ಈ ಮನೆಮದ್ದುಗಳಿಂದ ನರಹುಲಿ(ಕೆಡು) ಸಮಸ್ಯೆಗೆ ಹೇಳಿ ಬೈಬೈ!

ಗಮ್ ಟೇಪ್ ಬಳಕೆ:

ಈ ವಿಧಾನವು ಸರಳವಾಗಿದ್ದು, ಸಾಮಾನ್ಯವಾಗಿ ಹೆಚ್ಚಿನವರು ಅನುಸರಿಸುವ ವಿಧಾನವಾಗಿದೆ. ನರಹುಲಿಗಳ ಮೇಲೆ ಸಣ್ಣ ಡಕ್ಟ್ ಟೇಪ್ ಬಿಗಿಯಾಗಿ ಹಚ್ಚಿ, ಸುಮಾರು ಆರು ದಿನಗಳವರೆಗೆ ಬಿಡಿ. ಆರನೇ ದಿನದಂದು ಟೇಪ್‌ ತೆಗೆದು, ಸುಮಾರು 20 ನಿಮಿಷಗಳ ಕಾಲ ನೀರಿನಲ್ಲಿ ಆ ಕೆಡು ಅಥವಾ ನರಹುಲಿಯನ್ನು ನೆನೆಯುವಂತರ ಮಾಡಿ. ತದನಂತರ, ಮೃದುವಾದ ಪ್ಯೂಮಿಸ್ ಸ್ಟೋನ್ ಅಥವಾ ಹೊಸ ನೇಲ್ ಶೇಪರ್‌ ನ ಮೇಲೆ ನಿಧಾನವಾಗಿ ಉಜ್ಜಿ. ಅದರೆ ನೆನಪಿಡಿ, ಈ ನೇಲ್ ಶೇಪರ್ ಅಥವಾ ಸ್ಟೋನನ್ನು ಮರುಬಳಕೆ ಮಾಡಬೇಡಿ.

ಟೀ ಟ್ರೀ ಆಯಿಲ್:

ಟೀ ಟ್ರೀ ಆಯಿಲ್ ಬಹುಪಯೋಗವನ್ನು ಹೊಂದಿದ್ದು, ಅದೇ ರೀತಿ ನರಹುಲಿ ಸಮಸ್ಯೆ ನಿವಾರಣೆಗೂ ಸಹಕಾರಿ. ನೀವು ಟೀ ಟ್ರೀ ಆಯಿಲ್‌ನ್ನು ಮೂರು ಹನಿ ಹರಳೆಣ್ಣೆ ಜೊತೆ ಸೇರಿಸಿ, ಮಿಕ್ಸ್ ಮಾಡಿ, ಅದನ್ನು ಹತ್ತಿ ಉಂಡೆ ಬಳಸಿ, ನಿಮ್ಮ ನರಹುಲಿಗಳ ಮೇಲೆ ಹಚ್ಚಿ. ದಿನಕ್ಕೆ ಎರಡು ಮೂರು ಬಾರಿ ಪುನರಾವರ್ತಿಸಿ. ನಿಧಾನವಾಗಿ ನಿಮ್ಮ ನರಹುಲಿ ಸಮಸ್ಯೆ ಮಾಯವಾಗುವುದು.

ನೇಲ್ ಪಾಲಿಷ್:

ಆಶ್ಚರ್ಯವಾಗ್ತಿದ್ಯಾ? ಹೌದು, ನೇಲ್ ಪಾಲಿಶ್ ಸಹ ನರಹುಲಿ ಸಮಸ್ಯೆ ನಿವಾರಿಸಬಹುದು. ನಿಮಗೆ ನರಹುಲಿ ಆಗಿರುವ ಜಾಗದ ಮೇಲೆ ಎರಡರಿಂದ ಮೂರು ಪದರಗಳ ನೇಲ್ ಪಾಲಿಶ್ ಹಚ್ಚಿ. ಇದನ್ನು ದಿನಕ್ಕೆ 2 ರಿಂದ 3 ಬಾರಿ ಮಾಡಿ. ಇದು ನರಹುಲಿಗಳಿಗೆ ಆಮ್ಲಜನಕದ ಪೂರೈಕೆಯನ್ನು ಕಡಿತಗೊಳಿಸಲು ಸಹಾಯ ಮಾಡುತ್ತದೆ. ಈ ಮೂಲಕ ಅದು ತಾನಾಗಿಯೇ ಉದುರುತ್ತದೆ.

