ಎಚ್ಚರ.. ರಾತ್ರಿ ನಿದ್ದೆ ಬರ್ತಿಲ್ವಾ? ಈ ಭಯಾನಕ ಸಮಸ್ಯೆಗಳು ಕಟ್ಟಿಟ್ಟ ಬುತ್ತಿ

ನಿಮಗೆ ಸಾಕಷ್ಟು ನಿದ್ದೆ ಸಿಗುತ್ತಿಲ್ಲವೇ? ಈ ಲಕ್ಷಣಗಳನ್ನು ನಿರ್ಲಕ್ಷಿಸಿದರೆ ಅಪಾಯ ಕಟ್ಟಿಟ್ಟ ಬುತ್ತಿ! ಸರಿಯಾದ ನಿದ್ದೆ ಇಲ್ಲದಿದ್ದರೆ ದೇಹ-ಮನಸ್ಸಿಗೆ ಏನಾಗುತ್ತದೆ? ಹೌದು, ನಮ್ಮ ಮಾನಸಿಕ ಮತ್ತು ದೈಹಿಕ ಆರೋಗ್ಯಕ್ಕೆ ಸಾಕಷ್ಟು ನಿದ್ರೆ (sleep) ಅತಿ ಮುಖ್ಯ. ಸರಿಯಾದ ನಿದ್ರೆ ಇಲ್ಲದಿದ್ದಾಗ, ಇಡೀ ದಿನ ಕಿರಿಕಿರಿ ಉಂಟಾಗುತ್ತದೆ. ಇದಲ್ಲದೆ, ನಿದ್ರೆಯ (sleeping) ಕೊರತೆಯಿಂದಾಗಿ ದೇಹದಲ್ಲಿ ಹಲವು ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ತಜ್ಞರ ಪ್ರಕಾರ, ಇವುಗಳನ್ನು ನಿರ್ಲಕ್ಷಿಸುವುದು ಅಪಾಯಕಾರಿ.

ಇಂದಿನ ಜೀವನ ಶೈಲಿಯಲ್ಲಿ ಹೆಚ್ಚಿನವರು ರಾತ್ರಿ ಹೊತ್ತು ಮೊಬೈಲ್, ಟಿವಿ, ಲ್ಯಾಪ್‌ಟಾಪ್ ಬಳಸಿ ತಡವಾಗಿ ಮಲಗುತ್ತಾರೆ. ಬೆಳಗ್ಗೆ ಮತ್ತೆ ಕಚೇರಿ, ಕಾಲೇಜಿಗಾಗಿ ಬೇಗನೆ ಎದ್ದು ಹೋಗಬೇಕಾಗುತ್ತದೆ. ಇದರಿಂದ ಸಂಪೂರ್ಣ ನಿದ್ರೆ ಸಿಗುವುದಿಲ್ಲ. ಆದರೆ, ತಜ್ಞರ ಪ್ರಕಾರ, ರಾತ್ರಿ 7 ರಿಂದ 8 ಗಂಟೆಗಳಷ್ಟು ಸರಿಯಾದ ನಿದ್ರೆ ದೇಹಕ್ಕೆ ಅತ್ಯವಶ್ಯಕ. ಏಕೆಂದರೆ, ಈ ಸಮಯದಲ್ಲಿ ಸ್ನಾಯುಗಳು ಪುನರ್ ನಿರ್ಮಾಣವಾಗುತ್ತವೆ ಮತ್ತು ದೇಹ ಮತ್ತು ಮನಸ್ಸು ವಿಶ್ರಾಂತಿ ಪಡೆಯುತ್ತದೆ. ಕೆಲವರು ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುತ್ತಾರೆ. ಇದು ಅವರ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಏಕೆಂದರೆ ಅವರಿಗೆ ಸಾಕಷ್ಟು ನಿದ್ರೆ ಸಿಗುವುದಿಲ್ಲ.

ನಿದ್ರೆಯ ಕೊರತೆಯ ಲಕ್ಷಣಗಳು

ಆರೋಗ್ಯ ತಜ್ಞರ ಪ್ರಕಾರ, ನಿದ್ರೆಯ ಕೊರತೆಯು (Insufficient Sleep) ಅಥವಾ ನಿದ್ದೆ ಸಂಪೂರ್ಣವಾಗಿ ಇಲ್ಲದಿದ್ದಾಗ ದೇಹದಲ್ಲಿ ಹಲವು ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಅವುಗಳಲ್ಲಿ ಕೆಲವು ಇಲ್ಲಿವೆ.

• ಹತಾಶೆ, ದಿನಪೂರ್ತಿ ದಣಿವು

• ಬೆಳಗ್ಗೆ ಎದ್ದು ಬರಲು ಕಷ್ಟ - ಯಾವುದರ ಮೇಲೂ ಗಮನ ಕೇಂದ್ರೀಕರಿಸಲು ಅಸಾಧ್ಯವಾಗುವುದು

• ಏಕಾಗ್ರತೆ ಕುಸಿತ

• ಮನೋಭಾವ ಬದಲಾವಣೆ, ಕೋಪ ಮತ್ತು ಒತ್ತಡ ಹೆಚ್ಚಳ

• ಕೆಲವರಿಗೆ ತಲೆನೋವು, ಹಸಿವು ಕಡಿಮೆಯಾದ ಅನುಭವ

ಇದರ ಜೊತೆಗೆ, ಮನಸ್ಥಿತಿ ಹದಗೆಡುವುದು, ಹೆಚ್ಚು ಕಿರಿಕಿರಿ ಮತ್ತು ಒತ್ತಡವನ್ನು ಅನುಭವಿಸುವುದು ಕೂಡ ನಿದ್ರೆಯ ಕೊರತೆಯ ಸಾಮಾನ್ಯ ಲಕ್ಷಣಗಳು ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ.

