ಗೋವಾದಲ್ಲಿ ಗೋಬಿ ಮಂಚೂರಿ ಬ್ಯಾನ್‌: ಗೋಬಿ ಗರಿಗರಿಯಾಗಲು ಡಿಟರ್ಜೆಂಟ್ ಬಳಸುತ್ತಾರಂತೆ!

ಗೋಬಿ ಮಂಚೂರಿ ಯಾರಿಗೆ ತಾನೆ ಇಷ್ಟವಾಗಲ್ಲ, ಅದರ ಕೆಂಪು ಬಣ್ಣ, ಅದರ ಸುವಾಸನೆ ಇಷ್ಟೇ ಸಾಕು ಒಂದು ಪ್ಲೇಟ್‌ ಗೋಬಿ ಎಂದು ಆರ್ಡರ್‌ ಮಾಡಲು.

ಸ್ನ್ಯಾಕ್ಸ್ ಐಟಂಗಳಲ್ಲಿ ಮೋಸ್ಟ್‌ ಡಿಮ್ಯಾಂಡಿಂಗ್ ಫುಡ್. ಅದರಲ್ಲೂ ರಸ್ತೆ ಬದಿಯಲ್ಲಿ ವ್ಯಾಪಾರಿ ಗೋಬಿ ಮಾರಾಟ ಮಾರುತ್ತಿದ್ದರೆ ಗ್ರಾಹಕರಿಗೆ ಯಾವುದೇ ಬರವಿರಲ್ಲ, ಆದರೆ ಈ ವಿಷಯ ತಿಳಿದ ಮೇಲೆ ಗೋಬಿ ತಿನ್ನಲು ಹಿಂದೇಟು ಹಾಕುವಿರಿ.

ಗೋಬಿಯನ್ನು ಬ್ಯಾನ್ ಮಾಡಿದ ಗೋವಾ

ಗೋಬಿಯಲ್ಲಿರುವ ಅಪಾಯಕಾರಿ ಅಂಶಗಳನ್ನು ತಿಳಿದ ಗೋವಾ ಸರ್ಕಾರ ಗೋಬಿ ಬ್ಯಾನ್‌ ಮಾಡಿದೆ, ಯಾರಾದರೂ ಗೋಬಿ ಮಾರಿದರೆ ಅವರ ಹೋಟೆಲ್ ನಡೆಸುವ ಲೈಸೆನ್ಸ್ ಕೂಡ ರದ್ದು ಮಾಡಲಾಗುವುದು ಎಂಬ ಆದೇಶ ಹೊರಡಿಸಿದೆ.

ಗೋಬಿಯಲ್ಲಿ ಬಳಸಲಾಗುತ್ತಿದೆ ಕಳಪೆ ಮಟ್ಟದ ಸಾಸ್

ಗೋಬಿ ರುಚಿಯಾಗಬೇಕೆಂದರೆ ಸಾಸ್‌ ಪಾತ್ರ ಪ್ರಮುಖವಾದದ್ದು, ಚಿಲ್ಲಿ ಸಾಸ್, ಸೋಯ ಸಾಸ್‌, ಟೊಮೆಟೊ ಸಾಸ್ ಹಾಕಿ ಮಾಡುವ ಈ ಗೋಬಿಯನ್ನು ಬಾಯಿಗಿಟ್ಟರೆ ಅದರೆ ರುಚಿಗೆ ಕರಗಿ ಹೋಗುತ್ತೇವೆ, ಆದರೆ ಆ ರುಚಿ ನಮ್ಮ ಆರೋಗ್ಯವನ್ನೂ ಕರಗಿಸುತ್ತದೆ ಎಂಬ ಆಘಾತಕಾರಿ ಅಂಶ ತಿಳಿದು ಬಂದಿದೆ. ಗೋಬಿ ಮಾಡಲು ತುಂಬಾ ವ್ಯಾಪಾರಿಗಳು ತುಂಬಾನೇ ಕಳಪೆ ಗುಣಮಟ್ಡದ ಸಾಸ್‌ಗಳನ್ನು ಬಳಸುತ್ತಿದ್ದಾರೆ.

