ಶಸ್ತ್ರಚಿಕಿತ್ಸೆ ಬಳಿಕ ದಪ್ಪಾಗಾಗುವುದಕ್ಕೆ ಕಾರಣವೇನು?

1. ಶಸ್ತ್ರ ಚಿಕಿತ್ಸೆ ಬಳಿಕ ತೂಕ ಹೆಚ್ಚಾಗುವುದು ಏಕೆ..?

ಶಸ್ತ್ರಚಿಕಿತ್ಸೆಯ ನಂತರದ ಅವಧಿಯಲ್ಲಿ ಸಂಭವಿಸುವ ದ್ರವದ ಧಾರಣದಿಂದಾಗಿ ನಿಮ್ಮ ತೂಕ ಹೆಚ್ಚಾಗುತ್ತದೆ ಎನ್ನುತ್ತಾರೆ ವೈದ್ಯರು. ಅದರಲ್ಲೂ ಗರ್ಭಾವಸ್ಥೆಯ ನಂತರ ತೂಕ ಹೆಚ್ಚಾಗುವುದನ್ನು ಸಾಮಾನ್ಯವಾಗುತ್ತದೆ. ವಿಶೇಷವಾಗಿ ಸಿ-ಸೆಕ್ಷನ್ ಮಾಡಿದ ನಂತರ ತೂಕ ಹೆಚ್ಚಾಗುತ್ತದೆ. ಪ್ರೆಗ್ನೆನ್ಸಿ ರಿಸ್ಕ್ ಅಸೆಸ್ಮೆಂಟ್ ಮಾನಿಟರಿಂಗ್ ಸಿಸ್ಟಮ್ (PRAMS) ಪ್ರಕಾರ ಕಳೆದ ಕೆಲವು ವರ್ಷಗಳಿಂದ ಗರ್ಭಧಾರಣೆಯ ನಂತರದ ತೂಕ ಹೆಚ್ಚಳವು 70% ರಷ್ಟು ತೀವ್ರವಾಗಿ ಏರಿದೆ ಎಂದು ಅಧ್ಯಯನದ ಮೂಲಕ ತಿಳಿಸಿದೆ. ಇನ್ನು ದೊದ್ಡ ದೊಡ್ಡ ಶಸ್ತ್ರ ಚಿಕಿತ್ಸೆ ಬಿಡಿ ಟಾನ್ಸಿಲೆಕ್ಟಮಿಯಂತಹ ಸಣ್ಣ ಪ್ರಕ್ರಿಯೆಯು ಸಹ ನಿಮ್ಮ ತೂಕವನ್ನು ಹೆಚ್ಚಿಸಬಹುದು ಎಂದು ವೈದ್ಯರು ಹೇಳುತ್ತಾರೆ. ಹೀಗಾಗಿ ಶಸ್ತ್ರಚಿಕಿತ್ಸೆ ಬಳಿಕ ನೀವು ತೂಕ ಇಳಿಸಲು ಹಲವಾರು ಕ್ರಮಗಳನ್ನು ಪಾಲಿಸಬಹುದು. ಹಾಗಾದರೆ ಯಾವೆಲ್ಲಾ ಕಾರಣಗಳು ನಿಮ್ಮ ತೂಕವನ್ನು ಶಸ್ತ್ರ ಚಿಕಿತ್ಸೆ ಬಳಿಕ ಹೆಚ್ಚಿಸುತ್ತದೆ.? ಅದನ್ನು ನಿಯಂತ್ರಿಸುವುದು ಹೇಗೆ..? ಇಲ್ಲಿದೆ ಈ ಬಗ್ಗೆ ಸಂಪೂರ್ಣ ಮಾಹಿತಿ.

