ಹೃದ್ರೋಗ ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚು

ಡಾಕ್ಟರುಗಳ ಪ್ರಕಾರ ಆಧುನಿಕ ಜೀವನ ಶೈಲಿ, ಅಧಿಕ ಒತ್ತಡದಿಂದ ಹೃದಯ ಸಂಬಂಧಿ ಸಮಸ್ಯೆಗಳು ಹೆಚ್ಚಾಗುತ್ತಿವೆ. ಅದರಲ್ಲೂ ದುಡಿಯುವ ಮಹಿಳೆಗೆ ಅಧಿಕ ಒತ್ತಡವಿರುತ್ತದೆ. ಅಧಿಕ ರಕ್ತದೊತ್ತಡ, ಧೂಮಪಾನ ಮತ್ತು ಕುಡಿತದ ಅಭ್ಯಾಸ ಇವುಗಳಿಂದ ಸಹ ಹೃದಯದ ಸಮಸ್ಯೆಗಳು ಹೆಚ್ಚಾಗಿ ಉಂಟಾಗುತ್ತವೆ.

ಮುಟ್ಟು ನಿಲ್ಲುವ ಆಸುಪಾಸಿನ ಸಮಯದಲ್ಲಿ ಮಹಿಳೆಯರಲ್ಲಿ ಹೆಚ್ಚಾಗಿ ಹೃದಯ ರೋಗಗಳು ಉಂಟಾಗುತ್ತವೆ. ಪ್ರಪಂಚದಲ್ಲಿ ಹೃದಯ ಸಮಸ್ಯೆಯಿಂದ ಸತ್ತ ಮಹಿಳೆಯರ ಸಂಖ್ಯೆ 9 ಮಿಲಿಯನ್ ಆಗಿದೆ. ಪ್ರತಿವರ್ಷ ಶೇ. 45ರಷ್ಟು ಮಹಿಳೆಯರು ಮೊದಲ ಹೃದಯ ಆಘಾತದಲ್ಲಿಯೆ ಮರಣವನ್ನಪ್ಪುತ್ತಾರೆ ಆದರೆ ಪುರುಷರಿಗೆ ಹೋಲಿಸಿದರೆ ಸಂಖ್ಯೆ ಶೇ. 25 ಆಗಿದೆ.

ಮತ್ತೊಂದು ನಂಬಿಕೆ ಅಂದರೆ ಮಹಿಳೆಯರಲ್ಲಿ ಸಂತಾನೋತ್ಪತ್ತಿ ಸಾಮಾರ್ಥ್ಯದ ವಯಸ್ಸಿನಲ್ಲಿ ಈ ರೀತಿಯ ಹೃದಯ ಕಾಯಿಲೆಗಳು ಕಡಿಮೆ ಉಂಟಾಗುತ್ತದೆ. ವೈದ್ಯರುಗಳು ಸಹ ಅನಗತ್ಯವಾದ ಆಧುನಿಕ ಜೀವನ ಶೈಲಿಗೆ ಹೆಚ್ಚು ಮಾರು ಹೋಗುವುದು ಒಳಿತಲ್ಲ ಎಂದು ಹೇಳಿದ್ದಾರೆ.

ಮಹಿಳೆಯರಲ್ಲಿ ಈ ಹೃದಯದ ಸಮಸ್ಯೆಗಳು ಹೆಚ್ಚಾಗಲು ಕಾರಣಗಳೆಂದರೆ ಅವರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಕೊಡುವುದಿಲ್ಲ. ಕೆಲವೊಮ್ಮೆ ಹೃದಯ ಸಮಸ್ಯೆಗಳು ಬರುವ ಮೊದಲು ಖಾಯಿಲೆಯ ಯಾವುದೇ ಲಕ್ಷಣಗಳು ಗೋಚರಿಸದೆ ಇರುವುದು ಸಹ ಒಂದು ಕಾರಣವಾಗಿದೆ.

ದಿನನಿತ್ಯ ವ್ಯಾಯಾಮ, ಒಳ್ಳೆಯ ಆಹಾರಕ್ರಮ , ಮದ್ಯ ಮತ್ತು ಧೂಮಪಾನದಿಂದ ದೂರ ಉಳಿಯುವುದು, ಆಗಾಗ ಹೃದಯ ತಪಾಸಣೆ ಮಾಡಿಸಿಕೊಳ್ಳುವುದರಿಂದ ಹೃದಯ ಸಂಬಂಧಿ ಸಮಸ್ಯೆಗಳನ್ನು ನಿವಾರಿಸಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.