ಜುಲೈ 1 ರಿಂದ ಪ್ಲಾಸ್ಟಿಕ್‌ ನಿಷೇಧ: ಪ್ಲಾಸ್ಟಿಕ್‌ಗೆ ಪರ್ಯಾಯವೇನು?

ನಮ್ಮ ದಿನನಿತ್ಯದ ಜೀವನದಲ್ಲಿ ಒಂದು ಬಾರಿ ಬಳಸುವ ಪ್ಲಾಸ್ಟಿಕ್‌ ವಸ್ತುಗಳೆಂದರೆ:

* ಆಹಾರ ಪೊಟ್ಟಣಗಳು: ಸ್ನ್ಯಾಕ್ಸ್, ಟೀ ಪೌಡರ್, ಕಾಫಿ ಪೌಡರ್, ಚೀಸ್‌, ಮೀಟ್, ಯೋಗರ್ಟ್ ಮುಂತಾದವುಗಳು ಪ್ಲಾಸ್ಟಿಕ್‌ ಪೊಟ್ಟಣದಲ್ಲಿ ಬರುತ್ತದೆ.

* ಹಾಲು ಕವರ್‌ಗಳು

* ಮೆಟಲ್‌ ಕ್ಯಾನ್ ಒಳಗಡೆ ಪ್ಲಾಸ್ಟಿಕ್ ಕೋಟ್ ಇರುತ್ತೆ

* ಸೌಂದರ್ಯವರ್ಧಕಗಳ ಬಾಟಲಿಗಳು: ಕ್ರೀಮ್, ಶ್ಯಾಂಪೂ, ಕಂಡೀಷನರ್ ಮುಂತಾದವುಗಳು

* ಸಿಂಥೆಟಿಕ್‌ ಫ್ಯಾಬ್ರಿಕ್ಸ್: ಪಾಲಿಸ್ಟಾರ್, ನೈಲಾನ್‌, ರೇಯಾನ್‌, ಫ್ಯಾಬ್ರಿಕ್‌ ಇವುಗಳ ತಯಾರಿಯಲ್ಲಿ ಪ್ಲಾಸ್ಟಿಕ್ ಬಳಸಲಾಗುತ್ತದೆ.

* ಬೇಬಿ ವೈಪ್ಸ್, ಡಯಾಪರ್‌

* ಸ್ಯಾನಿಟರಿ ಪ್ಯಾಡ್ಗಳು

* ಟೇಪ್‌, ಗ್ಲಿಟರ್, ಸ್ಟಿಕ್ಕರ್ಸ್

* ಚಾಕೋಲೆಟ್ ಕವರ್‌ಗಳು

* ಸಿಗರೇಟ್‌ ಪ್ಯಾಕ್‌ಗಳು

* ಅಂಟುಗಳು ಇದರಲ್ಲಿ polypropelyne ಮತ್ತಿತರ ಪ್ಲಾಸ್ಟಿಕ್ ಬಳಸಲಾಗುವುದು

* ಕಾಫಿ ಕಪ್ಸ್

ಪ್ಲಾಸ್ಟಿಕ್‌ ಬದಲಿಗೆ ಬಳಸಬಹುದಾದ ವಸ್ತುಗಳು

* ಸ್ಟೈನ್‌ಲೆಸ್‌ ಸ್ಟೀಲ್‌

* ಗ್ಲಾಸ್

* ಪ್ಲಾಟಿನಂ ಸಿಲಿಕೋನ್

* ಬೀವ್ಯಾಕ್ಸ್‌ ಕೋಟೆಡ್ ಕ್ಲೋಥ್‌

* ನೈಸರ್ಗಿಕವಾದ ಫೈಬರ್‌ ಬಟ್ಟೆಗಳು

* ಮರ-ಬಿದಿರಿನ ತಟ್ಟೆ, ಪೈಪ್ಸ್, ಸ್ಟ್ರಾ ಮುಂತಾದವುಗಳು

* ಮಣ್ಣಿನ ಪಾತ್ರೆಗಳು

* ಪೇಪರ್ ಪೊಟ್ಟಣಗಳು

* ಕಾರ್ಡ್‌ಬೋರ್ಡ್

ಪ್ಲಾಸ್ಟಿಕ್‌ಗೆ ಪರ್ಯಾಯವೇನು?

ಬಯೋಪ್ಲಾಸ್ಟಿಕ್‌ ಬಳಕೆ ಒಳ್ಳೆಯದು

ಬಯೋಪ್ಲಾಸ್ಟಿಕ್‌ ಅಂದ್ರೆ ಗೊಬ್ಬರವಾಗಿಸಬಹುದಾದ ಪ್ಲಾಸ್ಟಿಕ್‌ ಅಂದರೆ ಮಣ್ಣಿನಲ್ಲಿ ಸುಲಭವಾಗಿ ಕರಗುವ ಪ್ಲಾಸ್ಟಿಕ್‌. ಇದನ್ನು ನೈಸರ್ಗಿಕ ವಸ್ತುಗಳನ್ನು ಬಳಸಿ ತಯಾರಿಸಲಾಗುವುದು. ಮಣ್ಣಿಗೆ ಹಾನಿಕಾರವಾದ ಪ್ಲಾಸ್ಟಿಕ್ ಬದಲಿಗೆ ಇದು ಅತ್ಯುತ್ತಮವಾದ ಆಯ್ಕೆಯಾಗಿದೆ.