2. ನೀರಿನ ಧಾರಣ

ನೀರಿನ ಧಾರಣವನ್ನು ವೈದ್ಯಕೀಯವಾಗಿ ಶಸ್ತ್ರಚಿಕಿತ್ಸೆಯ ನಂತರದ ಎಡಿಮಾ ಅಥವಾ ಪೋಸ್ಟ್ ಆಪರೇಟಿವ್ ಎಡಿಮಾ ಎಂದು ಕರೆಯಲಾಗುತ್ತದೆ. ಶಸ್ತ್ರಚಿಕಿತ್ಸೆಯ ನಂತರ ತೂಕ ಹೆಚ್ಚಾಗಲು ಇದು ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಎಡಿಮಾ ಎನ್ನುವುದು ಪ್ಲಾಸ್ಮಾ ಪ್ರೋಟೀನ್‌ಗಳ ಪುನರ್ವಿತರಣೆಯಿಂದ ಉಂಟಾಗುವ ಅಂಗಾಂಶಗಳ ನಡುವಿನ ದ್ರವದ ಶೇಖರಣೆಯಾಗಿದೆ.ಶಸ್ತ್ರಚಿಕಿತ್ಸೆಯ ನಂತರದ ಅಂಗಾಂಶದ ಗಾಯವು ದೇಹದ ವಿಭಾಗಗಳ ನಡುವೆ ದ್ರವಗಳ ಬೃಹತ್ ಬದಲಾವಣೆಗೆ ಕಾರಣವಾಗುತ್ತದೆ, ಇದು ತೆರಪಿನ ಜಾಗದಲ್ಲಿ ದ್ರವದ ಶೇಖರಣೆಗೆ ಕಾರಣವಾಗುತ್ತದೆ. ಇದನ್ನು ಎಡೆಮಾ ಅಥವಾ ನೀರಿನ ಧಾರಣ ಎಂದು ಕರೆಯುತ್ತಾರೆ. ಉದಾಹರಣೆ ಹೇಳಬೇಕಾದರೆ ನಿಮ್ಮ ದೇಹದಲ್ಲಿನ ಅಂಗಗಳ ನಡುವಿನ ಅಂತರವಾಗಿದೆ. ಈ ಅಂತರದಲ್ಲಿ ದ್ರವದ ರೂಪದಲ್ಲಿ ನೀರು ಶೇಖರಣೆಯಾಗಿರುತ್ತದೆ.ಈ ವೇಳೆ ನೀರಿನ ಧಾರಣವು ಇದರ ತುದಿಗಳಲ್ಲಿ ಸ್ಥಳೀಕರಿಸಬಹುದು ಅಥವಾ ಸಾಮಾನ್ಯೀಕರಿಸಬಹುದು, ಇದು ನಿಮಗೆ ಒಟ್ಟಾರೆ ಕೊಬ್ಬಿನಾಂಶವನ್ನು ನೀಡುತ್ತದೆ. ಇದರಿಂದ ಶಸ್ತ್ರ ಚಿಕಿತ್ಸೆ ಬಳಿಕ ಮನುಷ್ಯನ ತೂಕ ಜಾಸ್ತಿಯಾಗುತ್ತದೆ. ದಪ್ಪವಾಗುತ್ತಾ ಹೋಗುತ್ತಾನೆ.

3. ಒತ್ತಡ

ಇಲ್ಲಿ ಒತ್ತಡ ಎಂದರೆ ದೈಹಿಕ ಮತ್ತು ಮಾನಸಿಕ ಒತ್ತಡವಾಗಿದೆ. ಈ ಎರಡು ರೀತಿಯ ಒತ್ತಡವು ಹಾರ್ಮೋನುಗಳ ಅಸಮತೋಲನವನ್ನು ಪ್ರಚೋದಿಸುತ್ತದೆ, ಇದು ತೂಕ ಹೆಚ್ಚಾಗಲು ಕಾರಣವಾಗುತ್ತದೆ. ದೀರ್ಘಾವಧಿಯ ಒತ್ತಡವು ಮೂತ್ರಜನಕಾಂಗದ ಗ್ರಂಥಿಗಳಿಗೆ ಹೊರೆಯಾಗುತ್ತದೆ ಮತ್ತು ಕಾರ್ಟಿಸೋಲ್ ಹಾರ್ಮೋನ್ ಅನ್ನು ಹೆಚ್ಚು ಸ್ರವಿಸುತ್ತದೆ. ಇನ್ನು ಇತ್ತೀಚೆಗೆ ಹೃದಯ ಶಸ್ತ್ರಚಿಕಿತ್ಸೆಗೆ ಒಳಗಾದ ಜನರ ಮೇಲೆ ನಡೆಸಿದ ಅಧ್ಯಯನವು ಶಸ್ತ್ರಚಿಕಿತ್ಸೆಗೆ ಸಂಬಂಧಿಸಿದ ಒತ್ತಡವು, ಕಾರ್ಟಿಸೋಲ್ ಮತ್ತು ಆಂಟಿಡಿಯುರೆಟಿಕ್ ಹಾರ್ಮೋನ್ (ADH) ಸ್ರವಿಸುವಿಕೆಯನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನದಿಂದ ತಿಳಿದುಬಂದಿದೆ. ಇನ್ನು ಹೆಚ್ಚಿದ ಎಡಿಎಚ್ ಮಟ್ಟಗಳು ಮೂತ್ರಪಿಂಡದ ಕಾರ್ಯನಿರ್ವಹಣೆಯನ್ನು ಅಡ್ಡಿಪಡಿಸಬಹುದು ಮತ್ತು ನೀರಿನ ಧಾರಣವನ್ನು ಉಂಟುಮಾಡಬಹುದು ಎಂಬುವುದು ಅಧ್ಯಯನದಿಂದ ತಿಳಿದುಬಂದಿದೆ.

