ಬೀರ್ ಕುಡಿಯುವುದು ಆರೋಗ್ಯಕ್ಕೆ ಎಷ್ಟು ಒಳ್ಳೆಯದು?

Heart

oi-Reena

By Hema S

Published: Monday, November 21, 2011, 11:02 [IST]

"ಹೇ ಡ್ರಿಂಕ್ಸ್ ಮಾಡಬೇಡ ಕಣೊ ಅದು ಒಳ್ಳೆಯದಲ್ಲ" ಎಂದು ಹೇಳಿದರೆ ನನ್ನ ಫ್ರೆಂಡ್ಸ್ ಹೇಳುತ್ತಾರೆ :ಹಾಟ್ ಅಲ್ಲಪ್ಪ ಓನ್ಲೀ ಬೀರ್, ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಗೊತ್ತಾ ?". ಆದರೆ ಅವರ ಆ ಡೈಲಾಗ್ ಗೆ ಪುಷ್ಠಿ ನೀಡುವ ಹಾಗೆ ಬೀರ್ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು ಎಂಬ ಅಂಶ ಇಟಲಿಯಲ್ಲಿ ನಡೆಸಿದ ಸಂಶೋಧನೆಯಿಂದಾಗಿ ತಿಳಿದು ಬಂದಿದೆ.

ಅದರಲ್ಲಿ ಇತ್ತೀಚಿಗೆ ನಡೆಸಿದ ಸಂಶೋಧನೆಯಿಂದ ಎರಡು ಮುಖ್ಯವಾದ ಅಂಶಗಳು ತಿಳಿದು ಬಂದಿದೆ. ಅದೇನೆಂದರೆ ಕೆಂಪು ಮದ್ಯವನ್ನು ಮಿತವಾಗಿ ಸೇವಿಸುವುದು ಒಳ್ಳೆಯದು. ಆದರೆ ಕೆಂಪು ಮದ್ಯವು ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಹೆಚ್ಚಳಕ್ಕೆ ಕಾರಣವಾಗುತ್ತದೆ, ಪ್ರತಿದಿನ ನಾಲ್ಕು ಲೋಟಕ್ಕಿಂತ ಅಧಿಕ ಕೆಂಪು ಮದ್ಯ ಕುಡಿಯುವ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಬರುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.

ಆದರೆ ಮಿತವಾಗಿ ಪ್ರತಿ ದಿನ ಬೀರ್ ಕುಡಿಯುವ ಜನರರಲ್ಲಿ ಶೇ.31%ರಷ್ಟು ಹೃದಾಯಘಾತವಾಗುವುದನ್ನು ತಪ್ಪಿಸುತ್ತದೆ ಎಂದು ಸಂಶೋಧನೆಯಲ್ಲಿ ತಿಳಿದುಬಂದಿದೆ. ಈ ಸಂಶೋಧನೆಯಲ್ಲಿ ಬೀರ್ ಕುಡಿಯುವುದರಿಂದ ಅದು ಆರೋಗ್ಯವನ್ನು ವೃದ್ಧಿಸಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗಿದೆ.

ಇಷ್ಟನ್ನು ಕೇಳಿದ ತಕ್ಷಣ ಬಾರ್ ಕಡೆ ಓಡುವ ಮೊದಲು ಒಂದು ವಿಷಯವನ್ನು ಗಮನದಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದು, ಈ ಸಂಶೋಧನೆಯಲ್ಲಿ ಹೇಳಿರುವುದು ಬೀರ್ ಕುಡಿಯುವುದು ಒಳ್ಳೆಯದು, ಆದರೆ ಅದು ಮಿತಿಯಲ್ಲಿ ಇದ್ದರೆ ಮಾತ್ರ.

ಮದ್ಯದಿಂದಾಗುವ ಒಳಿತು ಕೆಡಕುಗಳ ಬಗ್ಗೆ ನಿರಂತರವಾಗಿ ಸಂಶೋಧನೆಗಳು ನಡೆಸುತ್ತಲೆ ಇವೆ.ಆದರೂ ಈ ಎರಡು ಸಂಶೋಧನೆಗಳಲ್ಲಿ ಒಂದು ವೈನ್ ಪ್ರಿಯರಿಗೆ ಕಡಿವಾಣ ಹಾಕಿದರೆ ಮತ್ತೊಂದು ಬೀರ್ ಪ್ರಿಯರಿಗೆ ಆನಂದವನ್ನು ತಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.