ಪ್ಲಾಸ್ಟಿಕ್‌ ಏಕೆ ಬಳಸಬಾರದು?

* ಪ್ಲಾಸ್ಟಿಕ್ ಭೂಮಿಯನ್ನು ಸೇರಿದರೆ ಎಷ್ಟು ವರ್ಷಗಳಾದರೂ ಹಾಗೇ ಇರುತ್ತದೆ.

* ಬಯೋಡಿಗ್ರೇಡಬಲ್ ಪ್ಲಾಸ್ಟಿಕ್‌ ಬಳಸುವಾಗಲೂ ಅದರ ವಿಲೇವಾರಿಗೆ ಸೂಕ್ತ ವ್ಯವಸ್ಥೆ ಆಗಬೇಕು. ಏಕೆಂದರೆ ಇದು ಮನೆಯಲ್ಲಿ ತರಕಾರಿ ಮತ್ತಿತರ ವಸ್ತುಗಳನ್ನು ಎಸೆದಾಗ ಉಂಟಾಗುವ ಗೊಬ್ಬರದಂತೆ ಕರಗುವುದಿಲ್ಲ.

ಆಹಾರ ವಸ್ತುಗಳ ಪ್ಯಾಕೇಜ್‌ಗೆ ಪರ್ಯಾಯವೇನು?

* ಅಣಬೆ: ಅಣಬೆ ಬೆಳೆಯುವಾಗ ತರಕಾರಿಗಳ ವೇಸ್ಟ್ ಹಾಗೂ mycelium (ಅಣಬೆಯ ಬೇರು) ಒಂದು ಪದರವಾಗಿರುತ್ತದೆ, ಇದನ್ನು ಒಣಗಿಸಿದರೆ ಅಣಬೆ ಪ್ಯಾಕ್‌ ಮಾಡಲು ಬಳಸಬಹುದು.

ಬೀಜಗಳು: ಮಣ್ಣಿನಲ್ಲಿ ಕರಗುವ ಕವರ್‌ಗಳನ್ನು ಬಳಸಿ

ಬಾಳೆ ಎಲೆಗಳು: ಇನ್ನು ಅಂಗಡಿಯಲ್ಲಿ ಆಹಾರ ಕಟ್ಟಿ ಕೊಡಲು ಪ್ಲಾಸ್ಟಿಕ್‌ ಬದಲಿಗೆ ಬಾಳೆ ಎಲೆ ಬಳಸುವುದು ಬೆಸ್ಟ್. ಸ್ವಾದ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು. ಪ್ಲಾಸ್ಟಿಕ್‌ನಲ್ಲಿ ಹಾಕಿದ ಆಹಾರ ಆರೋಗ್ಯಕರವಲ್ಲ.

ನಿಧಾನಕ್ಕೆ ಪ್ಲಾಸ್ಟಿಕ್ ಬಳಕೆ ಕಡಿಮೆ ಮಾಡುತ್ತಾ ಬನ್ನಿ:

ನಾವು ಈಗ ಪ್ಲಾಸ್ಟಿಕ್ ಬಳಕೆ ಮಾಡದಿದ್ದರೆ ಅದು ಭವಿಷ್ಯದಲ್ಲಿ ನಮ್ಮ ಭೂಮಿಗೆ, ನಮ್ಮ ಮಕ್ಕಳಿಗೆ ನೀಡುವ ಕೊಡುಗೆಯಾಗಿದೆ.

* ಪ್ಲಾಸ್ಟಿಕ್‌ ಬ್ಯಾಗ್‌ಗಳ ಬಳಕೆ ಬದಲಿಗೆ ಕಾಟನ್‌ ಬ್ಯಾಗ್‌ಗಳನ್ನು ಬಳಸಿ

* ಪ್ಯಾಕೇಜ್ ಅಡಿಕೆಯ ಹಾಳೆ, ಬಾಳೆ ಎಲೆ ಮುಂತಾದವುಗಳನ್ನು ಬಳಸಿ.

* ಗಾಜಿನ ಹಾಗೂ ಸ್ಟೀಲ್‌, ಮಣ್ಣಿನ ಪಾತ್ರೆಗಳನ್ನು ಬಳಸಿ

* ಪ್ಲಾಸ್ಟಿಕ್ ಸ್ಪೂನ್ ಬದಲಿಗೆ ಮರು ಬಳಕೆ ಮಾಡುವ ಸ್ಪೂನ್‌ಗಳನ್ನು ಬಳಸಿ.

ಹೀಗೆ ಒಂದೊದೇ ಪ್ಲಾಸ್ಟಿಕ್‌ ವಸ್ತುಗಳನ್ನು ತ್ಯಜಿಸುತ್ತಾ ಬಂದರೆ ಪ್ಲಾಸ್ಟಿಕ್‌ ಮುಕ್ತ ಬದುಕು ನಡೆಸಬಹುದು.