ನಿದ್ರೆಯ ಕೊರತೆಯಿಂದಾಗುವ ಸಮಸ್ಯೆಗಳು

ನಿದ್ರೆಯ ಕೊರತೆಯು ನೆನಪಿನ ಶಕ್ತಿಯನ್ನು ಕುಗ್ಗಿಸುತ್ತದೆ. ನಿಮ್ಮ ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ. ಇದು ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಿ, ರೋಗಗಳ ವಿರುದ್ಧ ಹೋರಾಡುವ ಶಕ್ತಿಯನ್ನು ದುರ್ಬಲಗೊಳಿಸುತ್ತದೆ. ಕೆಲವರಿಗೆ ತಲೆನೋವು ಅಥವಾ ಹಸಿವಿನ ಕೊರತೆಯೂ ಕಾಣಿಸಿಕೊಳ್ಳಬಹುದು. ದೀರ್ಘಕಾಲದ ನಿದ್ರೆಯ ಕೊರತೆಯು ಬೊಜ್ಜು, ಹೃದಯ ಸಂಬಂಧಿ ಕಾಯಿಲೆಗಳು ಮತ್ತು ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ. ದೀರ್ಘಕಾಲ ನಿದ್ರೆ ಕೊರತೆಯಿಂದ ಮೋಟಾಪು, ಹೃದಯದ ಸಮಸ್ಯೆಗಳು, ಮಧುಮೇಹದ ಅಪಾಯ ಹೆಚ್ಚಳ.

ಸರಿಯಾದ ನಿದ್ರೆ ಯಾಕೆ ಬೇಕು?

ನಿತ್ಯ ಸಾಕಷ್ಟು ನಿದ್ರೆ ಮಾಡುವುದರಿಂದ ಮನಸ್ಸು ಶಾಂತವಾಗಿರುತ್ತದೆ. ಶಕ್ತಿ ಸಿಗುತ್ತದೆ ಮತ್ತು ದಿನವಿಡೀ ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ. ಸಾಕಷ್ಟು ನಿದ್ರೆಯು ಕಿರಿಕಿರಿ, ಮನಸ್ಥಿತಿಯ ಏರುಪೇರು ಮತ್ತು ಒತ್ತಡವನ್ನು ತಡೆಯುತ್ತದೆ.

ಇದಲ್ಲದೆ, ಎಲ್ಲಾ ಕಾರ್ಯಗಳ ಮೇಲೆ ಗಮನ ಕೇಂದ್ರೀಕರಿಸಲು ಇದು ನೆರವಾಗುತ್ತದೆ. ಜೊತೆಗೆ ಆರೋಗ್ಯಕರವಾಗಿರಲು ಇದು ಅವಶ್ಯಕ. ನಿದ್ರೆಯ ಕೊರತೆಯ ಈ ಲಕ್ಷಣಗಳನ್ನು ನೀವು ಗಮನಿಸಿದರೆ, ಅವುಗಳನ್ನು ನಿರ್ಲಕ್ಷಿಸದೆ, ನಿಮ್ಮ ನಿದ್ರೆಯ ಅಭ್ಯಾಸಗಳನ್ನು ಸುಧಾರಿಸಲು ಪ್ರಯತ್ನಿಸಿ ಮತ್ತು ಅಗತ್ಯವಿದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.

ನಿದ್ರೆಯನ್ನು ಸುಧಾರಿಸುವುದು ಹೇಗೆ?

• ನಿದ್ರೆಯನ್ನು ಸುಧಾರಿಸಲು, ಪ್ರತಿದಿನ ನಿರ್ದಿಷ್ಟ ಸಮಯದಲ್ಲಿ ನಿದ್ರೆ ಮಾಡಿ ಮತ್ತು ಎದ್ದೇಳಿ.

• ನಿದ್ರೆಗೆ ಮುನ್ನ ಮೊಬೈಲ್, ಲ್ಯಾಪ್‌ಟಾಪ್ ಮತ್ತು ಟಿವಿ ಬಳಕೆಯನ್ನು ತ್ಯಜಿಸಿ.

• ಉತ್ತಮ ನಿದ್ರೆಗಾಗಿ ಆಳವಾದ ಉಸಿರಾಟದ ವ್ಯಾಯಾಮಗಳು, ಧ್ಯಾನ ಮತ್ತು ಸಂಗೀತ ಕೇಳುವಂತಹ ವಿಶ್ರಾಂತಿ ತಂತ್ರಗಳನ್ನು ಅನುಸರಿಸಿ.

• ಕಾಫಿ ಮತ್ತು ಚಹಾದಲ್ಲಿರುವ ಕೆಫೀನ್ ನಿದ್ರೆಗೆ ಅಡ್ಡಿಪಡಿಸುತ್ತದೆ. ಆದ್ದರಿಂದ, ಅವುಗಳನ್ನು ಕುಡಿಯುವುದನ್ನು ತಪ್ಪಿಸಿ.

• ಮಲಗುವ ಸ್ವಲ್ಪ ಸಮಯದ ಮೊದಲು ದೀಪಗಳನ್ನು ಆಫ್ ಮಾಡಿ ಮತ್ತು ನಿದ್ರೆಗೆ ಸೂಕ್ತವಾದ (ಆರಾಮದಾಯಕ ಬಟ್ಟೆಗಳು) ಬಟ್ಟೆಗಳನ್ನು ಧರಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.