ರಕ್ತದಾನಕ್ಕೆ ಮುನ್ನ ಹಾಗೂ ನಂತರ ತಿನ್ನಬೇಕಾದ 5 ಆಹಾರಗಳು

1. ನೀರು

ನಿಮ್ಮ ದೇಹದಲ್ಲಿ ಕಬ್ಬಿಣದಂಶ ಹೆಚ್ಚು ಮಾಡುವುದರಲ್ಲಿ ನೀರಿನ ಪಾತ್ರ ಏನೂ ಇಲ್ಲ, ಆದರೆ ರಕ್ತದಾನಕ್ಕೆ ಮುಂಚೆ ನೀರು ಕುಡಿಯುವುದು ಅಷ್ಟೇ ಮುಖ್ಯ. ದೇಹದಲ್ಲಿ ನೀರಿನಂಶ ಕಾಪಾಡಲು ನೀರು ಮುಖ್ಯ, ಅಲ್ಲದೆ ನೀರು ಕುಡಿಯುವುದರಿಂದ ರಕ್ತದಾನದ ಬಳಿಕ ಆರಾಮವಾಗಿ ಇರುವಿರಿ.

2. ತೆಳು ಕೆಂಪು ಮಾಂಸ

ಕೆಂಪು ಮಾಂಸವನ್ನು ಮಿತವಾಗಿ ತಿನ್ನುವುದು ಒಳ್ಳೆಯದು. ರಕ್ತದಾನಕ್ಕೆ ಮುಂಚೆ ಒಂದು ಸ್ಟೀಕ್‌ ಮಾಂಸ ಬಾಯಲ್ಲಿ ಹಾಕಿ ಸವಿಯಬಹುದು. 100 ಗ್ರಾಂ ಕೆಂಪು ಮಾಂಸದಲ್ಲಿ 2.4 ಮಿ.ಗ್ರಾಂ ಕಬ್ಬಿಣದಂಶವಿರುತ್ತದೆ. ಇದು ರಕ್ತದ ಕೆಂಪು ಬಣ್ಣ ಹೆಚ್ಚಿಸುವಲ್ಲಿ ಸಹಕಾರಿ.

3. ಧಾನ್ಯಗಳು

ಕೆಂಪು ಮಾಂಸ ತಿನ್ನದಿರುವುದು ಧಾನ್ಯಗಳನ್ನು ತಿನ್ನಬಹುದು. ಇದರಲ್ಲಿ ಕೂಡ ಕಬ್ಬಿಣದಂಶ ಅಧಿಕವಿರುತ್ತದೆ. ಕಬ್ಬಿಣದಂಶದ ಜೊತೆಗೆ ಇತರ ಪೋಷಕಾಂಶಗಳು ದೊರೆಯುತ್ತದೆ. ಧಾನ್ಯಗಳನ್ನು ಮೊಳಕೆ ಬರಿಸಿ ತಿಂದರೆ ಮತ್ತಷ್ಟು ಒಳ್ಳೆಯದು.

4. ಪಾಲಾಕ್‌

ಇನ್ನು ರಕ್ತದಾನಕ್ಕೆ ಮುಂಚೆ ಪಾಲಾಕ್‌ ತಿನ್ನಿ. ಇದನ್ನು ಪಲ್ಯ ಅಥವಾ ಸ್ಮೂತಿ ಮಾಡಿ ಸೇವಿಸಬಹುದು. ಇದು ದೇಹದಲ್ಲಿ ನೀರಿನಂಶ ಕಾಪಾಡುವಲ್ಲಿ ಕೂಡ ತುಂಬಾನೇ ಸಹಕಾರಿ.

5. ಕಲ್ಲಂಗಡಿ ಹಣ್ಣು

ನೀರು ಕುಡಿಯಲು ಇಷ್ಟವಿಲ್ಲವೆಂದರೆ ಅದಕ್ಕೆ ಬದಲಾಗಿ ಕಲ್ಲಂಗಡಿ ಹಣ್ಣು ಜ್ಯೂಸ್‌ ಕುಡಿಯಿರಿ. ಇನ್ನು ಸ್ಟ್ರಾಬೆರ್ರಿ ಕೂಡ ತಿನ್ನಬಹುದು. ರಕ್ತದಾನ ಮಾಡುವ ಇವುಗಳನ್ನು ತಿಂದು ರಕ್ತದಾನ ಮಾಡಲು ಹೇಳಿ.

