ಹಂದಿ ಹೃದಯ ಕಸಿ ಮಾಡಿಸಿ 2 ತಿಂಗಳು ಬದುಕಿದ್ದ ವ್ಯಕ್ತಿ ಇನ್ನಿಲ್ಲ

ವೈದ್ಯರ ಪ್ರಯತ್ನಕ್ಕೆ ಡೇವಿಡ್‌ಅವರ ಮಗನ ಶ್ಲಾಘಿನೆ

ಡೇವಿಡ್ ಬೆನೆಟ್ ಅವರ ಮಗ ತಂದೆಯ ಜೀವ ಉಳಿಸಲು ವೈದ್ಯರು ಮಾಡಿದ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು ಅವರ ಮಗ ಕೊನೆಯ ಕ್ಷಣದವರೆಗೂ ತನ್ನ ತಂದೆಯನ್ನು ಉಳಿಸಲು ಮಾಡುತ್ತಿದ್ದ ವೈದ್ಯರ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ. ವೈದ್ಯರ ಈ ಪ್ರಯೋಗದಿಂದ ಭವಿಷ್ಯದಲ್ಲಿ ಜೀವ ಉಳಿಸಲು ಹೊಸ ಮಾರ್ಗವೊಂದು ಸಿಕ್ಕಾಂತಾಗಿದೆ. ಮನುಷ್ಯರಿಗೆ ಹಂದಿ ಹೃದಯ ಮಾಡಿ ಜೀವ ಉಳಿಸುವುದರ ಬಗ್ಗೆ ಇನ್ನೂ ಹೆಚ್ಚಿನ ಪ್ರಯತ್ನಗಳು ನಡೆಯಲಿವೆ ಎಂದು ವೈದ್ಯ ಜಗತ್ತು ಆತ್ಮವಿಶ್ವಾಸ ವ್ಯಕ್ತ ಪಡಿಸಿದೆ. ಇದರಿಮದ ಜಗತ್ತಿನಲ್ಲಿ ಅಗ್ಯತವಿರುವವರಿಗೆ ಅಂಗಾಂಗಗಳ ಕೊರತೆ ಉಂಟಾಗುವುದನ್ನು ನೀಗಿಸಬಹುದು ಎಂದಿದ್ದಾರೆ.

ಹಂದಿಯ ಹೃದಯವನ್ನು ಪಡೆದ ವಿಶ್ವದ ಮೊದಲ ರೋಗಿ

ಕಳೆದ ಹಲವು ದಶಕಗಳಿಂದ, ರೋಗಿಗಳ ಜೀವ ಉಳಿಸಲು ಪ್ರಾಣಿಗಳ ಅಂಗಾಂಗಗಳನ್ನು ಬಳಸುವ ಬಗ್ಗೆ ಚಿಂತನೆ ಮಾಡಲಾಗಿತ್ತು. ಡೇವಿಡ್ ಬೆನೆಟ್ ಅವರು ಮೇರಿಲ್ಯಾಂಡ್‌ನ ನಿವಾಸಿಯಾಗಿದ್ದು ಹೃದಯ ಸಮಸ್ಯೆಯಿಂದ ಬಳಲುತ್ತಿದ್ದರು, ಅವರನ್ನು ಆಸ್ಪತ್ರೆಗೆ ಕರೆ ತಂದಾಗ ಹಾಸಿಗೆ ಹಿಡಿದಿದ್ದರು. ಅವರನ್ನು ಎಮರ್ಜೆನ್ಸಿ ಲೈಫ್‌ ಸಪೋರ್ಟ್ ಮೆಷಿನ್‌ನಲ್ಲಿ ಇಡಲಾಗಿತ್ತು.