4. ಆಘಾತ ಅಥವಾ ಗಾಯ!

ಶಸ್ತ್ರಚಿಕಿತ್ಸೆಯ ಆಘಾತವು ಸಾಮಾನ್ಯವಾಗಿ ಚಯಾಪಚಯ, ರೋಗನಿರೋಧಕ ಮತ್ತು ಅಂತಃಸ್ರಾವಕ ಬದಲಾವಣೆಗಳಿಗೆ ಕಾರಣವಾಗುತ್ತದೆ. ಆಘಾತವು ತೊಂದರೆಗೀಡಾದ ಅಥವಾ ಗೊಂದಲದ ಘಟನೆಗಳಿಗೆ ದೈಹಿಕ ಪ್ರತಿಕ್ರಿಯೆಯಾಗಿದೆ. ಶಸ್ತ್ರಚಿಕಿತ್ಸೆಯ ನಂತರದ ಆಘಾತವು ಸಾಮಾನ್ಯವಾಗಿ ದೇಹದ ಸಮತೋಲನವನ್ನು ತೊಂದರೆಗೊಳಿಸುತ್ತದೆ ಮತ್ತು ಹಾರ್ಮೋನುಗಳ ಅಸಮತೋಲನವನ್ನು ಉಂಟುಮಾಡುತ್ತದೆ. ಇದು ಹೈಪೋಥಾಲಾಮಿಕ್-ಪಿಟ್ಯುಟರಿ-ಮೂತ್ರಜನಕಾಂಗದ ಅಕ್ಷದ ಅಸಮರ್ಪಕ ಕಾರ್ಯಕ್ಕೆ ಕಾರಣವಾಗುತ್ತದೆ, ಇದು ದೇಹವನ್ನು ಮತ್ತಷ್ಟು ಒತ್ತಡಕ್ಕೆ ದೂಡುತ್ತದೆ.

5. ಔಷಧಿ

ಔಷಧಿ ಕೂಡ ತೂಕ ಹೆಚ್ಚಲು ಕಾರಣವಾಗುತ್ತದೆ. ಹೌದು, ಶಸ್ತ್ರಚಿಕಿತ್ಸೆಯ ನಂತರ ಚೇತರಿಕೆಗಾಗಿ ವೈದ್ಯರು ಸಾಮಾನ್ಯವಾಗಿ ಔಷಧಿಗಳನ್ನು ಶಿಫಾರಸು ಮಾಡುತ್ತಾರೆ. ಈ ಔಷಧಿಗಳಲ್ಲಿ ಹೆಚ್ಚಿನವು ನಿಮ್ಮ ಶಕ್ತಿಯನ್ನು ಮರಳಿ ಪಡೆಯಲು ಮತ್ತು ವೇಗವಾಗಿ ಗುಣಪಡಿಸುವಿಕೆಯನ್ನು ಉತ್ತೇಜಿಸಲು ಪೂರಕವಾಗಿದೆ. ಇನ್ನು ಕೆಲವೊಂದು ಔಷಧಿಗಳು ನಿಮ್ಮ ಚಯಾಪಚಯ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುವ ಮತ್ತು ತೂಕ ಹೆಚ್ಚಾಗಲು ಕಾರಣವಾಗುವ ಗುಣವನ್ನು ಹೊಂದಿರುತ್ತದೆ. ಹೀಗಾಗಿ ಔಷಧಿಗಳು ಕೂಡ ನಿಮ್ಮ ತೂಕವನ್ನು ಹೆಚ್ಚಿಸುತ್ತದೆ.

6. ವಿಶ್ರಾಂತಿ!