ಡಿಟರ್ಜೆಂಟ್ ಹಾಕಿ ಮಾಡಲಾಗುವುದು

ಇದು ಕೇಳಿದಾಗ ಬೆಚ್ಚಿ ಬೀಳುತ್ತೀವಿ ಅಲ್ವಾ, ಹೌದು ಹೂಕೋಸು ಫ್ರೈ ಮಾಡಿ ಗೋಬಿ ಮಾಡುತ್ತಾರೆ ಎಂಬುವುದು ನಮಗೆ ಗೊತ್ತು, ಆ ಗರಿ ಗರಿ ಗೋಬಿಯನ್ನು ನಾವು ಕೆಲವೊಮ್ಮೆ ಡ್ರೈ ಗೋಬಿಯನ್ನಾಗಿ ತಿನ್ನಲು ಇಷ್ಟಪಡುತ್ತೇವೆ, ಅದೇ ಮನೆಯಲ್ಲಿ ಮಾಡಿದರೆ ಅಷ್ಟು ಗರಿಗರಿ ಬರುವುದಿಲ್ಲ, ಗೋಬಿ ಗರಿಗರಿಯಾಗಿ ಬರಲು ಡಿಟರ್ಜೆಂಟ್ ಪೌಡರ್‌ ಬಳಸುತ್ತಿದ್ದಾರೆ. ಇದು ಗೋವಾ ಮಾತ್ರವಲ್ಲ ತುಂಬಾ ಕಡೆ ಕಂಡು ಬರುತ್ತಿದೆ, ಆದರೆ ಈ ವಿಷಯ ತಿಳಿದ ಗೋವಾ ಸರ್ಕಾರ ಗೋಬಿ ಮಂಚೂರಿಯನ್‌ಯನ್ನು ಬ್ಯಾನ್ ಮಾಡಿದೆ.

ಶುಚಿತ್ವ ಇರುವುದಿಲ್ಲ

ಬೀದಿ ಬದಿಯ ವ್ಯಾಪಾರಿಗಳು ಶುಚಿತ್ವ ಕಡೆಗೆ ಗಮನ ನೀಡುವುದು ಕಡಿಮೆ, ಇಂಥ ಕಡೆ ತಿನ್ನುವುದರಿಂದ ಆರೋಗ್ಯಕ್ಕೆ ಹಾನಿಯುಂಟಾಗುವುದು. ಅಲ್ಲದೆ ಎಣ್ಣೆ ಕೂಡ ಅಷ್ಟೇ ಕರಿದ ಎಣ್ಣೆಯನ್ನೇ ಪದೇ ಪದೇ ಬಳಸುತ್ತಾರೆ. ಇಂಥ ಎಣ್ಣೆ ಬಳಸುವುದರಿಂದ ಆರೋಗ್ಯಕ್ಕೆ ಹಾನಿಯಾಗುವುದು.

ಕೆಂಪು ಬಣ್ಣ

ಇನ್ನು ಗೋಬಿ ಕೆಂಪಾಗಿ ಆಕರ್ಷಿಸಲು ರಾಸಾಯನಿಕ ಬಣ್ಣಗಳನ್ನು ಬಳಸುತ್ತಾರೆ, ಈ ಎಲ್ಲಾ ಕಾರಣಗಳಿಂದಲೇ ನೀವು ಗೋಬಿ ತಿಂದಾಗ ಹೊಟ್ಟೆ ಹಾಳಾಗುವುದು ಉಂಟಾಗುವುದು.
ಗೋಬಿ ತಿನ್ನಬೇಕೆಂದು ಅನಿಸಿದರೆ ಮನೆಯಲ್ಲಿ ಮಾಡಿ ಹೊರಗಡೆ ತಿನ್ನಲು ಹೋಗಬೇಡಿ..

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.