ಹಕ್ಕಿಗಳ ಇಂಪಾದ ಕಲರವದ ನಡುವೆ ಮುಂಜಾನೆಯ ನಡಿಗೆ

ಮಹಿಳೆಯರಿಗೆ ಅತ್ಯುತ್ತಮವಾದ ವ್ಯಾಯಾಮವಾಗಿದೆ

ಮಹಿಳೆಯರಲ್ಲಿ ಸ್ತನಕ್ಯಾನ್ಸರ್‌ಗೆ ಕಾರಣವಾಗುವ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳು ಮುಂಜಾನೆಯ ನಡಿಗೆಯ ಮೂಲಕ ಲಭ್ಯವಾಗುವ ಶಕ್ತಿಯಿಂದ ನಾಶವಾಗುತ್ತವೆ. ಇದಕ್ಕೆ ಕಾರಣ ಈಸ್ಟ್ರೋಜನ್ ಎಂಬ ರಸದೂತ (ಹಾರ್ಮೋನು). ದಿನದ ಇತರ ಹೊತ್ತಿಗಿಂತಲೂ ಬೆಳಗ್ಗಿನ ನಡಿಗೆಯಿಂದ ಈಸ್ಟ್ರೋಜನ್ ಬಳಕೆಯ ಪ್ರಮಾಣ ಹೆಚ್ಚಿರುವುದರಿಂದ ಆರೋಗ್ಯದ ಏರುಪೇರನ್ನು ಇತರ ಹೊತ್ತಿಗಿಂತಲೂ ಹೆಚ್ಚು ಸಮರ್ಥವಾಗಿ ಕಾಪಾಡುತ್ತದೆ.

ಮೂಳೆಗಳಲ್ಲಿ ಟೊಳ್ಳಾಗುವುದನ್ನು (Osteoporosis) ತಪ್ಪಿಸುತ್ತದೆ

ಮೂಳೆಗಳಲ್ಲಿ ಕ್ಯಾಲ್ಸಿಯಂ ಕೊರತೆ ಹಾಗೂ ಇತರ ಕಾರಣಗಳಿಂದ ಗಾಳಿಗುಳ್ಳೆಗಳು ತುಂಬುವುದು, ಕಿರಿದಾದ ಬಿರುಕುಗಳುಂಟಾಗುವುದು, ಟೊಳ್ಳಾಗುವ ಸಂಭವ ಹೆಚ್ಚುತ್ತದೆ. ಹಾಲಿನಲ್ಲಿ ಕ್ಯಾಲ್ಸಿಯಂ ಇದ್ದರೂ ಅದನ್ನು ಮೂಳೆಗಳು ಹೀರಿಕೊಳ್ಳಲು ಮೂಳೆಗಳವರೆಗೆ ರಕ್ತಸಂಚಾರದ ಮೂಲಕ ಹಲವು ಇತರ ಪೋಷಕಾಂಶಗಳು ಸಾಗುವುದು ಅಗತ್ಯವಾಗಿದೆ. ಬೆಳಗ್ಗಿನ ನಡೆಗೆಯ ಮೂಲಕ ಈ ಕಾರ್ಯ ಅತ್ಯುತ್ತಮವಾಗಿ ನೆರವೇರುವುದರಿಂದ ಮೂಳೆಗಳು ಶಿಥಿಲವಾಗುವ ಈ ಸ್ಥಿತಿಯಿಂದ ತಪ್ಪಿದಂತಾಗುತ್ತದೆ.

