ನೀವು ಕೂಡ ಮುಪ್ಪಿನ ಕಬಂಧಬಾಹುವಿಗೆ ಸಿಲುಕಬಹುದು!

ಯಾವಾಗಲು ಟಿವಿ ನೋಡುತ್ತಾ ಇರುತ್ತೀರಿ

ಬ್ರಿಟೀಷ್ ಜರ್ನಲ್ ಆಫ್ ಸ್ಪೋರ್ಟ್ಸ್ ಮೆಡಿಸಿನ್ 2012 ರ ಪ್ರಕಾರ 25 ತುಂಬಿದವರು ಒಂದು ಗಂಟೆ ಕುಳಿತು ಟಿವಿ ನೋಡಿದರೆ ನಿಮ್ಮ ಆಯಸ್ಸಿನಲ್ಲಿ 21.8 ನಿಮಿಷಗಳನ್ನು ಕಡಿಮೆ ಮಾಡಿಕೊಳ್ಳುತ್ತೀರಂತೆ. ಆದ್ದರಿಂದ ಟಿವಿಯನ್ನು ನೋಡಿ, ಅದರ ಮುಂದೆ ಕುಳಿತೇ ಇರಬೇಡಿ. ಅದರಿಂದ ಹೊರಗೆ ಪ್ರಪಂಚ ಇದೆ ಎಂಬುದನ್ನು ಮರೆಯಬೇಡಿ.

ಅಗತ್ಯಕ್ಕೆ ತಕ್ಕಷ್ಟು ನಿದ್ದೆ ಮಾಡದಿದ್ದರೆ

ಒಂದು ವೇಳೆ ನೀವು ಎಂಟು ಗಂಟೆಗಳ ಕಾಲ ನಿದ್ದೆ ಮಾಡಲಿಲ್ಲವಾದಲ್ಲಿ, ನಿಮ್ಮ ತ್ವಚೆಯು ಬೇಗ ವಯಸ್ಸಾದಂತೆ ಕಾಣುತ್ತದೆ. ಅದನ್ನು ತಡೆಯಲು ಅಗತ್ಯ ಪ್ರಮಾಣದಷ್ಟು ನಿದ್ದೆ ಮಾಡಿ. ಹೌದು, ನಿದ್ದೆ ಮಾಡಬೇಕಾದ ಸಮಯದಲ್ಲಿ ಎಚ್ಚರಿದ್ದು ಎಚ್ಚರಿರಬೇಕಾದ ಸಮಯದಲ್ಲಿ ನಿದ್ದೆ ಹೋಗುವುದು, ಅತಿ ಹೆಚ್ಚು ಅಥವಾ ಅತಿ ಕಡಿಮೆ ಸಮಯ ನಿದ್ದೆ ಮಾಡುವುದು ಮೊದಲಾದವು ಕ್ರಮಬದ್ದವಲ್ಲದ ನಿದ್ದೆಯ ಅಭ್ಯಾಸಗಳಾಗಿವೆ. ಉತ್ತಮ ಆರೋಗ್ಯಕ್ಕೆ ನಿತ್ಯವೂ ನಿಯಮಿತ ಸಮಯದಲ್ಲಿ ಆರರಿಂದ ಎಂಟು ಗಂಟೆಗಳ ಗಾಢ ನಿದ್ದೆ ಬೇಕು.

