ಈ ಫಿಟ್ನೆಸ್‌ನಲ್ಲಿ ಪಾಸಾದರೆ, ನೀವು ಫಿಟ್ ಆಗಿದ್ದೀರಿ ಎಂದರ್ಥ!

ಟಿಪ್ಸ್ #1

ಶೂ ಲೇಸ್ ಅನ್ನು ಕಟ್ಟಿಕೊಳ್ಳುವಾಗ ಕುರ್ಚಿ ಮೇಲೆ ಕುಳಿತುಕೊಳ್ಳದೆ, ಮೊಣಕಾಲನ್ನು ಬಗ್ಗಿಸಿದ ಕಟ್ಟಿದರೆ ನಿಮ್ಮ ಫಿಟ್ನೆಸ್ ಮಟ್ಟವು ಉತ್ತಮವಾಗಿದೆ ಎಂದರ್ಥ ಮತ್ತು ಹೊಟ್ಟೆಯ ಕೊಬ್ಬು ಕಡಿಮೆಯಿದೆ ಎಂದು ಹೇಳಬಹುದು. ಶೂ ತನಕ ಬಗ್ಗಲು ನಿಮಗೆ ಸಾಧ್ಯವಾಗದೆ ಇದ್ದರೆ ಆಗ ಫಿಟ್ನೆಸ್ ಕಡೆ ಮತ್ತಷ್ಟು ಶ್ರಮ ವಹಿಸಬೇಕು.

ಟಿಪ್ಸ್ #2

ಕಚೇರಿಯಲ್ಲಿ ಲಿಫ್ಟ್ ಬಳಸುವ ಬದಲು ಮೆಟ್ಟಿಲುಗಳಲ್ಲಿ ಓಡಿಕೊಂಡು ಹೋಗಿ. ಕೊನೆಯ ಮಹಡಿ ತಲುಪಿದಾಗ ನಿಮಗೆ ತುಂಬಾ ಆಯಾಸವಾಗಿದೆ ಎಂದಾದರೆ ನಿಮ್ಮ ಫಿಟ್ನೆಸ್ ಮಟ್ಟವು ತುಂಬಾ ಕೆಟ್ಟದಾಗಿದೆ ಎಂದರ್ಥ. ಒಂದೇ ಉಸಿರಿನಲ್ಲಿ ಸುಮಾರು 50 ಮೆಟ್ಟಿಲುಗಳನ್ನು ಏರಿ ಹೃದಯದ ಸಾಮರ್ಥ್ಯವನ್ನು ಪರೀಕ್ಷಿಸಿ.

ಟಿಪ್ಸ್ #3

ಮೂರೇ ನಿಮಿಷದಲ್ಲಿ ಒಂದು ಕಿ.ಮೀ. ಓಡಿದರೆ ನಿಮ್ಮ ಫಿಟ್ನೆಸ್ ಬಗ್ಗೆ ಚಿಂತೆ ಮಾಡಬೇಕಿಲ್ಲ. ಒಂದು ಕಿ.ಮೀ. ಓಡಲು 4ಕ್ಕಿಂತ ಹೆಚ್ಚು ನಿಮಿಷ ತೆಗೆದುಕೊಂಡರೆ ನಿಮ್ಮ ಫಿಟ್ನೆಸ್ ಮಟ್ಟವು ತುಂಬಾ ಕಳಪೆಯಾಗಿದೆ ಎಂದು ಹೇಳಬಹುದು. ಇದು ನಿಮ್ಮ ಹೃದಯಕ್ಕೆ ನಿಜವಾದ ಪರೀಕ್ಷೆ.

ಟಿಪ್ಸ್ #4

ನೀವು 50ಕ್ಕಿಂತ ಹೆಚ್ಚಿನ ಬಸ್ಕಿ ತೆಗೆದರೆ ಆಗ ಫಿಟ್ನೆಸ್ ಮಟ್ಟವು ಉತ್ತಮವಾಗಿದೆ ಎನ್ನಬಹುದು. 15ಕ್ಕಿಂತ ಕಡಿಮೆ ಇದ್ದರೆ ಇನ್ನಷ್ಟು ಪ್ರಯತ್ನಪಡಬೇಕಾಗುತ್ತದೆ. ಇದು ನಿಮ್ಮ ಸಂಪೂರ್ಣ ಸಾಮರ್ಥ್ಯ ಮತ್ತು ಕಾಲುಗಳ ಸಾಮರ್ಥ್ಯವನ್ನು ಪರೀಕ್ಷಿಸುತ್ತದೆ.

ಟಿಪ್ಸ್ #5

ಸುಮಾರು 13 ಫುಲ್ ಅಪ್ಸ್ ಮಾಡಿದರೆ ಫಿಟ್ನೆಸ್ ಮಟ್ಟವು ಚೆನ್ನಾಗಿದೆ ಎಂದು ಹೇಳಬಹುದು. 3ಕ್ಕಿಂತ ಕಡಿಮೆ ಫುಲ್ ಅಪ್ಸ್ ಆಗಿದ್ದರೆ ಫಿಟ್ನೆಸ್ ಮಟ್ಟದ ಕಡೆ ಹೆಚ್ಚಿನ ಗಮನಹರಿಸಬೇಕು. ಇದು ನಿಮ್ಮ ಕೈಗಳು ಮತ್ತು ಬೆನ್ನಿನ ಮೇಲ್ಭಾಗವನ್ನು ಪರೀಕ್ಷೆಗೊಡ್ಡುತ್ತದೆ.

ಟಿಪ್ಸ್ #6

ನೀವು 50 ಫುಶ್ ಅಪ್ಸ್ ಮಾಡಿದರೆ ಫಿಟ್ನೆಸ್ ಮಟ್ಟವು ಒಳ್ಳೆಯದಾಗಿದೆ ಎಂದರ್ಥ. 15ಕ್ಕಿಂತ ಹೆಚ್ಚು ಮಾಡಲು ಸಾಧ್ಯವಿಲ್ಲವೆಂದಾದರೆ ಗಂಭೀರವಾಗಿ ಚಿಂತಿಸಬೇಕು. ಈ ವ್ಯಾಯಾಮವು ಭುಜ, ಎದೆ ಟ್ರಿಸೆಪ್ಸ್ ನ್ನು ಬಲಪಡಿಸುತ್ತದೆ.