ರಂಜಾನ್‌ ಉಪವಾಸ ಮಾಡುವಾಗ ಮಲಬದ್ಧತೆ, ಗ್ಯಾಸ್ಟ್ರಿಕ್ ಸಮಸ್ಯೆ, ಬಾಯಾರಿಕೆ ಉಂಟಾಗದಿರಲು ಹೀಗೆ ಮಾಡಿ

1. ಬೆಳಗ್ಗೆ ಮಿಲ್ಕ್‌ ಶೇಕ್‌ ತೆಗೆದುಕೊಳ್ಳಿ

ಸೂರ್ಯೋದಯಕ್ಕೆ ಮುನ್ನ ಆಹಾರ ಸೇವಿಸುವಾಗ ಹಣ್ಣುಗಳಿದ ತಯಾರಿಸಿದ ಮಿಲ್ಕ್‌ ಶೇಕ್ ಕುಡಿಯಿರಿ. ಇದರಿಂದ ದಿನವಿಡೀ ದೇಹದಲ್ಲಿ ನೀರಿನಂಶ ಕಾಪಾಡಬಹುದು ಜೊತೆಗೆ ಬಾಯಾರಿಕೆ ಕೂಡ ಉಂಟಾಗುವುದಿಲ್ಲ, ಹೊಟ್ಟೆಯೂ ತುಂಬಿರುತ್ತದೆ. ಜೊತೆಗೆ ಹೊಟ್ಟೆ ಹುಬ್ಬುವುದು ಹಾಗೂ ಮಲಬದ್ಧತೆ ಸಮಸ್ಯೆ ಉಂಟಾಗುವುದಿಲ್ಲ.

2. ಮೊಸರು ಹಾಗೂ ಖರ್ಜೂರ ಜೊತೆಗೆ ಉಪವಾಸ ಮುರಿಯಿರಿ

ಇದು ಉಪವಾಸ ಮುರಿಯವ ಸಂಪ್ರದಾಯವೂ ಹೌದು. ಇವೆರಡರ ಕಾಂಬಿನೇಷನ್‌ ದೇಹವನ್ನು ತಂಪಾಗಿ ಇಡುವುದು ಜೊತೆಗೆ ರಾತ್ರಿ ತುಂಬಾ ತಿನ್ನುವುದನ್ನೂ ತೆಗಟ್ಟಬಹುದು. ಮೊದಲಿಗೆ ಖರ್ಜೂರ ತಿಂದು ನಂತರ ಬೇಕಾದರೆ ಮೊಸರು ಸೇವಿಸಬಹುದು. ಇಲ್ಲಾ ಎರಡನ್ನೂ ಒಟ್ಟಿಗೆ ಸೇವಿಸಬಹುದು.

3. ಉಪವಾಸ ಪ್ರಾರಂಭಿಸಿ ಎರಡು ವಾರದ ಬಳಿಕ ಸುಸ್ತು ಹೆಚ್ಚಿದರೆ

ಉಪವಾಸ ಪ್ರಾರಂಭಿಸಿದಾಗ ಅಷ್ಟೇನು ಸುಸ್ತೇನು ಅನಿಸುವುದಿಲ್ಲ, ಆದರೆ ಒಂದೆರಡು ವಾರಗಳು ಕಳೆಯುತ್ತಿದ್ದಂತೆ ಕೆಲವರಿಗೆ ನಿಶ್ಯಕ್ತಿ ಅನಿಸುವುದು ಅಥವಾ ಮಲಬದ್ಧತೆ ಸಮಸ್ಯೆ ಉಂಟಾಗುವುದು, ಗ್ಯಾಸ್ಟ್ರಿಕ್ ಸಮಸ್ಯೆ ಕಂಡು ಬರುವುದು. ಈ ರೀತಿ ಅನಿಸುತ್ತಿದ್ದರೆ ರಾತ್ರಿ ಆಹಾರ ಸೇವಿಸಿದ ಬಳಿಕ ಆಲೀವ್ ಲಡ್ಡು ಅಥವಾ ಬೆಲ್ಲಮತ್ತು ತುಪ್ಪ ಅಥವಾ ಬಾಳೆಹಣ್ಣು ಸೇವಿಸಿ.