ಹೃದಯದ ಆರೋಗ್ಯಕ್ಕೆ ಬೇಕು ಈ ರೀತಿಯ ವ್ಯಾಯಮಗಳು

Heart

oi-Staff

By Hemanth

Published: Tuesday, August 30, 2016, 20:13 [IST]

ವ್ಯಾಯಾಮ ಮಾಡುವುದು ದೇಹಕ್ಕೆ ಹಾಗೂ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ದೇಹವನ್ನು ಫಿಟ್ ಆಗಿಟ್ಟುಕೊಂಡು ಯಾವುದೇ ಅನಾರೋಗ್ಯ ಬರದಂತೆ ತಡೆಯಲು ವ್ಯಾಯಾಮ ತುಂಬಾ ಮುಖ್ಯ. ವ್ಯಾಯಾಮ ಮಾಡುವುದರಿಂದ ನಮ್ಮ ಹೃದಯದ ಆರೋಗ್ಯವನ್ನು ಕೂಡ ಕಾಪಾಡಿಕೊಳ್ಳಬಹುದು.

ಆರೋಗ್ಯಕರ ಹಾಗೂ ಬಲಿಷ್ಠ ಹೃದಯ ಬೇಕೆಂದರೆ ವ್ಯಾಯಾಮ ಅತೀ ಅಗತ್ಯ. ವ್ಯಾಯಾಮ ಮಾಡುತ್ತಿರುವವರಿಗಿಂತ ವ್ಯಾಯಾಮ ಮಾಡದೆ ಇರುವವರಿಗೆ ಹೃದಯದ ಕಾಯಿಲೆಗಳು ಕಾಡುವುದು ಹೆಚ್ಚು ಎಂದು ಅಧ್ಯಯನಗಳು ಹೇಳಿವೆ. ದಿನವಿಡೀ ಕುಳಿತುಕೊಂಡೇ ಇದ್ದರೆ ಹೃದಯಕ್ಕೆ ಅಪಾಯ!

ನಿಯಮಿತವಾಗಿ ವ್ಯಾಯಾಮ ಮಾಡುತ್ತಾ ಇದ್ದರೆ ರಕ್ತದೊತ್ತಡ ಕಡಿಮೆಯಾಗಿ ಕೆಟ್ಟ ಕೊಲೆಸ್ಟ್ರಾಲ್ ತಗ್ಗಿ ಒಳ್ಳೆಯ ಕೊಲೆಸ್ಟ್ರಾಲ್ ಹೆಚ್ಚಾಗಿ ಕ್ಯಾಲರಿ ದಹಿಸಿ ದೇಹದ ತೂಕ ಕಡಿಮೆಯಾಗುವುದು.

ವ್ಯಾಯಾಮವೆಂದರೆ ನೀವು ಜಿಮ್ ಗೆ ಹೋಗಿ ಭಾರವಾದ ಕಸರತ್ತುಗಳನ್ನು ಮಾಡಬೇಕೆಂದಿಲ್ಲ. ಮನೆಯಲ್ಲಿ ಲಘುವಾದ ವ್ಯಾಯಾಮ ಮಾಡಿದರೆ ಉತ್ತಮ. ದಿನದಲ್ಲಿ ಅರ್ಧ ಗಂಟೆ ಕಾಲ ವ್ಯಾಯಾಮ ಮಾಡಿದರೆ ಸಾಕು. ಇದು ಹೇಗೆಂದು ಮುಂದೆ ತಿಳಿಯಿರಿ.

ಹೃದಯದ ವ್ಯಾಯಾಮವು ದೈನಂದಿನ ವ್ಯಾಯಾಮವಾಗಿದೆ. ಈ ವ್ಯಾಯಾಮದಿಂದ ಹೃದಯ ಮಾತ್ರವಲ್ಲದೆ ದೇಹದಲ್ಲಿ ಆಮ್ಲಜನಕದ ಸರಬರಾಜು ಹೆಚ್ಚಾಗುವುದು. ಹೃದಯಕ್ಕೆ ನೆರವಾಗುವಂತಹ ವ್ಯಾಯಾಮ ಮಾಡುವವರು ವ್ಯಾಯಾಮ ಮಾಡದೇ ಇರುವವರಿಗಿಂತ ಹೃದಯದ ಕಾಯಿಲೆಗೆ ತುತ್ತಾಗುವುದು ತುಂಬಾ ಕಡಿಮೆ. ಓಡುವ ಅಥವಾ ವೇಗವಾಗಿ ನಡೆಯುವುದನ್ನು ಅಭ್ಯಾಸ ಮಾಡಿಕೊಳ್ಳಿ.

