಿಶೇಷವಾಗಿ ಆಫೀಸ್ ವೇಳೆಯಲ್ಲಿ ವಾಹನ ದಟ್ಟಣೆ ಹಾಗೂ ಕನ್‌ಸ್ಟ್ರಕ್ಷನ್ ಏರಿಯಾಗಳಲ್ಲಿ ಮಾಲಿನ್ಯ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಆದ್ದರಿಂದ ಮನೆಯಿಂದ ಹೊರಡುವ ಮುನ್ನ ನಿಮ್ಮ ಏರಿಯಾದ AQI ಚೆಕ್ ಮಾಡಿಕೊಳ್ಳಿ. ಗಾಳಿಯ ಗುಣಮಟ್ಟ 'ಖರಾಬ್' (Poor) ಅಥವಾ ಅದಕ್ಕಿಂತ ಕೆಟ್ಟದಾಗಿದ್ದರೆ, ಇಂದಿನ ವಾಕಿಂಗ್ ಅಥವಾ ವರ್ಕೌಟ್‌ಗಳನ್ನು ಮನೆಯೊಳಗೇ ಮಾಡುವುದು ಒಳಿತು.

AQI ಪ್ರಮಾಣ 'ತುಂಬಾ ಕಳಪೆ' (Very Poor) ಅಥವಾ ಅದಕ್ಕಿಂತ ಹೆಚ್ಚಿದ್ದರೆ, ಅಥವಾ ಯಾವುದೇ ಕಿರಿಕಿರಿ ಅನಿಸಿದರೆ ಹೊರಾಂಗಣ ರನ್ನಿಂಗ್ ಅಥವಾ ವಾಕಿಂಗ್ ಸಂಪೂರ್ಣವಾಗಿ ತಪ್ಪಿಸಿ. ಮಕ್ಕಳು, ಹಿರಿಯರು ಮತ್ತು ಗರ್ಭಿಣಿಯರಿಗೆ ಇದರಿಂದ ಹೆಚ್ಚಿನ ಅಪಾಯವಿದೆ. ಅಸ್ತಮಾ, ಸಿಒಪಿಡಿ (COPD) ಅಥವಾ ಹೃದಯ ಸಂಬಂಧಿ ಕಾಯಿಲೆ ಇರುವವರೂ ಸಹ ಎಚ್ಚರದಿಂದಿರಬೇಕು. ಸೀಟು ಹೊಡೆಯುವ ಸೌಂಡ್ (ಗೂರಲು), ಎದೆ ಬಿಗಿತ, ಉಸಿರಾಟದ ತೊಂದರೆ, ತಲೆಸುತ್ತು, ತೀವ್ರ ಕೆಮ್ಮು ಅಥವಾ ಕಣ್ಣು ಉರಿಯುವಂತಹ ಲಕ್ಷಣಗಳು ಕಂಡುಬಂದರೆ ತಕ್ಷಣ ಜಾಗರೂಕರಾಗಿ.

ವಾಕಿಂಗ್-ರನ್ನಿಂಗ್ ಮಾಡುವವರಿಗೆ ಸೂಕ್ತ ಮಾಸ್ಕ್ ಯಾವುದು?: N95 ಅಥವಾ ಸರ್ಜಿಕಲ್?

