Year Ender 2022: ಈ ವರ್ಷ ಆರೋಗ್ಯ ಹೆಚ್ಚಿಸಲು ಟಾಪ್‌ ಸರ್ಚ್‌ ಮಾಡಿದ 6 ಬಗೆಯ ಆಹಾರಗಳಿವು

1. ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಆಹಾರಗಳು ( Immunity-boosting foods)

ಎಲ್ಲರಿಗೂ ಈ ವಿಷಯದ ಬಗ್ಗೆ ತುಂಬಾನೇ ಆಸಕ್ತಿ, ಕೊರೊನಾ ಬಳಿಕ ಜನ ಆರೋಗ್ಯಕರ ಜೀವನಶೈಲಿ ಕಡೆ ತುಂಬಾನೇ ಗಮನ ನೀಡುತ್ತಿದ್ದಾರೆ. ಎಷ್ಟು ನಿದ್ದೆ ಮಾಡಬೇಕು, ಯಾವ ಆಹಾರ ತಿನ್ನಬೇಕು, ಯಾವುದು ತಿನ್ನಬಾರದು ಎಂಬೆಲ್ಲಾ ವಿಷಯಗಳನ್ನು ತಿಳಿದುಕೊಳ್ಳಬಯಸುತ್ತಿದ್ದಾರೆ.

ಈ ಆಹಾರಗಳು ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ತುಂಬಾನೇ ಸಹಕಾರಿ:

* ಪ್ರೊಬಯೋಟಿಕ್‌ ಆಹಾರಗಳು (ಹುದುಗುಬರಿಸಿದ ಆಹಾರ ಅಂದರೆ ದೋಸೆ ಹಿಟ್ಟು, ಇಡ್ಲಿ ಹಿಟ್ಟು , ತಂಗಳು ಅನ್ನ )

* ಸತು

* ವಿಟಮಿನ್ ಸಿ ಇರುವ ಆಹಾರಗಳು

* ಪ್ರೊಟೀನ್ ಆಹಾರಗಳು

ಕಾಳು ಇರುವ ತರಕಾರಿ (Seed-based plants)

2022ರಲ್ಲಿ ಜನರು ಕಾಳುಗಳು ಹಾಗೂ ಕಾಳುಗಳಿರುವ ತರಕಾರಿಗಳ ಬಗ್ಗೆ ಕೂಡ ತುಂಬಾನೇ ಸರ್ಚ್ ಮಾಡಿದ್ದಾರೆ. ಕಾಳುಗಳಲ್ಲಿ ಪೋಷಕಾಂಶಗಳು, ಖನಿಜಾಂಶಗಳಿದ್ದು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ನೀವು ಕಾಳುಗಳನ್ನು ಮೊಳಕೆಬರಿಸಿ ಸೇವಿಸಿದರೆ ತುಂಬಾನೇ ಒಳ್ಳೆಯದು. ಕಾಳು ಇರುವ ತರಕಾರಿಗಳಿಂದ ಪಲ್ಯನೂ ಮಾಡಬಹುದು. ಈ ಬಗೆಯ ತರಕಾರಿಗಳು ಮಧುಮೇಹಿಗಳ ಆರೋಗ್ಯಕಂತೂ ತುಂಬಾ ಒಳ್ಳೆಯದು. ಜೀರ್ಣಕ್ರಿಯೆಗೂ ಸಹಕಾರಿ.

ಸಿಹಿ ಕುಂಬಳಕಾಯಿ, ಬೀನ್ಸ್, ಅವರೆಕಾಳು, ಬಟಾಣಿ ಈ ಬಗೆಯ ತರಕಾರಿಗಳು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.

3. ಗಿಡಗಳಿಂದ ದೊರೆಯುವ ಆಹಾರ

2021ರಲ್ಲಿ ಈ ಆಹಾರ ಟಾಪ್‌ ಟ್ರೆಂಡ್‌ನಲ್ಲಿತ್ತು, 2022ರಲ್ಲೂ ಕೂಡ ಜನ ಇಂಥ ಆಹಾರಗಳ ಬಗ್ಗೆ ತುಂಬಾ ಸರ್ಚ್ ಮಾಡಿದ್ದಾರೆ, 2021ರಲ್ಲಿ ಈ ಬಗೆಯ ಆಹಾರಗಳನ್ನು ಹೆಚ್ಚಾಗಿ ಬಳಸುವುದರಿಂದ ಅದರ ಪ್ರಯೋಜನ ಕಂಡ ಬಂದಿರಬಹುದು ಅಥವಾ ಬೇರೆಯವರು ಹೇಳಿ ಇದರ ಬಗ್ಗೆ ತಿಳಿದಿರಬಹುದು. ಹಾಗಾಗಿ ಜನ ಈ ವರ್ಷ ಕೂಡ ಇದರ ಬಗ್ಗೆ ಸರ್ಚ್ ಮಾಡಿದ್ದಾರೆ.

