ಪುರುಷರೇ, ನಿಮ್ಮ ಆಹಾರದಲ್ಲಿರಲಿ ಟೊಮೆಟೊ, ಇದು ತಡೆಗಟ್ಟುತ್ತೆ ಪ್ರಾಸ್ಟೇಟ್ ಕ್ಯಾನ್ಸರ್

ಟೊಮೆಟೊದಲ್ಲಿರುವ ಪೋಷಕಾಂಶಗಳು ಪ್ರಾಸ್ಟೇಟ್‌ ಕ್ಯಾನ್ಸರ್ ತಡೆಗಟ್ಟುತ್ತೆ

ಟೊಮೆಟೊದಲ್ಲಿ ವಿಟಮಿನ್ ಸಿ, ಕೆ, ಫೋಲೇಟ್ ಹಾಗೂ ಪೊಟಾಷ್ಯಿಯಂ ಅಂಶವಿದೆ. ಹೊಸ ಅಧ್ಯಯನದ ಪ್ರಕಾರ ಈ ಎಲ್ಲಾ ಪೋಷಕಾಂಶಗಳು ಪ್ರಾಸ್ಟೇಟ್‌ ಕ್ಯಾನ್ಸರ್ ತಡೆಗಟ್ಟುವಲ್ಲಿ ಸಹಕಾರಿಯಾಗಿದೆ ಎಂದು ತಿಳಿದು ಬಂದಿದೆ. 'Cancer Epidemiology Biomarkers and Prevention' ಎಂಬ ಜರ್ನಲ್‌ನಲ್ಲಿ ಪ್ರಕಟವಾದ ವರದಿಯಲ್ಲಿ ಟೊಮೆಟೊ ಕ್ಯಾನ್ಸರ್ ತಡೆಗಟ್ಟಲು ಪರಿಣಾಮಕಾರಿ ಎಂದು ಹೇಳಿದೆ.

ಟೊಮೆಟೊವನ್ನು ಎಷ್ಟು ಸೇವಿಸಬೇಕು?

ಪುರುಷರು ತಿನ್ನುವ ಆಹಾರದಲ್ಲಿ ವಾರದಲ್ಲಿ 10 ಟೊಮೆಟೊ ಸೇರಿಸಿದರೆ ಅಂದ್ರೆ ದಿನದಲ್ಲಿ ಒಂದರಿಂದ -ಎರಡು ಟೊಮೆಟೊ ತಿನ್ನುವುದರಿಂದ ಪ್ರಾಸ್ಟೇಟ್‌ ಕ್ಯಾನ್ಸರ್ ತಡೆಗಟ್ಟಬಹುದು. ಟೊಮೆಟೊದಲ್ಲಿರುವ ಕಶ್ಮಲಗಳನ್ನು ಹೊರಹಾಕುತ್ತೆ ಹಾಗೂ ಜೀವ ಕಣಗಳಿಗೆ ಹಾನಿಯುಂಟಾಗುವುದನ್ನು ತಡೆಗಟ್ಟುತ್ತೆ.

ಪ್ರಾಸ್ಟೇಟ್‌ ಕ್ಯಾನ್ಸರ್‌ ಲಕ್ಷಣಗಳು

ಸಾಮಾನ್ಯವಾಗಿ 60 ವರ್ಷ ಮೇಲ್ಪಟ್ಟ ಪುರುಷರಲ್ಲಿ ಈ ರೀತಿಯ ಸಮಸ್ಯೆ ಕಂಡು ಬರುತ್ತದೆ. ಪ್ರಾಸ್ಟೇಟ್‌ ಕ್ಯಾನ್ಸರ್‌ನ ಆರಂಭಿಕ ಲಕ್ಷಣಗಳನ್ನು ಕೆಲವರು ನಿರ್ಲಕ್ಷ್ಯ ಮಾಡುವುದರಿಂದ ಅದು ಗಂಭೀರ ಹಂತ ತಲುಪಿದಾಗ ತಿಳಿಯುವಂತಾಗುವುದು. ಪ್ರಾಸ್ಟೇಟ್‌ ಕ್ಯಾನ್ಸರ್‌ ತಡೆಗಟ್ಟಲು ಪುರುಷರು ಈ ಲಕ್ಷಣಗಳನ್ನು ತಡೆಗಟ್ಟಬಾರದು.