ಆಸ್ಪಿರಿನ್:

ಆಸ್ಪಿರಿನ್ ಸ್ಯಾಲಿಸಿಲಿಕ್ ಆಮ್ಲವನ್ನು ಹೊಂದಿದ್ದು, ಇವು ನರಹುಲಿಗಳಿಗೆ ಬಳಕೆ ಮಾಡುವ ಸಾಮಾನ್ಯ ಚಿಕಿತ್ಸೆಯಾಗಿದೆ. ಆದ್ದರಿಂದ ಪುಡಿಮಾಡಿದ ಆಸ್ಪಿರಿನ್ ಟ್ಯಾಬ್ಲೆಟ್ ಅನ್ನು ನೀರಿನೊಂದಿಗೆ ಬೆರೆಸಿ, ಅದನ್ನು ನರಹುಲಿಗಳ ಮೇಲೆ ಹಚ್ಚಿ ರಾತ್ರಿಯಿಡೀ ಬಿಡಿ. ಹೀಗೆ ಆಗಾಗ ಮಾಡುವುದರಿಂದ ನಿಮ್ಮ ನರಹುಲಿ ಸಮಸ್ಯೆ ನಿವಾರಣೆಯಾಗುವುದು.

ವಿಟಮಿನ್ ಇ ಮಾತ್ರೆ:

ವಿಟಮಿನ್ ಇ ಮಾತ್ರೆ ಸಹ ನರಹುಲಿ ಸಮಸ್ಯೆಗೆ ಉತ್ತಮ ಪರಿಹಾರವಾಗಿದೆ. ವಿಟಮಿನ್ ಇ ಕ್ಯಾಪ್ಸುಲ್ ಚುಚ್ಚಿ, ಅದರಲ್ಲಿರುವ ಎಣ್ಣೆಯನ್ನು ನರಹುಲಿಗಳಿಗೆ ಹಚ್ಚಿ, ಬ್ಯಾಂಡೇಜ್ನೊಂದಿಗೆ ಕವರ್ ಮಾಡಿ ಮತ್ತು ರಾತ್ರಿಯಿಡೀ ಬಿಡಿ. ನೀವು ಇದನ್ನು ಎರಡು ವಾರಗಳವರೆಗೆ ಮಾಡಬೇಕಾಗುತ್ತದೆ. ಹೀಗೆ ಮಾಡುವುದರಿಂದ ನಿಧಾನವಾಗಿ ನಿಮ್ಮ ನರಹುಲಿ ಸಮಸ್ಯೆ ಮಾಯವಾಗುವುದು.

ವಿಟಮಿನ್ ಸಿ ಟ್ಯಾಬ್ಲೆಟ್:

ಹೌದು, ವಿಟಮಿನ್ ಸಿ ನಿಮ್ಮ ರೋಗ ನಿರೋಧಕ ಶಕ್ತಿ ಮಾತ್ರ ಹೆಚ್ಚಿಸುವುದಲ್ಲದೇ ನಿಮ್ ನರಹುಲಿಯ ಸಮಸ್ಯೆಗೆ ಉತ್ತಮ ಮನೆಮದ್ದಾಗಿ ಕಾರ್ಯನಿರ್ವಹಿಸುತ್ತದೆ. ಇದಕ್ಕೆ ನೀವು ಆಸ್ಪಿರಿನ್‌ನಂತೆ, ಆ ಮಾತ್ರೆಗಳನ್ನು ಪುಡಿ ಮಾಡಿ, ನೀರಿನೊಂದಿಗೆ ಬೆರೆಸಿ, ನರಹುಲಿ ಆಗಿರುವ ಜಾಗಕ್ಕೆ ಹಚ್ಚಿ, ರಾತ್ರಿಯಿಡಿ ಬಿಡಿ. ಇದನ್ನು ಸುಮಾರು ಎರಡು ವಾರಗಳವರೆಗೆ ಮುಂದುವರಿಸಬೇಕಾಗುತ್ತದೆ.

ಅಲೋವೆರಾ:

ಅಲೋವೆರಾ ಉಪಯೋಗಗಳಿಗೆ ಲೆಕ್ಕವೇ ಇಲ್ಲ. ಅವುಗಳಲ್ಲಿ ಒಂದು ಈ ನರಹುಲಿಗೂ ಸೇರಿಕೊಂಡಿದೆ. ಇದಕ್ಕಾಗಿ ನೀವು ತಾಜಾ ಅಲೋವೆರಾ ಎಲೆಯನ್ನು ಬಳಸಬೇಕಾಗುತ್ತದೆ. ಅದರ ಜೆಲ್ ತೆಗೆದು, ನೇರವಾಗಿ ನರಹುಲಿಗಳಿಗೆ ಅನ್ವಯಿಸಿ. ನರಹುಲಿಗಳು ನಿವಾರಣೆಯಾಗುವ ತನಕ ಇದನ್ನು ಪ್ರತಿದಿನ ಪುನರಾವರ್ತಿಸಬೇಕಾಗುತ್ತದೆ.

ಹರಳೆಣ್ಣೆ:

ಹರಳೆಣ್ಣೆಯನ್ನು ಪ್ರತಿದಿನ ಸುಮಾರು ಮೂರು ವಾರಗಳವರೆಗೆ ಅಥವಾ ನರಹುಲಿ ಬೀಳುವವರೆಗೆ ನರಹುಲಿಗಳ ಮೇಲೆ ಹಚ್ಚುತ್ತಾ ಇರಿ. ಇದು ಸಹ ಮ್ಯಾಜಿಕ್ ರೀತಿ ಕಾರ್ಯನಿರ್ವಹಿಸುತ್ತದೆ.