ಮಾಲಿನ್ಯ ಹೆಚ್ಚಿರುವ ಬೆಳಗಿನ ವೇಳೆಯಲ್ಲಿ ರನ್ನಿಂಗ್ ಮಾಡುವಾಗ ಸರಿಯಾಗಿ ಧರಿಸಿದ N95 ಮಾಸ್ಕ್, ಸರ್ಜಿಕಲ್ ಮಾಸ್ಕ್‌ಗಿಂತ ಹೆಚ್ಚು ಪರಿಣಾಮಕಾರಿ. ಮಾಸ್ಕ್ ಧರಿಸಿದಾಗ ಗಾಳಿ ಲೀಕ್ ಆಗುತ್ತಿಲ್ಲವೇ ಎಂಬುದನ್ನು ಹೀಗೆ ಪರೀಕ್ಷಿಸಿ: ಎರಡೂ ಕೈಗಳಿಂದ ಮಾಸ್ಕ್ ಮುಚ್ಚಿ ಉಸಿರು ಒಳಗೆ ಎಳೆದುಕೊಳ್ಳಿ; ಮಾಸ್ಕ್ ಸ್ವಲ್ಪ ಒಳಗಿಳಿಯಬೇಕು, ಪಕ್ಕದಿಂದ ಗಾಳಿ ಹೋಗಬಾರದು. ಮೂಗಿನ ಕ್ಲಿಪ್ ಮತ್ತು ಸ್ಟ್ರ್ಯಾಪ್‌ಗಳನ್ನು ಸರಿಯಾಗಿ ಅಡ್ಜಸ್ಟ್ ಮಾಡಿ. ಮಾಸ್ಕ್ ತೇವವಾದರೆ ತಕ್ಷಣ ಬದಲಾಯಿಸಿ. ಒಣಗಿದ, ಸ್ವಚ್ಛವಾದ ಮಾಸ್ಕ್ ಅನ್ನು ಮಾತ್ರ ಗಾಳಿಯಾಡುವ ಜಾಗದಲ್ಲಿಟ್ಟು ಮತ್ತೆ ಬಳಸಿ.

ಮನೆಯೊಳಗೇ ಮಾಡಬಹುದಾದ 12 ನಿಮಿಷಗಳ ಸಿಂಪಲ್ ವರ್ಕೌಟ್

ಸಣ್ಣ ಕೋಣೆಯಲ್ಲೂ ಮಾಡಬಹುದಾದ ಈ 12 ನಿಮಿಷಗಳ ಸಿಂಪಲ್ ವರ್ಕೌಟ್ ಪ್ರಯತ್ನಿಸಿ. ಮೊದಲ 2 ನಿಮಿಷ ಕೈಗಳನ್ನು ಬೀಸುತ್ತಾ ವೇಗವಾಗಿ ಒಂದೇ ಕಡೆ ಮಾರ್ಚ್ ಮಾಡಿ. ನಂತರ 2 ನಿಮಿಷ ಹಗುರವಾದ ಸ್ಟೆಪ್ ಜ್ಯಾಕ್ಸ್ ಮಾಡಿ. ಮುಂದಿನ 2 ನಿಮಿಷ ಹಿಪ್ ಹಿಂಜ್ ಮತ್ತು ವಾಲ್ ಪುಷ್-ಅಪ್‌ಗಳನ್ನು ಪರ್ಯಾಯವಾಗಿ ಮಾಡಿ. 3 ನಿಮಿಷಗಳ ಕಾಲ ಕ್ಯಾಟ್-ಕೌ, ಬರ್ಡ್-ಡಾಗ್, ಸಪೋರ್ಟೆಡ್ ಲಂಜ್ ಮತ್ತು ಸರಳ ಟ್ವಿಸ್ಟ್‌ಗಳಂತಹ ಯೋಗಾಸನಗಳನ್ನು ಮಾಡಿ. ಕೊನೆಯ 3 ನಿಮಿಷ ಆಂಕಲ್ ಸರ್ಕಲ್, ಶೋಲ್ಡರ್ ರೋಲ್ಸ್ ಹಾಗೂ ಮೂಗಿನ ಮೂಲಕ ದೀರ್ಘವಾಗಿ ಉಸಿರಾಡುವ ಕೂಲ್‌ಡೌನ್ ಅಭ್ಯಾಸ ಮಾಡಿ.

ಜಾಸ್ತಿ ಮಾಲಿನ್ಯ ಇದ್ದಾಗ ಕಿಟಕಿ ತೆಗೆಯಬೇಕೇ? ಎಸಿ ಬಳಸಬೇಕೇ?