ನೀವು ರಕ್ತದಾನ ಮಾಡಿರುವುದರಿಂದ 3 ಜನಕ್ಕೆ ಜೀವದಾನ ಮಾಡಿದ್ದೀರಿ. ಈಗ ನಿಮ್ಮ ಆರೋಗ್ಯದ ಕಾಳಜಿಗೆ ಈ ಆಹಾರಗಳನ್ನು ತಿನ್ನಿ:

1. ಜ್ಯೂಸ್

ನೀರು ಹಾಗೂ ಜ್ಯೂಸ್‌ ಕುಡಿಯಬೇಕು. ರಕ್ತದಾನ ಮಾಡಿದ ಬಳಿಕ ಎಳನೀರು ಅಥವಾ ತಾಜಾ ಹಣ್ಣಿನ ಜ್ಯೂಸ್ ಕುಡಿಯಿರಿ. ನಿಮಗೆ ಇಷ್ಟವಾದ ಯಾವುದೇ ಹಣ್ಣಿನ ಜ್ಯೂಸ್ ಕುಡಿಯಬಹುದು. ಸೇಬು ಹಾಗೂ ಕಿತ್ತಳೆಯ ಜ್ಯೂಸ್‌ ಕುಡಿವುದು ಒಳ್ಳೆಯದು.

2. ಕುಕ್ಕೀಸ್

ಯಾವ ಕುಕ್ಕೀಸ್ ಬೇಕಾದರೂ ಸವಿಯಬಹುದು, ಆದರೆ ಡ್ರೈ ಫ್ರೂಟ್ಸ್‌ನಿಂದ ಮಾಡಿದ ಕುಕ್ಕೀಸ್ ಆದರೆ ತುಂಬಾನೇ ಒಳ್ಳೆಯದು, ರಕ್ತದಾನದ ಬಳಿಕ ಇದನ್ನು ಸವಿಯಿರಿ, ಇದರಲ್ಲಿ ಸಕ್ಕರೆಯಂಶ ಇರುವುದರಿಂದ ಗ್ಲೂಕೋಸ್ ಹೆಚ್ಚಾಗಿ ಸುಸ್ತು ಕಡಿಮೆಯಾಗುವುದು.

3. ಬೆಣ್ಣೆಹಣ್ಣು

ರಕ್ತದಾನದ ಬಳಿಕ ಬೆಣ್ಣೆ ಹಣ್ಣು ತಿನ್ನಿ. ಇದರಲ್ಲಿರುವ ಒಮೆಗಾ 3 ಕೊಬ್ಬಿನಂಶ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಇದನ್ನು ಹಾಗೇ ತಿನ್ನಬಹುದು ಅಥವಾ ಜ್ಯೂಸ್ ಅಥವಾ ಮಿಲ್ಕ್‌ ಶೇಕ್‌ ಮಾಡಿ ತಿನ್ನಬಹುದು.

4. ಮಾಕ್‌ಟೇಲ್

ನೀವು ರಕ್ತದಾನ ಮಾಡುವ ಮುನ್ನ ಮಾತ್ರವಲ್ಲ, ಮಾಡಿದ ಬಳಿಕ ಕೂಡ 24 ಗಂಟೆಗಳವರೆಗೆ ಮದ್ಯಪಾನ ಮಾಡಬಾರದು. ಈ ಸಮಯದಲ್ಲಿ ನೀವು ಮಾಕ್‌ಟೇಲ್‌ ಮಾಡಿ ಕುಡಿಯಬಹುದು. ಹೀಗೆ ಮಾಡುವುದರಿಂದ ಖುಷಿಯೂ ಉಂಟಾಗುವುದು.

5. ನಟ್ಸ್

ರಕ್ತ ದಾನದ ಬಳಿಕ ನಟ್ಸ್, ಕಡಲೆ ಮುಂತಾದವುಗಳನ್ನು ಸವಿಯುವುದು ಒಳ್ಳೆಯದು. ಇನ್ನು ಡ್ರೈಫ್ರೂಟ್ಸ್ ಕೂಡ ಸವಿಯಬಹುದು. ಇವೆಲ್ಲಾ ದೇಹದಲ್ಲಿ ರಕ್ತ ಮರು ಉತ್ಪತ್ತಿಯಾಗಲೂ ತುಂಬಾನೇ ಸಹಕಾರಿ.

ರಕ್ತದಾನದ ಬಗ್ಗೆ ಆತಂಕ ಬೇಡ, ನಿಮ್ಮ ರಕ್ತದಾನವೂ ಕನಿಷ್ಠ ಮೂರು ವ್ಯಕ್ತಿಗೆ ಜೀವದಾನ ಎಂಬ ಹೆಮ್ಮೆ ನಿಮ್ಮದಾಗಿರಲಿ.