ಆಯಸ್ಸು ಹೆಚ್ಚುತ್ತದೆ

ಹಿರಿಯರು ಆಶೀರ್ವಾದ ನೀಡುವಾಗ 'ದೇವರು ನಿಮಗೆ ಆಯುರಾರೋಗ್ಯ ನೀಡಲಿ' ಎಂದೇ ಹರಸುತ್ತಾರೆ. ಇದರರ್ಥ ಆರೋಗ್ಯ ಮತ್ತು ಆಯಸ್ಸು ಎರಡೂ ಸಿಗಲಿ ಎಂಬ ಹಾರೈಕೆ. ಇವೆರಡೂ ಒಂದಕ್ಕೊಂದು ಪೂರಕವಾಗಿವೆ. ಆರೋಗ್ಯವಿಲ್ಲದ ಆಯಸ್ಸು ಕೂಡ ಅನುಭವಿಸಲು ಸಾಧ್ಯವಾಗದ್ದು. ಉತ್ತಮ ಆರೋಗ್ಯದಿಂದ ಹೆಚ್ಚಿನ ಆಯಸ್ಸು ಮತ್ತು ಮುಂಜಾನೆಯ ನಡಿಗೆಯಿಂದ ಉತ್ತಮ ಆರೋಗ್ಯ ಸಾಧ್ಯ. ವೈದ್ಯಕೀಯ ಅಂಕಿಅಂಶಗಳ ಮೂಲಕ ಬೆಳಗ್ಗಿನ ನಡಿಗೆಯ ಅಭ್ಯಾಸವಿದ್ದವರು ಇತರರಿಗಿಂತ ಹೆಚ್ಚು ಆಯಸ್ಸು ಉಳ್ಳವರಾಗಿದ್ದಾರೆ.

ಮೆದುಳಿನ ತೊಂದರೆಗಳಿಂದ ರಕ್ಷಿಸುತ್ತದೆ

ನಮ್ಮ ದೇಹಕ್ಕೆ ದಿನದ ಇತರ ಎಲ್ಲಾ ಊಟಗಳಿಗಿಂತ ಮುಂಜಾನೆಯ ಉಪಾಹಾರ ಅತ್ಯಂತ ಪ್ರಮುಖವಾಗಿದೆ. ಏಕೆಂದರೆ ನಿದ್ದೆಯ ಬಳಿಕ ಎದ್ದ ಶರೀರಕ್ಕೆ ಅದರಲ್ಲೂ ಮೆದುಳಿಗೆ ಹೆಚ್ಚಿನ ರಕ್ತಸಂಚಾರದ ಅಗತ್ಯವಿದೆ. ಮುಂಜಾನೆಯ ನಡೆಗೆಯ ಮೂಲಕ ಮೆದುಳಿಗೆ ಸಮರ್ಪಕ ಪ್ರಮಾಣದಲ್ಲಿ ರಕ್ತಸಂಚಾರ ಲಭ್ಯವಾಗುವುದರಿಂದ ಈ ಕೊರತೆಯ ಮೂಲಕ ಉದ್ಭವವಾಗಬಹುದಾಗಿದ್ದ ತೊಂದರೆಗಳು (ಉದಾಹರಣೆಗೆ ಬುದ್ದಿಮಾಂದ್ಯತೆ-dementia) ಬರುವುದರಿಂದ ತಡೆದಂತಾಗುತ್ತದೆ. ಖಿನ್ನತೆ, ತಲೆನೋವು ಮೊದಲಾದ ತೊಂದರೆಗಳು ಕಡಿಮೆಯಾಗುತ್ತವೆ.

ದೇಹದ ತ್ರಾಣ ಹೆಚ್ಚುತ್ತದೆ

ಬೆಳಗ್ಗಿನ ನಡಿಗೆಯಿಂದ ಇಡಿಯ ದೇಹಕ್ಕೆ ಉತ್ತಮ ರಕ್ತಸಂಚಾರದ ಮೂಲಕ ದಿನದ ಮುಖ್ಯ ಕೆಲಸಗಳು ಪ್ರಾರಂಭವಾಗುವ ಮೊದಲೇ ಉತ್ತಮ ಪ್ರಮಾಣದ ಪೋಷಕಾಂಶಗಳು ರವಾನಿಸಲ್ಪಟ್ಟಿರುವುದರಿಂದ ದಿನದ ಯಾವುದೇ ಕೆಲಸಕ್ಕೆ ದೇಹದ ಸ್ನಾಯು ಮತ್ತು ಮನಸ್ಸು ಸಿದ್ಧವಾಗಿರುತ್ತದೆ. ಇದು ಯಾವುದೇ ಕೆಲಸವನ್ನು ಹೆಚ್ಚು ಸಮರ್ಥವಾಗಿ ನಿರ್ವಹಿಸಲು ನೆರವಾಗುತ್ತದೆ.