* ಮೂತ್ರ ವಿಸರ್ಜನೆ ವೇಳೆ ನೋವು

* ಮೂತ್ರ ಸರಾಗವಾಗಿ ಹೋಗಲು ಕಷ್ವವಾದಾಗ

* ರಾತ್ರಿ ವೇಳೆ ಪದೇ ಪದೆ ಮೂತ್ರ ವಿಸರ್ಜನೆ

* ಮೂತ್ರದಲ್ಲಿ ರಕ್ತ

* ಲೈಂಗಿಕ ಕ್ರಿಯೆ ವೇಳೆ ನೋವು

* ಉರಿಮೂತ್ರ

* ಬಾಯಲ್ಲಿ ಹುಣ್ಣುಗಳು ಉಂಟಾಗುವುದು

* ಮಲದಲ್ಲಿ ರಕ್ತ

ಇವೆಲ್ಲಾ ಕಂಡು ಬಂದರೆ ನಿರ್ಲಕ್ಷ್ಯ ಮಾಡದೆ ಕೂಡಲೇ ವೈದ್ಯರಿಗೆ ತೋರಿಸಿ ನಿಮ್ಮ ಆರೋಗ್ಯದ ಸ್ಥಿತಿ ತೆಗೆದುಕೊಳ್ಳಿ.

ಪ್ರಾಸ್ಟೇಟ್‌ ಕ್ಯಾನ್ಸರ್ ತಡೆಗಟ್ಟಲು ಕೆಲ ಮನ್ನೆಚ್ಚರಿಕೆಗಳು

* ವ್ಯಾಯಾಮ ಮಾಡುವುದು ಹಾಗೂ ಆರೋಗ್ಯಕರ ಜೀವನಶೈಲಿ

* ಆರೋಗ್ಯಕರ ಆಹಾರಶೈಲಿ

* ರಕ್ತ ಪರೀಕ್ಷೆ ಮಾಡಿಸುವುದು

ಕೊನೆಯದಾಗಿ: ಪ್ರಾಸ್ಟೇಟ್‌ ಕುರಿತು ನಡೆಸಿದ ಅಧ್ಯಯನದಲ್ಲಿ ಟೊಮೆಟೊ ಪ್ರಾಸ್ಟೇಟ್‌ ಕ್ಯಾನ್ಸರ್ ತಡೆಗಟ್ಟಲು ಸಹಕಾರಿ ಎಂಬುವುದು ತಿಳಿದು ಬಂದಿದೆ, ಇದರ ಕುರಿತು ಇನ್ನೂ ಅನೇಕ ಸಂಶೋಧನೆಗಳು ನಡೆಯಬೇಕಾಗಿದೆ.

ಟೊಮೆಟೊದಲ್ಲಿ ಇನ್ನಿತರ ಆರೋಗ್ಯಕರ ಗುಣಗಳಿರುವುದರಿಂದ ನಿಮ್ಮ ದಿನನಿತ್ಯದ ಆಹಾರ ಕ್ರಮದಲ್ಲಿ ಟೊಮೆಟೊ ಸೇರಿಸುವುದರಿಂದ ಅನೇಕ ಗುಣಗಳನ್ನು ಪಡೆಯಬಹುದು. ಇದರಲ್ಲಿ ವಿಟಮಿನ್‌ ಸಿ, ಲೈಕೋಪೆನೆ ಇರುವುದರಿಂದ ರೋಗ ನಿರೋಧಕ ಶಕ್ತಿ ಕೂಡ ವೃದ್ಧಿಸುವುದು.