ಯಾವಾಗ ಸೋರೆಕಾಯಿ ತಿಂದ್ರೆ ಅದು ಸೈನಡ್‌ನಷ್ಟು ವಿಷವಾಗಿರುತ್ತೆ?

ಬಳಸುವ ಮುನ್ನ ಸ್ವಲ್ಪ ರುಚಿ ನೋಡಿ

ನೀವು ಜ್ಯೂಸ್‌ ಮಾಡುವ ಮುನ್ನ ಅಥವಾ ಸಾರು ಮಾಡುವ ಮುನ್ನ ಕತ್ತರಿಸಿ ಸ್ವಲ್ಪ ನೆಕ್ಕಿ ನೋಡಿ. ಆಗ ಕಹಿ ರುಚಿ ಬಂದರೆ ಬಳಸಲೇಬೇಡಿ. ಏಕೆಂದರೆ ಕಹಿಯಾದ ಸೋರೆಕಾಯಿ ತುಂಬಾ ವಿಷಕಾರಿಯಾಗಬಹುದು. ಇದರಿಂದ ಜನರು ಸಾವನ್ನಪ್ಪಿರುವ ಪ್ರಕರಣಗಳಿವೆ.

ಸೋರೆಕಾಯಿ ವಿಷ ದೇಹವನ್ನು ಸೇರಿದಾಗ ಕಂಡು ಬರುವ ಲಕ್ಷಣಗಳು

*ಕಿಬ್ಬೊಟ್ಟೆ ನೋವು

* ವಾಂತಿ

* ಬೇಧಿ

* ರಕ್ತವಾಂತಿ

* ಕರುಳಿನಲ್ಲಿ ರಕ್ತಸ್ರಾವ

*ಸಾವು ಕೂಡ ಸಂಭವಿಸಬಹುದು

ಸೋರೆಕಾಯಿ ಜ್ಯೂಸ್ ಕುಡಿದ ಬಳಿಕ ಅಥವಾ ಸಾರು ತಿಂದ ಬಳಿಕ ಹೊಟ್ಟೆ ನೋವು, ವಾಂತಿ ಮುಂತಾದ ಲಕ್ಷಣಗಳು ಕಂಡು ಬಂದರೆ ಕೂಡಲೇ ಆಸ್ಪತ್ರೆಗೆ ದಾಖಲಾಗಿ ಸೂಕ್ತ ಚಿಕಿತ್ಸೆ ಪಡೆದರೆ ಪ್ರಾಣಾಪಾಯದಿಂದ ಪಾರಾಗಬಹುದು.

ತಾಹಿರಾ ಕಶ್ಯಪ್ ಖುರಾನಾ ಅನುಭವ

ಪ್ರತಿದಿನ ಸೋರೆಕಾಯಿ ಜ್ಯೂಸ್‌ಗೆ ಸ್ವಲ್ಪ, ಅರಿಶಿಣ ಹಾಗೂ ಆಮ್ಲ(ನೆಲ್ಲಿಕಾಯಿ ಜ್ಯೂಸ್‌) ಹಾಕಿ ಕುಡಿಯುತ್ತಿದ್ದರು. ಆದರೆ ಇತ್ತೀಚೆಗೆ ಇವರು ಸೋರೆಕಾಯಿ ಜ್ಯೂಸ್‌ ತೆಗೆದುಕೊಂಡ ಸೋರೆಕಾಯಿ ಜ್ಯೂಸ್‌ ಕಹಿ ಅನಿಸಿದರೂ ಕುಡಿದರು. ಕುಡಿದ ಸ್ವಲ್ಪ ಹೊತ್ತಿನಲ್ಲಿ ವಾಂತಿ-ಬೇಧಿ ಕಾಣಿಸಿಕೊಂಡಿತ್ತು. ಹಾಗಾಗಿ ಆಸ್ಪತ್ರೆಗೆ ದಾಖಲಾಗಿ ಐಸಿಯುವಿನಲ್ಲಿ ಚಿಕಿತ್ಸೆ ಪಡೆಯಬೇಕಾಯಿತು. ಇದರ ಬಗ್ಗೆ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಹೇಳಿಕೊಂಡಿದ್ದಾರೆ.

ಸೋರೆಕಾಯಿ ಹಸಿ ತಿನ್ನುವುದು ಒಳ್ಳೆಯದಾ, ಬೇಯಿಸಿ ತಿನ್ನುವುದು ಒಳ್ಳೆಯದಾ?

ಸೋರೆಕಾಯಿ ಜ್ಯೂಸ್‌ ಮಾಡಿ ಕುಡಿಯುವಾಗ ಹಸಿ ಬಳಸುತ್ತೇವೆ, ಆದರೆ ಹಸಿ ತಿಂದರೆ ಅಡ್ಡಪರಿಣಾಮ ಉಂಟಾಗುವುದು, ಬೇಯಿಸಿ ತಿಂದರೆ ಇಂಥ ಅಪಾಯಗಳನ್ನು ತಪ್ಪಿಸಬಹುದು. ಆದರೆ ಕಹಿ ಇದ್ದರೆ ಮಾತ್ರ ಬೇಯಿಸಿ ತಿನ್ನಲೂ ಮಾಡಬಾರದು.