ಯಶಸ್ವಿಯಾಗಿದ್ದ ಚಿಕಿತ್ಸೆ

ಡೇವಿಡ್ ಬೆನೆಟ್ ಅವರಿಗೆ ಜನವರಿ 7 ರಂದು ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಹಂದಿಯ ಹೃದಯ ಎಷ್ಟು ಚೆನ್ನಾಗಿ ಕೆಲಸ ಮಾಡುತ್ತದೆ ಎಂಬುದಕ್ಕೆ ಯಾವುದೇ ಗ್ಯಾರಂಟಿ ಇಲ್ಲ ಎಂಬುವುದು ಸ್ವತಃ ಬೆನೆಟ್ ಅವರಿಗೂ ಗೊತ್ತಿತ್ತು. ಏಕೆಂದರೆ ಹಂದಿಯ ಹೃದಯ ಮನುಷ್ಯನ ದೇಹದಲ್ಲಿ ಕೆಲಸ ಮಾಡಿದ್ದು ತುಂಬಾ ಕಡಿಮೆ. ಈ ಹಿಂದಿನ ಪ್ರಯತ್ನಗಳು ವಿಫಲವಾಗಿದ್ದೆವು. ಆದರೆ ಬೆನೆಟ್ ಅವರು 2 ತಿಂಗಳು ಬದುಕುವ ಮೂಲಕ ವೈದ್ಯ ಲೋಕಕ್ಕೆ ರೋಗಿಗಳ ಪ್ರಾಣ ಉಳಿಸಲು ಹೊಸ ಭರವಸೆ ಮೂಡಿಸಿದೆ.

ಹಂದಿಯ ಹೃದಯದೊಂದಿಗೆ ಹೆಚ್ಚು ಕಾಲ ಬದುಕಿದ ಏಕೈಕ ವ್ಯಕ್ತಿ

ಡೇವಿಡ್ ಬೆನೆಟ್ ಅವರು ಹಂದಿಯ ಹೃದಯದೊಂದಿಗೆ ಹೆಚ್ಚು ಕಾಲ ಬದುಕಿದ ವಿಶ್ವದ ಮೊದಲ ರೋಗಿ ಎನಿಸಿಕೊಂಡಿದ್ದಾರೆ. ಇವರು 2 ತಿಂಗಳಿಗೂ ಅಧಿಕ ಕಾಲ ಬದುಕಿದ್ದರು. ಈ ಹಿಂದೆ ಕ್ಯಾಲಿಫೋರ್ನಿಯಾದ ಹುಡುಗಿಯೊಬ್ಬಳು ಹೃದಯ ಕಸಿ ಮಾಡಿದಾಗ ಆಕೆ 21 ದಿನಗಳವರೆಗೆ ಬದುಕಿದ್ದಳು.

ಜಗತ್ತಿನಲ್ಲಿ ಪ್ರತಿ ವರ್ಷ ಲಕ್ಷಾಂತರ ಜನರಿಗೆ ಅಂಗಾಂಗ ಕಸಿ ಅಗತ್ಯವಿದೆ

ಪ್ರಪಂಚದಲ್ಲಿ ಪ್ರತಿ ವರ್ಷ ಲಕ್ಷಾಂತರ ಜನರಿಗೆ ಅಂಗಾಂಗ ಕಸಿ ಅಗ್ಯವಿರುತ್ತದೆ. ಅವರಲ್ಲಿ ಕೆಲವರಿಗೆ ಮಾತ್ರ ಮಾನವ ಹರದಯ ಸಿಗುತ್ತೆ, ಹೆಚ್ಚಿನವರು ಹೃದಯ ಸಿಗದೆ ಸಾವನ್ನಪ್ಪುತ್ತಿದ್ದಾರೆ. ಇದೀಗ ಹಂದಿ ಹೃದಯ ಬಳಸಿರುವುದರಿಂದ ಈ ಪ್ರಯೋಗ ಮುಂದುವರೆಸಿ ಜನರನ್ನು ಬದುಕಿಸಬಹುದು ಎಂಬ ಭರವಸೆ ವೈದ್ಯಲೋಕಕ್ಕೆ ಮೂಡಿದೆ.