ಆಲ್ಕೋಹಾಲ್‌ ಫ್ರೀ ಆಪ್ಷನ್

ಮದ್ಯದ ಫೀಲ್ ಬೇಕು ಆದರೆ ಆಲ್ಕೋಹಾಲ್‌ ಫ್ರೀ ಆಗಿರಬೇಕು, ಆಲ್ಕೋಹಾಲ್‌ ಫ್ರೀ ಆಪ್ಷನ್ ಕೂಡ ತುಂಬಾನೇ ಪ್ರಸಿದ್ಧಿ ಪಡೆಯಿತು. ಆಲ್ಕೋಹಾಲ್‌ ಫ್ರೀ ಸ್ಪಿರಿಟ್, ವೈನ್, ಬೀರ್ ಈ ಬಗೆಯ ಪಾನೀಯಗಳ ಸರ್ಚ್ ತುಂಬಾ ಜೋರಾಗಿತ್ತಂತೆ, ಜನರಿಗೆ ಆರೋಗ್ಯ ಕಾಳಜಿ ತುಂಬಾನೇ ಇದೆ ಎಂದಾಯ್ತು.

ಮುರಿಂಗಾ ಅಂದರೆ ನುಗ್ಗೆಸೊಪ್ಪು

ನುಗ್ಗೆಸೊಪ್ಪಿನಲ್ಲಿ ಹಲವಾರು ಔಷಧೀಯ ಗುಣಗಳಿವೆ. ಈ ನುಗ್ಗೆ ಸೊಪ್ಪಿಗೆ ರಕ್ತದೊತ್ತಡ ನಿಯಂತ್ರಿಸುವ ಶಕ್ತಿ ಇದೆ. ಬಾಣಂತಿಯರು ನುಗ್ಗೆಸೊಪ್ಪು ತಿಂದರೆ ಎದೆಹಾಲಿನ ಉತ್ಪತ್ತಿ ಹೆಚ್ಚುವುದು. ನುಗ್ಗೆ ಸೊಪ್ಪನ್ನು ಹಲವಾರು ಕಾಯಿಲೆಗಳಿಗೆ ಮನೆಮದ್ದಾಗಿ ಬಳಸಲಾಗುವುದು.

* ಇದರಲ್ಲಿ ವಿಟಮಿನ್‌ ಸಿ ಮತ್ತು ಬೀಟಾ ಕೆರೋಟಿನ್‌ ಇರುವುದರಿಂದ ಮಧುಮೇಹ, ಕ್ಯಾನ್ಸರ್, ಅಲ್ಜೈಮರ್ಸ್‌ ಈ ಬಗೆಯ ಸಮಸ್ಯೆ ತಡೆಗಟ್ಟಲು ಸಹಕಾರಿ.

* ನುಗ್ಗೆಸೊಪ್ಪು ತ್ವಚೆ ಹಾಗೂ ಕೂದಲಿನ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು.

ನಾನ್‌ ಡೈರಿ ಮಿಲ್ಕ್‌ (Non-Dairy Milk)

ಸೋಯಾ ಮಿಲ್ಕ್‌ ಇದು ನಾನ್‌ ಡೈರಿ ಮಿಲ್ಕ್‌. ಕೆಲವೊಂದು ತರಕಾರಿಗಳಿಂದ ಕೂಡ ಹಾಲನ್ನು ತೆಗಿಯಲಾಗುವುದು. ತೆಂಗಿನಕಾಯಿ ಹಾಲು, ಬಾದಾಮಿ ಹಾಲು, ಓಟ್‌ ಮಿಲ್ಕ್‌ ಇವೆಲ್ಲಾ ನಾನ್‌ ಡೈರಿ ಮಿಲ್ಕ್‌ ಆಗಿವೆ.

* ನಾನ್ ಡೈರಿ ಮಿಲ್ಕ್‌ ಹಾಲಿಗೆ ಪರ್ಯಾಯವಾಗಿದೆ, ಹಾಲು ಕುಡಿದಷ್ಟೇ ಪ್ರಯೋಜನ ಇದರಿಂದ ಸಿಗುವುದು.

* ಕೆಲವರಿಗೆ ಲ್ಯಾಕ್ಟೋಸ್‌ ಅಲರ್ಜಿ ಇರುತ್ತದೆ, ಅಂಥವರಿಗೆ ಈ ಬಗೆಯ ಹಾಲು ತುಂಬಾನೇ ಒಳ್ಳೆಯದು.

* ನಿಮ್ಮ ಹೊಟ್ಟೆಯ ಆರೋಗ್ಯಕ್ಕೆ ಒಳ್ಳೆಯದು

* ಇದು ಗ್ಲುಟೇನ್ ಫ್ರೀಯಾಗಿದೆ

* ಇದು ಕೊಲೆಸ್ಟ್ರಾಲ್ ಫ್ರೀ ಕೂಡ ಹೌದು.

ಈ ಎಲ್ಲಾ ಕಾರಣಗಳಿಂದ ನಾನ್‌ ಡೈರಿ ಉತ್ಪನ್ನಗಳು ತುಂಬಾನೇ ಜನಪ್ರಿಯವಾಗಿದೆ.