ನಿಮ್ಮ ಹೃದಯದ ಸ್ವಾಸ್ಥ್ಯ ನಿಮ್ಮ ಬಾಯಲ್ಲೇ ಇದೆ!

Heart

oi-Sumalatha N

By Sumalatha N

Published: Wednesday, September 7, 2011, 11:54 [IST]

ನಿಮ್ಮ ಹಲ್ಲುಗಳು ಗಟ್ಟಿಮುಟ್ಟಾಗಿದ್ದು, ಒಸಡಿನ ಯಾವುದೇ ತೊಂದರೆ ನಿಮ್ಮನ್ನು ಬಾಧಿಸುತ್ತಿಲ್ಲ ಎಂದಾದರೆ ನಿಮ್ಮ ಹೃದಯವೂ ಆರೋಗ್ಯದಿಂದಿದೆ ಎಂದರ್ಥ. ಹೀಗೆಂದು ತಿಳಿದುಬಂದಿರುವುದು ಫಿನ್ ಲ್ಯಾಡ್ ನ ಹೆಲ್ಸಿಂಕಿ ಯೂನಿವರ್ಸಿಟಿ ಸೆಂಟ್ರಲ್ ಹಾಸ್ಪಿಟಲ್ ನಡೆಸಿದ ಪುನರ್ ಪರಿಶೀಲನೆಯಿಂದ.

ನಿಮ್ಮ ವಸಡುಗಳಲ್ಲಿ ತೊಂದರೆ ಕಾಣಿಸಿಕೊಂಡರೆ ಅದು ನಿಮ್ಮ ಹೃದಯದ ಸ್ವಾಸ್ತ್ಯವನ್ನೂ ಹಾಳುಗೆಡಹುತ್ತದೆ ಎಂದು ಪರಿಶೀಲನೆ ಎಚ್ಚರಿಸಿದೆ.

2010 ರಲ್ಲಿ ಸ್ಕಾಟ್ ಲ್ಯಾಂಡ್ ನಲ್ಲಿ 12,000 ಜನರ ಮೇಲೆ ನಡೆಸದ ಸಮೀಕ್ಷೆಯಿಂದ, ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವವರಿಗೆ ಹೋಲಿಸಿದರೆ ಸರಿಯಾಗಿ ಹಲ್ಲುಜ್ಜದೆ, ಬಾಯಿಯ ಸ್ವಾಸ್ಥ್ಯದೆಡೆಗೆ ಗಮನ ಕೊಡದವರಲ್ಲಿ ಹೃದಯದ ತೊಂದರೆ ಕಾಣಿಸುಕೊಳ್ಳುವ ಸಾಧ್ಯತೆ ಶೇಕಡಾ 70 ರಷ್ಟು ಹೆಚ್ಚಿರುತ್ತದೆ ಎಂದು ತಿಳಿದುಬಂದಿದೆ.

ಹಲ್ಲಿನ ಹಾಗೂ ಹೃದಯದ ಸ್ವಾಸ್ಥ್ಯದ ನಡುವಿನ ಸಂಬಂಧವನ್ನು ನಿಖರವಾಗಿ ತಿಳಿಯಲು ಸಾಧ್ಯವಾಗಿಲ್ಲ. ಆದರೆ ಹಲ್ಲು, ಒಸಡು, ಒಟ್ಟಾರೆಯಾಗಿ ಬಾಯಿಯ ಸ್ವಾಸ್ಥ್ಯವಿದ್ದರೆ ಹೃದಯ ಆರೋಗ್ಯವಾಗಿರುತ್ತದೆ ಎಂಬುದಂತೂ ಖಚಿತವಾಗಿದೆ.

ಒಸಡಿನ ಆರೋಗ್ಯಕ್ಕೆ ಏನೇನು ಮಾಡಬೇಕು?
* ಧೂಮಪಾನ ತ್ಯಜಿಸುವುದು
* ಸರಿಯಾಗಿ ಹಲ್ಲುಜ್ಜುವುದು
* ಆಗಾಗ್ಗೆ ಬಾಯಿ ಮುಕ್ಕಳಿಸುವುದು
* ಹಲ್ಲುಗಳಲ್ಲಿ ಆಹಾರ ಪದಾರ್ಥ ಸಿಲುಕದಂತೆ ಎಚ್ಚರವಹಿಸುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.