ಸ್ಕಿಪ್ಪಿಂಗ್ ಮಾಡುವುದು ತುಂಬಾ ಲಾಭದಾಯಕ ವ್ಯಾಯಾಮವಾಗಿದೆ. ಹೃದಯವು ವೇಗವಾಗಿ ರಕ್ತವನ್ನು ಸಂಚಲನ ಮಾಡಲು ಇದು ನೆರವಾಗುವುದು. ಕಿಕ್ ಬಾಕ್ಸಿಂಗ್ ಮತ್ತು ಕೆಲವೊಂದು ರೀತಿಯ ನೃತ್ಯಗಳು ಮನೋರಂಜನೆ ನೀಡುವುದು ಮಾತ್ರವಲ್ಲದೆ ಇದರಿಂದ ಹಲವಾರು ರೀತಿಯಲ್ಲಿ ಹೃದಯಕ್ಕೆ ಲಾಭವಿದೆ. ಹೈಕಿಂಗ್ ಅನ್ನು ನೀವು ಪ್ರಯತ್ನಿಸಿದರೆ ಹೃದಯವನ್ನು ಆರೋಗ್ಯವಾಗಿಡುವುದಲ್ಲದೆ ಹಲವಾರು ಸ್ನಾಯುಗಳನ್ನು ಬಲಪಡಿಸುವುದು. ಹೃದಯ ಬಡಿತದ ಏರಿಳಿತ: ಇದು ಅಪಾಯದ ಸೂಚನೆಯೇ?
ಮೇಲೆ ಹೇಳಿರುವಂತಹ ವ್ಯಾಯಾಮಗಳಿಂದ ತುಂಬಾ ಲಾಭವಿದೆ. ಕೈ ಹಾಗೂ ಕಾಲುಗಳನ್ನು ಅಲ್ಲಾಡಿಸುವಂತಹ ಯಾವುದೇ ರೀತಿಯ ವ್ಯಾಯಾಮಗಳು ಹೃದಯದ ಬಡಿತವನ್ನು ಹೆಚ್ಚು ಮಾಡುತ್ತದೆ. ಇದರಿಂದ ಇದನ್ನು ಹೃದಯದ ವ್ಯಾಯಾಮವೆಂದು ಪರಿಗಣಿಸಲಾಗುತ್ತದೆ. ಮನೆಕೆಲಸ ಮಾಡುವುದು, ಈಜುವುದು ಹಾಗೂ ನಡೆಯುವುದರಿಂದ ಹಲವಾರು ರೀತಿಯ ಲಾಭಗಳು ನಿಮ್ಮ ದೇಹಕ್ಕೆ ಆಗಲಿದೆ. ದೈಹಿಕ ವ್ಯಾಯಾಮ ಮೈ ಮನಸ್ಸಿಗೆ ಹಿತಕಾರಿ
ಇಂತಹ ಯಾವುದೇ ವ್ಯಾಯಾಮವನ್ನು ಮಾಡುತ್ತಿರುವಾಗ ಹೃದಯದಲ್ಲಿ ನೋವು ಅಥವಾ ಒತ್ತಡ, ಉಸಿರಾಟದಲ್ಲಿ ತೊಂದರೆ, ಅತಿಯಾಗಿ ಹೃದಯವು ಬಡಿದುಕೊಳ್ಳುವುದು ಅಥವಾ ನಿಶ್ಯಕ್ತಿ, ತಲೆ ನೋವು ಕಾಣಿಸಿಕೊಂಡರೆ ತಕ್ಷಣ ಈ ವ್ಯಾಯಾಮವನ್ನು ನಿಲ್ಲಿಸಿ ವೈದ್ಯರನ್ನು ಭೇಟಿಯಾಗಿ ಸಲಹೆ ಪಡೆಯಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.