ದೇಹದ ಮೂಳೆಗಳ ಸಾಂದ್ರತೆ ಹೆಚ್ಚಿಸಲು ಸರಳ ಸೂತ್ರ

ಹಸಿರು ಸೊಪ್ಪು ಮತ್ತು ಎಲೆಗಳು

ಕ್ಯಾಲ್ಸಿಯಂ ಅಂಶವನ್ನು ಮೂಳೆಗಳು ಹೀರಿಕೊಳ್ಳಲು ಅಗತ್ಯವಾದ ಪೋಷಕಾಂಶವೆಂದರೆ ವಿಟಮಿನ್ ಕೆ. ಇದು ಹಸಿರು ಎಲೆ ಮತ್ತು ಸೊಪ್ಪುಗಳಲ್ಲಿ ಹೇರಳವಾಗಿದ್ದು ವಾರದ ಕೆಲವು ಹೊತ್ತಿನಲ್ಲಾದರೂ ಸಾಕಷ್ಟು ಪ್ರಮಾಣದಲ್ಲಿ ಸೊಪ್ಪುಗಳನ್ನು ಸೇವಿಸಬೇಕು.

ಅಕ್ರೋಟು

ಅಕ್ರೋಟು ಅಥವಾ ಕಂದುಕಾಯಿಯಲ್ಲಿ ಉತ್ತಮ ಪ್ರಮಾಣದ ಸತು (Zinc) ಲಭ್ಯವಿದ್ದು ಮೂಳೆಗಳು ಕ್ಯಾಲ್ಸಿಯಂ ಹೀರಿಕೊಳ್ಳಲು ನೆರವಾಗುತ್ತವೆ.

ಕಿತ್ತಳೆಜಾತಿಯ ಹಣ್ಣುಗಳು

ಕಿತ್ತಳೆ, ಮೂಸಂಬಿ ಮೊದಲಾದ ಹಣ್ಣುಗಳಲ್ಲಿ ವಿಟಮಿನ್ ಸಿ ಮತ್ತು ಇತರ ಪೋಷಕಾಂಶಗಳಿದ್ದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಜೊತೆಗೇ ಮೂಳೆಗಳು ದೃಢವಾಗಲು ಸಹಕರಿಸುತ್ತವೆ. ಆಗಾಗ ಈ ಹಣ್ಣುಗಳನ್ನು ಸೇವಿಸುತ್ತಿರುವುದು ಉತ್ತಮ.

ವಿವಿಧ ಒಣಫಲಗಳು

ಮ್ಯಾಂಗನೀಸ್, ಪೊಟ್ಯಾಶಿಯಂ ಮತ್ತು ಫಾಸ್ಪರಸ್ ಹೆಚ್ಚಿರುವ ಒಣಫಲಗಳನ್ನು ಆಗಾಗ ತಿನ್ನುತ್ತಿರುವುದರಿಂದ ಮೂಳೆಗಳು ದೃಢವಾಗುತ್ತವೆ. ನಮ್ಮ ಬಡವರ ಬಾದಾಮಿ ಶೇಂಗಾಬೀಜ ಇದಕ್ಕೆ ಉತ್ತಮ ಆಯ್ಕೆಯಾಗಿದೆ. ಅಂತೆಯೇ ಬಾದಾಮಿ, ಒಣ ಪೀಚ್ ಹಣ್ಣುಗಳಲ್ಲೂ ಉತ್ತಮ ಪ್ರಮಾಣದ ಪೊಟ್ಯಾಶಿಯಂ ಇದೆ. ಇದು ನಮ್ಮ ಶರೀರದಿಂದ ಕ್ಯಾಲ್ಸಿಯಂ ಮೂತ್ರದ ಮೂಲಕ ವ್ಯರ್ಥವಾಗಿ ಹೊರಹೋಗದಂತೆ ತಡೆಯುತ್ತದೆ.

ಮೀನು

ಸಾಲ್ಮನ್ ಮೊದಲಾದ ಮೀನುಗಳಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಡಿ ಇದೆ. ಇದು ಹಾಲಿನಲ್ಲಿರುವ ಕ್ಯಾಲ್ಸಿಯಂ ಮೂಳೆಗಳು ಹೀರಿಕೊಳ್ಳಲು ನೆರವಾಗುತ್ತದೆ. ವಾರಕ್ಕೊಮ್ಮೆ ಮೀನಿನ ಊಟ ಮೂಳೆಗಳಿಗೆ ಉತ್ತಮವಾಗಿದೆ.

ಬಾಳೆಹಣ್ಣು

ದಿನಕ್ಕೆರಡು ಬಾಳೆಹಣ್ಣು ತಿನ್ನುವುದರಿಂದ ಉತ್ತಮ ಪ್ರಮಾಣದ ಪೊಟ್ಯಾಶಿಯಂ ದೇಹಕ್ಕೆ ಲಭ್ಯವಾಗುತ್ತದೆ. ವಿಶೇಷವಾಗಿ ವ್ಯಾಯಾಮದ ಬಳಿಕ ಸೇವಿಸುವ ಆಹಾರದಲ್ಲಿ ಕನಿಷ್ಟ ಒಂದಾದರೂ ಬಾಳೆಹಣ್ಣಿರಲಿ.

ಒಣದ್ರಾಕ್ಷಿ

ಒಣದ್ರಾಕ್ಷಿಯಲ್ಲಿ ಉತ್ತಮ ಪ್ರಮಾಣದ ಮೆಗ್ನೀಶಿಯಂ ಇದೆ. ಆಗಾಗ ಇವನ್ನು ಕೊಂಚವಾಗಿ ಸೇವಿಸುವ ಮೂಲಕ ಮೂಳೆಗಳ ಸಾಂದ್ರತೆ ಹೆಚ್ಚುತ್ತದೆ. ಮೂಳೆಗಳಿಗೆ ಪೂರಕವಾದ ಇನ್ನಾವುದೇ ಆಹಾರಗಳ ಬಗ್ಗೆ ನಿಮಗೆ ಮಾಹಿತಿಯಿದ್ದರೆ ದಯವಿಟ್ಟು ನಮ್ಮೊಂದಿಗೆ ಹಂಚಿಕೊಳ್ಳಿ.

ಬಿಯರ್

ಬಿಯರ್‌ನಲ್ಲಿ ಸಿಲಿಕಾನ್ ಎಂಬ ಧಾತುವಿದೆ. ಇದೂ ಸಹಾ ಮೂಳೆಗಳು ಕ್ಯಾಲ್ಸಿಯಂ ಅಂಶವನ್ನು ಹೀರಿಕೊಳ್ಳಲು ನೆರವಾಗುತ್ತದೆ. ಆದರೆ ಬಿಯರ್ ಸಹಾ ಮಾದಕ ಪಾನೀಯವಾದುದರಿಂದ ಯಾವಾಗಲೋ ಒಮ್ಮೆ ಕೊಂಚ ಪ್ರಮಾಣದಲ್ಲಿ ಮಾತ್ರ ಸೇವಿಸಿದರೆ ಸಾಕು.