ಹೊಗೆ ಅಥವಾ ಧೂಳು ಹೆಚ್ಚಿದ್ದಾಗ ಕಿಟಕಿಗಳನ್ನು ಮುಚ್ಚಿಡಿ. ಎಸಿಯನ್ನು 'ರೀಸರ್ಕ್ಯುಲೇಟ್' (recirculate) ಮೋಡ್‌ನಲ್ಲಿ ಬಳಸಿ; AQI ಸುಧಾರಿಸಿದಾಗ ಮಾತ್ರ ಕಿಟಕಿ ತೆರೆಯಿರಿ. ಸಾಧ್ಯವಾದರೆ ವರ್ಕೌಟ್ ಮಾಡುವ ಸ್ಥಳದಲ್ಲಿ ಹೆಪಾ (HEPA) ಏರ್ ಪ್ಯೂರಿಫೈಯರ್ ಬಳಸಿ. ಯಥೇಚ್ಛವಾಗಿ ನೀರು ಕುಡಿಯಿರಿ; ವ್ಯಾಯಾಮದ ನಂತರ ಲಘುವಾದ ಸಲೈನ್‌ನಿಂದ ಮೂಗು ತೊಳೆಯುವುದು ಒಳ್ಳೆಯದು. ಕಣ್ಣು ಅಥವಾ ಚರ್ಮ ಉರಿಯುತ್ತಿದ್ದರೆ, ಸ್ವಚ್ಛ ನೀರಿನಿಂದ ತೊಳೆದು ಮಾಯಿಶ್ಚರೈಸರ್ ಹಚ್ಚಿ. ಗಂಟಲು ಕಿರಿಕಿರಿ ಅನಿಸಿದರೆ ಉಗುರುಬೆಚ್ಚಗಿನ ನೀರು ಕುಡಿಯಿರಿ, ಬಾಯಿಯಿಂದ ಉಸಿರಾಡುವುದನ್ನು ತಪ್ಪಿಸಿ.

ಪ್ರಯಾಣದ ವೇಳೆ ಮಾಸ್ಕ್ ಧರಿಸಿ: ಕೆಲಸದ ನಂತರ 3 ನಿಮಿಷಗಳ ಬ್ರೀಥಿಂಗ್ ರಿಲ್ಯಾಕ್ಸ್

ಇಂದು (ಅಕ್ಟೋಬರ್ 13) ಬೆಳಿಗ್ಗೆ ಟ್ರೈನ್, ಬಸ್ ಅಥವಾ ಆಟೋಗಳಲ್ಲಿ ಪ್ರಯಾಣಿಸುವಾಗ ಕಡ್ಡಾಯವಾಗಿ ಮಾಸ್ಕ್ ಧರಿಸಿ. ಕೆಲಸ ಮುಗಿದ ನಂತರ 3 ನಿಮಿಷಗಳ ಉಸಿರಾಟದ ಅಭ್ಯಾಸ ಮಾಡಿ: 2 ನಿಮಿಷ 'ಬಾಕ್ಸ್ ಬ್ರೀಥಿಂಗ್' ಮತ್ತು 1 ನಿಮಿಷ 'ಹಮ್ಮಿಂಗ್ ಎಕ್ಸ್‌ಹೇಲ್' (ಗುಂಜನ ಉಸಿರಾಟ). ಇನ್‌ಹೇಲರ್‌ಗಳು, ತುರ್ತು ಔಷಧಗಳು ಮತ್ತು ಅಗತ್ಯ ಫೋನ್ ನಂಬರ್‌ಗಳನ್ನು ಸದಾ ಜೊತೆಯಲ್ಲಿಟ್ಟುಕೊಳ್ಳಿ. ಲಕ್ಷಣಗಳು ತೀವ್ರಗೊಂಡರೆ ಅಥವಾ ವಿಶ್ರಾಂತಿಯ ಸಮಯದಲ್ಲೂ ತೊಂದರೆ ಮುಂದುವರಿದರೆ ತಕ್ಷಣ ವೈದ್ಯಕೀಯ ನೆರವು ಪಡೆಯಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.