ಹೆಚ್ಚಿನ ವಿಶ್ರಾಂತಿ ಕೂಡ ನಿಮ್ಮ ತೂಕವನ್ನು ಹೆಚ್ಚಿಸುತ್ತದೆ. ಶಸ್ತ್ರ ಚಿಕಿತ್ಸೆ ಬಳಿಕ ಸಾಮಾನ್ಯವಾಗಿ ನಿಮ್ಮ ದೇಹಕ್ಕೆ ನೀವು ವಿಶ್ರಾಂತಿಯನ್ನು ಕೊಡುತ್ತೀರಿ. ಯಾವಾಗಲು ಮಲಗುವುದು, ಕೂರುವ ಕೆಲಸವನ್ನು ಮಾಡುತ್ತೀರಿ. ಹೀಗಾದಾಗ ಯಾವುದೇ ಚಟುವಟಿಕೆಯನ್ನು ನಿಮ್ಮ ದೇಹ ಮಾಡಲು ಹೋಗುವುದಿಲ್ಲ. ಈ ವೇಳೆ ಮೆಟಬಾಲಿಸಂನಲ್ಲಿ ಬದಲಾವಣೆ ಆಗಿ ನಿಮ್ಮ ದೇಹ ತೂಕವನ್ನು ಕಂಡುಕೊಳ್ಳುತ್ತದೆ. ಇನ್ನು , ಶಕ್ತಿಯ ವೆಚ್ಚವು ನಿಮ್ಮ BMR ಮತ್ತು ಚಟುವಟಿಕೆಯ ಮಟ್ಟಕ್ಕೆ ನೇರವಾಗಿ ಸಂಬಂಧಿಸಿದೆ. ಶಸ್ತ್ರಚಿಕಿತ್ಸೆಯ ನಂತರ ಕಡಿಮೆ ದೈಹಿಕ ಚಟುವಟಿಕೆಯು BMR ಮತ್ತು ಕ್ಯಾಲೋರಿ ವೆಚ್ಚವನ್ನು ಕಡಿಮೆ ಮಾಡುತ್ತದೆ, ಇದು ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.

7. ಆಹಾರ ಸೇವನೆ!

ಸರ್ಜರಿ ಆದ ಬಳಿಕ ನೀವು ಸಾಮಾನ್ಯವಾಗಿ ರೆಸ್ಟ್ ತೆಗೆದುಕೊಳ್ಳುತ್ತೀರಿ. ಈ ರೀತಿ ರೆಸ್ಟ್ ಸಮಯದಲ್ಲಿ ವಿವಿಧ ಬಗೆಯ ಆಹಾರ ತಿನ್ನಲು ಮನಸ್ಸು ಆಗುತ್ತದೆ. ಬೇಕಾದಾಗ ಆಹಾರ ಸೇವಿಸಿದರೆ, ಯಾವುದೇ ಚಟುವಟಿಕೆ ಇಲ್ಲದಿದ್ದರೆ ನಿಮ್ಮ ದೇಹದ ತೂಕ ಹೆಚ್ಚಾಗುತ್ತದೆ. ಅದರಲ್ಲೂ ಹೈ ಫ್ಯಾಟ್ ಮತ್ತು ಹೈ ಶುಗರ್ ಆಹಾರಗಳನ್ನು ಸೇವಿಸಿದರೆ ಸಾಮಾನ್ಯವಾಗಿ ತೂಕ ಹೆಚ್ಚಾಗುತ್ತದೆ. ಕೆಲವರಿಗೆ ಕಡಿಮೆ ಕೊಬ್ಬು ಉಂಟಾಗಬಹುದು ಆದರೆ ಕೆಲವರಿಗೆ ಹೊಟ್ಟೆ ಭಾಗದಲ್ಲಿ ಕೊಬ್ಬು ಸಾಮಾನ್ಯವಾಗಿ ಜಾಸ್ತಿಯಾಗುತ್ತದೆ.

8. ಸರ್ಜರಿ ಬಳಿಕ ತೂಕ ಹೆಚ್ಚಾಗದೆ ಇರಲು ಏನು ಮಾಡಬೇಕು..?

ಸರ್ಜರಿ ಬಳಿಕ ಹೆಚ್ಚಿನ ತೂಕ ಬರದೆ ಇರಲು, ಕೊಬ್ಬು ಜಾಸ್ತಿ ಆಗದೆ ಇರಲು ಕೆಲವೊಂದು ಕ್ರಮಗಳನ್ನು ನೀವು ಕೈಗೊಳ್ಳಬಹುದು.

ಕಡಿಮೆ ಪ್ರೊಟೀನ್ ಯುಕ್ತ ಆಹಾರ ಸೇವಿಸಿ!