ಅಗತ್ಯವಾದಷ್ಟು ಒಮೆಗಾ-3 ಕೊಬ್ಬಿನ ಆಮ್ಲಗಳನ್ನು ಸೇವಿಸುತ್ತಿಲ್ಲ

ಒಮೆಗಾ-3 ಕೊಬ್ಬಿನ ಆಮ್ಲಗಳು ನಮ್ಮ ದೇಹಕ್ಕೆ ಅಗತ್ಯವಿರುವ ಆರೋಗ್ಯಕರ ಕೊಬ್ಬು ಆಗಿದೆ. ನಾವು ಸೇವಿಸುವ ಆಹಾರದಲ್ಲಿ ಕೊಬ್ಬು ಇರಬಾರದು. ಆದರೆ ಆರೋಗ್ಯಕರವಾದ ಕೊಬ್ಬು ನಮ್ಮ ಆರೋಗ್ಯಕ್ಕೆ ಮತ್ತು ತೂಕ ಕಡಿಮೆ ಮಾಡಿಕೊಳ್ಳಲು ಮತ್ತು ವಯಸ್ಸಾಗದಂತೆ ತಡೆಯಲು ತೀರಾ ಮುಖ್ಯ. ಈ ಆಮ್ಲಗಳು ನಿಮ್ಮ ಮೆದುಳಿನ ಕೋಶಗಳು ಹಾಳಾಗುವುದನ್ನು ಸಹ ತಡೆಯುತ್ತವೆ.

ಧೂಮಪಾನ ಮತ್ತು ಮದ್ಯಪಾನ

ಸಾಮಾಜಿಕ ಪಿಡುಗುಗಳಾದ ಈ ಎರಡು ದುರಭ್ಯಾಸಗಳು ಮುಪ್ಪನ್ನು ಬೇಗೇ ಆವರಿಸುವಲ್ಲಿ ಪ್ರಮುಖ ಕಾರಣವಾಗಿವೆ ಎಂಬ ಮಾತಿನಲ್ಲಿ ಯಾವುದೇ ಸಂಶಯವಿಲ್ಲ. ಇವುಗಳ ಸೇವನೆಯಿಂದ ದೇಹದ ಮುಖ್ಯ ಅಂಗಗಳಾದ ಮೂತ್ರಪಿಂಡಗಳು ಮತ್ತು ಶ್ವಾಸಕೋಶಗಳು ಬಾಧೆಗೊಳಗಾಗುತ್ತವೆ. ಅಲ್ಲದೇ ಚರ್ಮವೂ ಸಡಿಲಗೊಂಡು ನೆರಿಗೆಗಳು ಮೂಡಲು ತೊಡಗುತ್ತದೆ. ದಿನಗಳೆದಂತೆ ಇದರ ವ್ಯಸನಕ್ಕೆ ಒಳಗಾದವರು ಸೇವನೆಯ ಪ್ರಮಾಣವನ್ನು ಹೆಚ್ಚಿಸುವ ಮೂಲಕ ಆರೋಗ್ಯವನ್ನು ಇನ್ನಷ್ಟು ಕೆಡಿಸಿಕೊಳ್ಳುವುದಲ್ಲದೇ ಜೋಲುಬಿದ್ದ ಚರ್ಮ, ಗುಳಿಬಿದ್ದ ಕಣ್ಣುಗಳು, ಕೆಲಭಾಗ ಕೆಂಪಗಾಗಿ ಸವೆದ ಚರ್ಮ ಮೊದಲಾದ ಲಕ್ಷಣಗಳಿಂದ ಚಿಕ್ಕವಯಸ್ಸಿಗೇ ಮುಪ್ಪಿಗೀಡಾದವರಂತೆ ಕಾಣುತ್ತಾರೆ.

ಸೋಡಾ ಪಾನೀಯಗಳ ಸೇವನೆ

ಸೋಡಾ ಪಾನೀಯಗಳಲ್ಲಿರುವ ಅಧಿಕ ಸಕ್ಕರೆ ಅಂಶವು ನಿಮ್ಮ ತ್ವಚೆಯು ಶೀಘ್ರವಾಗಿ ವಯಸ್ಸಾದಂತೆ ಕಾಣುವಂತೆ ಮಾಡುತ್ತದೆ. ಜೊತೆಗೆ ನಿಮ್ಮ ಜೀರ್ಣ ಕ್ರಿಯೆಯ ಮೇಲೆ ಪ್ರತಿಕೂಲ ಪರಿಣಾಮವನ್ನು ಬೀರುತ್ತದೆ. ಹಾಗಾಗಿ ಸೋಡಾ ಪಾನೀಯಗಳನ್ನು ಸೇವಿಸಬೇಡಿ.