ಚೇತರಿಕೆ ಪ್ರಕ್ರಿಯೆಯಲ್ಲಿ ಪ್ರೋಟೀನ್ ಪ್ರಮುಖ ಪಾತ್ರ ವಹಿಸುತ್ತದೆ. ಇದು ಅಂಗಾಂಶ ಹಾನಿಯನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಉತ್ತಮ ಚಯಾಪಚಯ ದರವನ್ನು ನಿರ್ವಹಿಸುತ್ತದೆ. ಹೀಗಾಗಿ ನಿಮ್ಮ ಆಹಾರದಲ್ಲಿ ಉತ್ತಮ ಪ್ರೋಟಿನ್ ಆಹಾರಗಳನ್ನು ಸೇರಿಸಿ. ಕೊಬ್ಬು ಜಾಸ್ತಿ ಇರುವ ಪ್ರೋಟೀನ್ ಯುಕ್ತ ಆಹಾರಗಳನ್ನು ಸೇವಿಸಬೇಡಿ.ಲೀನ್ ಪ್ರೋಟೀನ್ ಗೆ ಆದ್ಯತೆ ಕೊಡಿ. ತರಕಾರಿಗಳು, ಲೀನ್ ಮೀಟ್, ಮೀನು, ಸೊಪ್ಪುಗಳನ್ನು ಹೆಚ್ಚೆಚ್ಚು ಸೇವಿಸಿ. ಇನ್ನು ಸಲಾಡ್ ಮಾಡುವುದು, ಬಾಯಿಲ್ಡ್ ವೆಜಿಟೇಬಲ್ಸ್ ನಂತಹ ಉತ್ತಮ ಪ್ರೊಟೀನ್ ಸೇವಿಸಿ.

9. ಚೆನ್ನಾಗಿ ನೀರು ಕುಡಿಯಿರಿ!

ಚೆನ್ನಾಗಿ ನೀರು ಕುಡಿದರೆ ಬೊಜ್ಜು ಬರುವುದನ್ನು ತಡೆಯುತ್ತದೆ ಅಂತೆ. ಹೌದು, ಈ ಸಂಬಂಧ ಯುವತಿಯರ ಮೇಲೆ ನಡೆದ ಅಧ್ಯಯನದಿಂದ ತಿಳಿದುಬಂದಿದೆ. ದಪ್ಪಗಿರುವ ಹೆಣ್ಣು ಮಕ್ಕಳಿಗೆ ನಿರಂತರ ನೀರು ನೀಡಿ ಹೈಡ್ರೇಟ್ ಮಾಡಲಾಗಿದ್ದು ಅವರ ತೂಕದಲ್ಲಿ ಏರಿಕೆ ಕಂಡುಬಂದಿಲ್ಲವಂತೆ. ನೀರು ಕುಡಿಯುವದರಿಂದ ಚಯಾಪಚಯ ದರ ಮತ್ತು ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆಯಂತೆ. ಇನ್ನು ಹೆಚ್ಚಿನ ನೀರು ಕೂಡ ಕಿಡ್ನಿ ಇನ್ನಿತರ ಸಮಸ್ಯೆಯನ್ನು ದೂರ ಮಾಡುತ್ತದೆ.

10. ಚಟುವಟಿಕೆ ಮಾಡುವುದು!

ರೆಸ್ಟ್ ಎಂದರೆ ಸುಮ್ಮನೆ ಮಲಗಿಕೊಳ್ಳುವುದು ಎಂಬುವುದು ಅರ್ಥವಲ್ಲ. ದೇಹವನ್ನು ಒಂದಲ್ಲ ಒಂದು ರೀತಿಯಲ್ಲಿ ಚಟುವಟಿಕೆಗೆ ಒಳಪಡಿಸಬೇಕು. ಯಾಕೆಂದರೆ ಸುಮ್ಮನೆ ಮಲಗಿದ್ದರೆ ದೇಹದ ತೂಕ ಹೆಚ್ಚಾಗುತ್ತದೆ. ಆದರೆ ನೀವು ಸಣ್ಣಪುಟ್ಟ ಚಟುವಟಿಕೆ ಮಾಡಿದರೆ ನಿಮ್ಮ ದೇಹದ ತೂಕವನ್ನು ನೀವು ಹೆಚ್ಚು ಮಾಡದೆ ಇರಬಹುದು. ಹೌದು, ಸಣ್ಣದಾಗಿ ನಡಿಕೆ, ಚಿಕ್ಕ ಚಿಕ್ಕ ವ್ಯಾಯಾಮ ಮಾಡುವ ಮೂಲಕ ದೇಹವನ್ನು ಸಕ್ರಿಯಗೊಳಿಸಬಹುದು.